ഇനി ആമസോണ്‍ വഴി വിമാന ടിക്കറ്റും ബുക്ക് ചെയ്യാം; 2000 രൂപ വരെ കാഷ്ബാക്ക് ഓഫര്‍

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ബെംഗളൂരു: ഷോപ്പിംഗിനും പണമിടപാടുകള്‍ക്കും ബില്‍ പെയ്‌മെന്റുകള്‍ക്കും മൊബൈല്‍ റീചാര്‍ജുകള്‍ക്കുമൊപ്പം വിമാന ടിക്കറ്റുകള്‍ ബുക്ക് ചെയ്യാനും ഇ-കൊമേഴ്‌സ് ഭീമനായ ആമസോണില്‍ അവസരമൊരുങ്ങുന്നു. എല്ലാറ്റിനും വേണ്ടി പ്രത്യേക മൊബൈല്‍ ആപ്പുമായി രംഗത്തെത്തിയിരിക്കുകയാണ് കമ്പനിയിപ്പോള്‍. ഓണ്‍ലൈന്‍ ട്രാവല്‍ പ്ലാറ്റ്‌ഫോമായ ക്ലിയര്‍ട്രിപ്പുമായി സഹകരിച്ചാണ് ആമസോണ്‍ പുതിയ ആപ്പ് തയ്യാറാക്കിയിരിക്കുന്നത്. ആഭ്യന്തര വിമാന ടിക്കറ്റുകളാണ് ഇതുവഴി ബുക്ക് ചെയ്യാന്‍ സാധിക്കുക.

 
ഇനി ആമസോണ്‍ വഴി വിമാന ടിക്കറ്റും ബുക്ക് ചെയ്യാം; 2000 രൂപ വരെ കാഷ്ബാക്ക് ഓഫര്‍

ഏറ്റവും മികച്ച യാത്രാ സേവനം ലഭ്യമാക്കാനാണ് ക്ലിയര്‍ട്രിപ്പുമായി സഹകരിച്ചുള്ള പുതിയ സംരംഭത്തിലൂടെ ആമസോണ്‍ ലക്ഷ്യമിടുന്നതെന്ന് ആമസോണ്‍ പേ ഡയരക്ടര്‍ ഷരീഖ് പ്ലാസ്റ്റിക് വാല പറഞ്ഞു. ആമസോണ്‍ വഴി ബുക്ക് ചെയ്ത ടിക്കറ്റ് കാന്‍സല്‍ ചെയ്താല്‍ അതിന് അധിക ചാര്‍ജ് ഈടാക്കില്ലെന്നത് സവിശേഷതയാണെന്നും അദ്ദേഹം അറിയിച്ചു. ഉപഭോക്താവ് എയര്‍ലൈന്‍ കാന്‍സലേഷന്‍ ചാര്‍ജ് മാത്രം നല്‍കിയാല്‍ മതിയാവും. ആമസോണ്‍ മൊബൈല്‍ ആപ്പിലെയും വെബ്‌സൈറ്റിലെയും ആമസോണ്‍ പേ പേജില്‍ കാണുന്ന വിമാനത്തിന്റെ ഐക്കണില്‍ ക്ലിക്ക് ചെയ്താല്‍ ടിക്കറ്റ് ബുക്കിംഗ് സേവനം ലഭ്യമാകും.

ആമസോണ്‍ ആപ്പിലൂടെ ആഭ്യന്തര വിമാന ടിക്കറ്റുകള്‍ ബുക്ക് ചെയ്യാനുള്ള സൗകര്യം ലഭ്യമാക്കുക വഴി അതിന്റെ പ്രൈം മെംബര്‍മാര്‍ക്ക് കൂടുതല്‍ മൂല്യവത്തായ സേവനങ്ങള്‍ നല്‍കാനാകുന്നുവെന്നതില്‍ സന്തോഷമുണ്ടെന്നും പ്ലാസ്റ്റിക് വാല പറഞ്ഞു.

ഫ്ലാറ്റ് ബുക്ക് ചെയ്ത് ഒരു വർഷം കഴിഞ്ഞിട്ടും ലഭിച്ചില്ലെങ്കിൽ റീഫണ്ട് ആവശ്യപ്പെടാം

കാഷ്ബാക്ക് ഓഫറുള്‍പ്പെടെയുള്ള ആനുകൂല്യങ്ങളുമായാണ് ആമസോണ്‍ വ്യോമഗതാഗത സേവനവുമായി രംഗത്തെത്തിയിരിക്കുന്നത്. പ്രൈം കസ്റ്റമര്‍മാര്‍ക്ക് 800 മുതല്‍ 2000 രൂപ വരെയും അല്ലാത്തവര്‍ക്ക് 400 മുതല്‍ 1600 രൂപവരെയുമാണ് കാഷ്ബാക്ക് ഓഫര്‍. മെയ് അവസാനം വരെയാണ് ഈ ഓഫര്‍ നിലവിലുണ്ടാവുക. സ്‌പൈസ്‌ജെറ്റ്, എയര്‍ഇന്ത്യ, ഗോഎയര്‍, എയര്‍ ഏഷ്യ, വിസ്താര എന്നീ എയര്‍ലൈനുകളുടെ ടിക്കറ്റുകള്‍ ആസമോണ്‍ ആപ്പില്‍ ലഭ്യമാണ്. ആമസോണിന് 15 കോടി രജിസ്‌റ്റേര്‍ഡ് ഉപയോക്താക്കളുണ്ടെന്നാണ് കണക്ക്.

English summary

amazon comes up with flight booking service

amazon comes up with flight booking service
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X