എയർടെൽ ഉപഭോക്താക്കൾക്ക് സന്തോഷ വാർത്ത. റീച്ചാർജ് പ്ലാനിനൊപ്പം ഇൻഷുറൻസ് കവറേജ് കൂടി വാ​ഗ്ദാനം ചെയ്തിരിക്കുകയാണ് കമ്പനി. എയര്‍ടെല്ലിന്റെ 249 രൂപയുടെ പ്രീ പെയ്ഡ് പ്ലാനിനൊപ്പം നാലു ലക്ഷം രൂപയുടെ ഇന്‍ഷുറന്‍സ് കവറേജാണ് ഇനി മുതൽ ഉപഭോക്താക്കൾക്ക് ലഭിക്കുക. എച്ച്ഡിഎഫ്‌സി ലൈഫ് ഇന്‍ഷുറന്‍സുമായി സഹകരിച്ചാണ് എയർടെൽ ഈ പദ്ധതി നടപ്പിലാക്കുന്നത്.

ഈ പ്ലാന്‍ അനുസരിച്ച് പരിധിയില്ലാത്ത കോളും 2 ജിബി ഡാറ്റയും പ്രതിദിനം 100 എസ്എംഎസുമാണ് ഉപഭോക്താക്കൾക്ക് ലഭിക്കുക. 28 ദിവസമാണ് പ്ലാനിന്റെ കാലാവധി. മൈ എയര്‍ടെല്‍ ആപ്പ് വഴിയോ റീട്ടെയ്‌ലര്‍ വഴിയോ എസ്എംഎസ് അയച്ച് റീച്ചാര്‍ജ് ചെയ്തശേഷം ഉപഭോക്താവിന് ഇന്‍ഷുറന്‍സ് പരിരക്ഷ ഉറപ്പാക്കാം.

18 മുതല്‍ 54 വയസ്സുവരെയുള്ളവര്‍ക്കാണ് ഇന്‍ഷുറന്‍സ് പരിരക്ഷ ലഭിക്കുക. ഇതിനായി മെഡിക്കല്‍ പരിശോധനയോ മറ്റ് നടപടിക്രമങ്ങളോ ആവശ്യമില്ല. ആവശ്യമെങ്കില്‍ പോളിസിയുടെ കോപ്പിയും ഉപഭോക്താക്കൾക്ക ലഭിക്കും. ഉപഭോക്താക്കള്‍ക്ക് കൂടുതല്‍ ടോക്ക്‌ ടൈമും ഡേറ്റയും നല്‍കുന്ന പുതിയ പ്ലാനുകളും എയർടെൽ അവതരിപ്പിച്ചിട്ടുണ്ട്.

എയര്‍ടെല്‍ പുതുതായി അവതരിപ്പിച്ച എയര്‍ടെല്‍ താങ്ക്‌സ് പദ്ധതിയുടെ ഭാഗമായി നിരവധി കോംപ്ലിമെന്ററി സേവനങ്ങളും ലഭിക്കും. മൂന്നു മാസത്തെ നെറ്റ്ഫ്‌ളിക്‌സ് സേവനങ്ങള്‍, ഒരു വര്‍ഷത്തെ ആമസോണ്‍ പ്രൈം- സീ5 സബ്‌സ്‌ക്രിപ്ഷന്‍, എയര്‍ടെല്‍ ടിവി, ഹാന്റ്‌സെറ്റ് സംരക്ഷണം എന്നിവ അടങ്ങിയതാണ് എയര്‍ടെല്‍ താങ്ക്‌സ്. മികച്ച ഫാമിലി പായ്ക്കാണ് 999 രൂപയുടെ പോസ്റ്റ്‌പെയ്ഡ് പ്ലാനിലൂടെ എയര്‍ടെല്‍ അവതരിപ്പിച്ചിരിക്കുന്നത്. നാല് റെഗുലര്‍ കണക്ഷനും ഒരു ആഡ് ഓണ്‍ കണക്ഷനും ഇതില്‍ ലഭിക്കും. പരിധിയില്ലാത്ത ഡാറ്റയുമായി 1599 രൂപയുടെ പ്ലാനിൽ മൂന്ന് റഗുലര്‍ കണക്ഷനും ഒരു ആഡ് ഓണ്‍ കണക്ഷനുമാണ് ഈ പ്ലാനില്‍ ലഭിക്കുക.

 malayalam.goodreturns.in