ബഡ്ജറ്റ് എയർലൈനായ ഗോ എയറിന്റെ മൂന്ന് ദിവസം നീണ്ടു നിന്ന മെഗാ മില്യൺ സെയിൽ ഇന്ന് അവസാനിക്കും. ഇതിന്റെ ഭാ​ഗമായി യാത്രക്കാർക്ക് വെറും 899 രൂപയ്ക്ക് ടിക്കറ്റുകൾ ബുക്ക് ചെയ്യാം. ഇതുവരെ ടിക്കറ്റ് ബുക്ക് ചെയ്യാത്തവർക്ക് ഇന്ന് കൂടി ബുക്ക് ചെയ്യാൻ അവസരമുണ്ട്. ഈ വർഷം ജൂൺ 15 മുതൽ ഡിസംബർ 31 വരെയുള്ള യാത്രാ ടിക്കറ്റുകളാണ് ഓഫർ നിരക്കിൽ ലഭിക്കുക. 10 ലക്ഷത്തോളം സീറ്റുകളാണ് മെ​ഗാ മില്യൺ സെയിലിന്റെ ഭാ​ഗമായി കമ്പനി കുറഞ്ഞ നിരക്കിൽ വാ​ഗ്ദാനം ചെയ്യുന്നത്.

ടിക്കറ്റുകൾ ബുക്ക് ചെയ്യുന്ന യാത്രക്കാർക്ക് മറ്റ് പല ഓഫറുകളും ​ഗോ എയർ വാ​ഗ്ദാനം ചെയ്യുന്നുണ്ട്. പേടിഎം, ഫാബ് ഹോട്ടലുകൾ, മിന്ത്ര, സൂം കാർ എന്നിവയുടെ സേവനങ്ങൾ ഉപയോ​ഗിക്കുന്നവർക്കാണ് മറ്റ് ഡിസ്കൗണ്ടുകളും ക്യാഷ്ബാക്ക് ഓഫറുകളും കമ്പനി വാഗ്ദാനം ചെയ്യുന്നത്. പേടിഎം പേയ്മെന്റ് വാലറ്റ് മുഖേന മിനിമം 2,499 രൂപയ്ക്ക് ഫ്ലൈറ്റ് ടിക്കറ്റ് ബുക്ക് ചെയ്യുന്നവർക്ക് ​ഗോ എയർ 500 രൂപയുടെ ക്യാഷ്ബാക്കാണ് നൽകുന്നത്. ഈ ഓഫറിനനുസരിച്ച് മിനിമം 50 രൂപയെങ്കിലും ക്യാഷ് ബാക്ക് ലഭിച്ചിരിക്കും.

കൂടാതെ FabGoAir എന്ന കൂപ്പൺ കോ‍ഡ് ഉപയോഗിച്ചു കൊണ്ട് ഫാബ് ഹോട്ടൽ ബുക്ക് ചെയ്യുന്ന ഉപഭോക്താക്കൾക്ക് 40 ശതമാനം വരെ ഡിസ്കൗണ്ടും ലഭിക്കും. മിനിമം ബുക്കിം​ഗ് തുകയോ പരാമാവധി ബുക്കിം​ഗ് തുകയോ ഡിസ്കൗണ്ടിന് ബാധകമല്ല. എത്ര രൂപയ്ക്ക് ബുക്ക് ചെയ്യുന്നവർക്കും കൂപ്പൺ കോഡ് ഉപയോ​ഗിച്ചാൽ 40 ശതമാനം ഡിസ്കൗണ്ട് ലഭിക്കും.

മിന്ത്ര ആപ്ലിക്കേഷൻ അല്ലെങ്കിൽ വെബ്സൈറ്റ് വഴി മിനിമം 1,999 രൂപയ്ക്ക് പർച്ചേയ്സ് ചെയ്യുന്നവർക്ക് ആഗസ്റ്റ് 31 വരെ 10 ശതമാനം ഡിസ്കൗണ്ടും ലഭിക്കും.

malayalam.goodreturns.in