മൂംബൈ: ഓസ്ട്രേലിയന് ക്രിക്കറ്റ് ബാറ്റ് കമ്പനിയായ സ്പാര്ട്ടന് സ്പോര്ട്സിനെതിരേ കേസ് ഫയല് ചെയ്ത് ക്രിക്കറ്റ് ഇതിഹാസം സച്ചിന് തെണ്ടുല്ക്കര്. ക്രിക്കറ്റ് ബാറ്റ് പ്രൊമോഷനായി സച്ചിന്റെ പേരും ചിത്രവും ഉപയോഗിച്ചതിന്റെ ഭാഗമായുള്ള റോയല്റ്റി ആവശ്യപ്പെട്ടാണ് കമ്പനിക്കെതിരെ സച്ചിന് പരാതി നല്കിയിരിക്കുന്നത്.
ഡല്ഹി മെട്രോയില് സ്ത്രീകള്ക്ക് സൗജന്യയാത്ര; ആപ്പിന്റെ നടപടിക്ക് പാരയുമായി മെട്രോമാന്
രണ്ട് മില്ല്യണ് യുഎസ് ഡോളര് ലഭിക്കാനുണ്ടെന്ന് ഫെഡറല് കോടതിയില് സമര്പ്പിച്ച രേഖയില് സച്ചിന് വ്യക്തമാക്കുന്നു. കമ്പനി കരാര് ലംഘിക്കപ്പെട്ടതോടെ കുടിശ്ശികയടക്കം രണ്ട് മില്ല്യണ് യു.എസ് ഡോളര് സച്ചിന് ആവശ്യപ്പെടുകയായിരുന്നു. 2016ലാണ് സിഡ്നി കേന്ദ്രമായി പ്രവര്ത്തിക്കുന്ന സ്പാര്ട്ടന് സ്പോര്ട്സുമായി സച്ചിന് കരാറുണ്ടാക്കിയത്. സ്പാര്ട്ടന് സ്പോര്ട്സിന്റെ സ്ഥാപകന്് ഇന്ത്യന് സംരംഭകനായ കുനാല് ശര്മയാണ്.
കഴിഞ്ഞ വര്ഷം സെപ്റ്റംബര് മുതല് സച്ചിന് പണമൊന്നും കമ്പനി നല്കിയിട്ടില്ല. തുടര്ന്ന് സച്ചിന് കരാര് റദ്ദാക്കി. തന്റെ പേരും ചിത്രവും ഉപയോഗിക്കരുത് എന്ന് സച്ചിന് കമ്പനിയോട് ആവശ്യപ്പെട്ടിരുന്നു. എന്നാല് ഇത് കണക്കിലെടുക്കാതെ സച്ചിന്റെ പേരും ലോഗോയും സ്പാര്ട്ടന് തുടര്ന്നും ഉപയോഗിക്കുകയായിരുന്നു.ഇതേ തുടര്ന്നാണ് സച്ചിന് കോടതിയെ സമീപിച്ചത്.
അടുത്തിടെ ആസ്ട്രേലിയന് താരം ഡേവിഡ് വാര്ണര് സ്പാര്ട്ടനുമായി ഒരു പുതിയ കരാര് ഒപ്പിട്ടിരുന്നുവെങ്കിലും കരാറിന്റെ ഒരു ഭാഗം അദ്ദേഹത്തിന് നല്കിയിട്ടുണ്ടോ ഇല്ലയോ എന്ന് വ്യക്തമല്ല.ഓസ്ട്രേലിയന് ടെസ്റ്റ് ക്രിക്കറ്റ് താരങ്ങളായ മിച്ചല് ജോണ്സന്, ജോ ബേണ്സ് എന്നിവര് കരാര് പേയ്മെന്റുമായി ബന്ധപ്പെട്ട് സ്പാര്ട്ടനെതിരെ നേരത്തെ കേസ് ഫയല് ചെയ്തിരുന്നു.