ജിയോയുടെ അടുത്ത വിപ്ലവം; ജിയോ ജി​ഗാഫൈബർ ഉടൻ പുറത്തിറക്കും

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ജിയോ ജിഗാ ഫൈബർ ഉടൻ പുറത്തിറക്കും. ഇന്ത്യൻ സാങ്കേതിക മേഖലയിലെ അടുത്ത വിപ്ലവത്തിന് കാത്തിരിക്കുകയാണ് ഉപഭോക്താക്കൾ. ടെലികോം രം​ഗത്ത് അടിമുടി മാറ്റങ്ങളുമായി പുറത്തിറക്കിയ ജിയോ വമ്പൻ ഹിറ്റായതിന് പിന്നാലെയാണ് റിലയൻസ് ജിയോ ജി​ഗാ ഫൈബർ എന്ന ബ്രോഡ്ബാൻഡ് വ്യവസായത്തിലേയ്ക്ക് തിരിഞ്ഞിരിക്കുന്നത്. മെച്ചപ്പെട്ട ഇന്റർനെറ്റ് സേവനങ്ങൾ കുറഞ്ഞ നിരക്കിൽ ഉപഭോക്താക്കളിൽ എത്തിക്കുന്ന പദ്ധതിയായിരിക്കും ജിയോ ജി​ഗാഫൈബർ എന്നാണ് നിലവിലെ വിലയിരുത്തൽ.

 

കുറച്ചു നാളുകളായി ജി​ഗാ ഫൈബർ പരീക്ഷണത്തിലാണുള്ളത്. പരീക്ഷണ ഘട്ടം കഴിഞ്ഞാൽ ഉടൻ തന്നെ വാണിജ്യപരമായി ജി​ഗാഫൈബർ പുറത്തിറക്കുമെന്നാണ് പ്രതീക്ഷ. ഉടൻ തുടങ്ങുമെന്ന് പ്രതീക്ഷിക്കുന്നു. GigaFiber അതിന്റെ സബ്സ്ക്രിപ്ഷൻ പ്ലാനുകൾക്ക് അതിന്റെ തനതായ വിലനിർണ്ണയത്തോടെയുള്ള സ്വാധീനം ചെലുത്തുമെന്ന് തോന്നുന്നു. ബ്രോഡ്ബാൻഡ്, ലാൻഡ് ഫോൺ, ടിവി റീച്ചാർജ് തുടങ്ങി എല്ലാ സേവനവും ഒരുമിച്ച് ലഭിക്കുന്ന പദ്ധതിയാണ് ജി​ഗാഫൈബറിന്റേത്.

ജിയോയുടെ അടുത്ത വിപ്ലവം; ജിയോ ജി​ഗാഫൈബർ ഉടൻ പുറത്തിറക്കും

പ്രതിമാസം വെറും 600 രൂപയ്ക്ക് ചാർജ് ചെയ്താൽ ബ്രോഡ്ബാൻഡ്, ലാൻഡ് ലൈൻ, ടി.വി എന്നിവയുടെ കോംമ്പോ ഓഫർ ജിയോ ജിഗാ ഫൈബറിലൂടെ ലഭിക്കുമെന്നും റിപ്പോർട്ടുകൾ ഉണ്ടായിരുന്നു. ട്രിപ്പിൾ പ്ലേ പ്ലാൻ അനുസരിച്ച് ഒരു മാസത്തേക്ക് 100ജിബി ഡാറ്റയാണ് ലഭിക്കുക. കൂടാതെ ലാൻഡ് ലൈനുകൾ അൺലിമിറ്റഡ് കോൾ സൗകര്യത്തോടെയാകും ലഭിക്കുക. 4500 രൂപയുടെ വൺ ടൈം ഡിപ്പോസിറ്റ് സംവിധാനവും ലഭ്യമാണ്. ജി​ഗാ ഫൈബർ വിപണിയിലെത്തിയാൽ മൂന്നു സേവനങ്ങളും ആദ്യത്തെ ഒരു വർഷം സൗജന്യമായാകും ഉപഭോക്താക്കൾക്ക് ലഭിക്കുന്നതെന്നും കമ്പനി അധികൃതർ വ്യക്തമാക്കിയിരുന്നു.

ജി​ഗാ ഫൈബറിന്റെ പരീക്ഷണം അവസാന ഘട്ടത്തിലെത്തിയെന്ന് മുകേഷ് അംബാനി വെളിപ്പെടുത്തിയതായി അടുത്തിടെ ചില ദേശീയ മാധ്യമങ്ങളും വ്യക്തമാക്കിയിരുന്നു. ഹോം ബ്രോഡ്ബാൻഡ്, വിനോദം, സ്മാർട്ട് ഹോം സൊലൂഷൻസ്, വയർലൈൻ, എന്റർപ്രൈസ് എന്നിവ ഉൾപ്പെടുത്തുന്നതാണ് സേവനമെന്നും സ്ഥിരീകരിച്ചിട്ടുണ്ട്.

malayalam.goodreturns.in

Read more about: jio jio gigafiber ജിയോ
English summary

Jio GigaFiber launchs Commercially Soon

The jio giga Fiber will be released soon. Customers are waiting for the next revolution in the Indian technical sector.
Story first published: Tuesday, May 21, 2019, 15:16 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X