കോടികൾ തട്ടിച്ച് നാടുവിട്ട വിജയ് മല്യ ഇന്ത്യയുടെ കളി കാണാൻ സ്റ്റേഡിയത്തിൽ; കൂക്കി വിളിച്ച് കാണികൾ

മാധ്യമങ്ങളുടെ ചോദ്യത്തിന് മറുപടി

സ്റ്റേഡിയത്തിൽ കളി കാണാനെത്തിയ വിജയ് മല്യയെ ഇന്ത്യയിൽ നിന്ന് കളി റിപ്പോർട്ട് ചെയ്യാനെത്തിയ മാധ്യമപ്രവർത്തകർ വളഞ്ഞിരുന്നു. എന്നാൽ ചോദ്യങ്ങളോട് പ്രതികരിക്കാൻ അദ്ദേഹം തയ്യാറായില്ല. കളി കാണാനാണ് താൻ ഇവിടെ വന്നതെന്ന് മാത്രം വിജയ് മല്യ മറുപടി നൽകി. കേസുമായി സംബന്ധിച്ച ചോദ്യങ്ങളിൽ നിന്ന് വിജയ് മല്യ ഒഴിഞ്ഞു മാറി. വാര്‍ത്താ ഏജന്‍സിയായ എഎന്‍ഐ മല്യയുടെ ദൃശ്യങ്ങള്‍ സഹിതം വാര്‍ത്ത റിപ്പോര്‍ട്ട് ചെയ്തിരുന്നു. മുമ്പും ഇന്ത്യയുടെ കളി കാണാൻ മല്യ ഇതേ സ്റ്റേഡിയത്തിൽ എത്തിയിട്ടുണ്ട്.

കോടികളുടെ തട്ടിപ്പ്

കോ​ടി​ക​ൾ വാ​യ്പ​യെ​ടു​ത്തു മു​ങ്ങി​യ മ​ല്യ​യ്ക്കെ​തി​രേ വി​ദേ​ശ​നാ​ണ്യ വി​നി​മ​യ​ച്ച​ട്ട​പ്ര​കാ​ര​മാ​ണ് കേ​സെ​ടു​ത്തി​രി​ക്കു​ന്ന​ത്. 17 ബാ​ങ്കു​ക​ളി​ൽ​ നി​ന്നു​ള്ള 7000 കോ​ടി രൂ​പ വാ​യ്പ​യും പ​ലി​ശ​യു​മ​ട​ക്കം 9000 കോ​ടി രൂ​പ തി​രി​ച്ച​ട​യ്ക്കാ​തെ ബ്രി​ട്ട​നി​ലേ​ക്കു ക​ട​ന്ന കേ​സി​ൽ 2016 ജൂ​ണി​ൽ മ​ല്യ​യെ പി​ടി​കി​ട്ടാ​പ്പു​ള്ളി​യാ​യി പ്ര​ഖ്യാ​പി​ച്ചി​രു​ന്നു. കിം​ഗ് ഫി​ഷ​ർ എ​യ​ർ​ലൈ​ൻ​സി​ന് വേ​ണ്ടി​യാ​ണ് മ​ല്യ വ​ൻ​തു​ക​ ബാ​ങ്കി​ൽ നി​ന്നും വാ​യ്പ​യാ​യി വാ​ങ്ങി​യ​ത്.

മല്യയെ ഇന്ത്യയിലെത്തിക്കാൻ ശ്രമം

മല്യയെ തിരികെ ഇന്ത്യയിലേക്ക് എത്തിക്കാനുള്ള ശ്രമത്തിലാണ് സർക്കാർ. ഇതിനിടെയാണ് മല്യ കളി കാണാൻ സ്റ്റേഡിയത്തിൽ എത്തിയത്. കേസ് അടുത്ത ജൂലായില്‍ ആണ് വാദം കേള്‍ക്കുന്നത്. അതിന് വേണ്ടിയുളള തയ്യാറെടുപ്പുകള്‍ നടന്നു കൊണ്ടിരിക്കുകയാണ്. എന്നാൽ തന്നെ ഇന്ത്യയിലേയ്ക്ക് തിരികെ അയക്കരുതെന്നാണ് മല്യ കോടതിയോട് ആവശ്യപ്പെട്ടിരിക്കുന്നത്.

കടങ്ങൾ തിരിച്ചടയ്ക്കാമെന്ന് മല്യ

കടങ്ങള്‍ മുഴുവന്‍ തിരിച്ചടക്കാമെന്ന് പറഞ്ഞിട്ടും പൊതുമേഖലാ ബാങ്കുകള്‍ അത് സ്വീകരിക്കാൻ തയ്യാറാകുന്നില്ലെന്ന് അടുത്തിടെ വിജയ് മല്യ വ്യക്തമാക്കിയിരുന്നു. സോഷ്യല്‍ മീഡിയ പോസ്റ്റിലൂടെയാണ് ഇക്കാര്യം വിജയ് മല്യ പറഞ്ഞത്. ജെറ്റ് എയര്‍വെയ്‌സിന്റെ പതനത്തെ തുടർന്നാണ് മല്യ ഇക്കാര്യങ്ങൾ ഫേസ്ബുക്കിൽ കുറിച്ചത്. ജെറ്റ് എയർവെയ്സിന്റെ പതനവും തന്റെ ഉടമസ്ഥതയിലുണ്ടായിരുന്ന കിംഗ് ഫിഷര്‍ എയര്‍ലൈന്‍സിന്റെ പതനവും തമ്മില്‍ സമാനതയുണ്ടെന്നും മല്യ കുറിപ്പിൽ ചൂണ്ടിക്കാട്ടിയിരുന്നു.