ടിക്കറ്റ് നിരക്ക്

നികുതികളും മറ്റ് നിരക്കുകളും ഉൾപ്പെടെ ഇക്കോണമി ക്ലാസിന് 1,299 രൂപ പ്രീമിയം ഇക്കോണമി ക്ലാസിന് 1,999രൂപ, ബിസിനസ് ക്ലാസിന് 4,999 രൂപ എന്നിങ്ങനെയാണ് ടിക്കറ്റുകൾ ലഭിക്കുക. ജമ്മു-ശ്രീനഗർ റൂട്ടിലാണ് 1,299 രൂപയ്ക്ക് ടിക്കറ്റുകൾ ലഭിക്കുക. പരിമതമായ സീറ്റുകൾ മാത്രമായിരിക്കും ഓഫർ വിൽപ്പനയിൽ വാ​ഗ്ദാനം ചെയ്യുന്നത്. എന്നാൽ ആദ്യം ബുക്ക് ചെയ്യുന്ന ഭാ​ഗ്യശാലികൾക്ക് കുറഞ്ഞ നിരക്കിൽ ടിക്കറ്റുകൾ ലഭിക്കുമെന്ന് കമ്പനി അധികൃതർ വ്യക്തമാക്കി. ഓഫർ വിൽ‌പനയ്‌ക്ക് കീഴിലുള്ള സീറ്റുകൾ‌ തീർന്നാൽ സാധാരണ നിരക്കുകളാകും ദൃശ്യമാകുക.

ബുക്ക് ചെയ്യേണ്ടത് എങ്ങനെ?

ഇക്കോണമി ക്ലാസ്സിനും പ്രീമിയം ഇക്കോണമി ക്ലാസിനും കുറഞ്ഞത് പതിനഞ്ച് ദിവസം മുമ്പെങ്കിലുമായിരിക്കണം ബുക്ക് ചെയ്യേണ്ടത്. ബിസിനസ് ക്ലാസിന് കുറഞ്ഞത് മൂന്ന് ദിവസം മുമ്പ് ബുക്ക് ചെയ്താൽ മതി. ഓഫ‍ർ ലഭിക്കുന്നതിന് www.airvistara.com എന്ന വെബ്സൈറ്റ് വഴിയോ, വിസ്താരയുടെ iOS, Android മൊബൈൽ അപ്ലിക്കേഷനുകൾ വഴിയോ, എയർപോർട്ട് ടിക്കറ്റ് ഓഫീസുകൾ വഴിയോ, വിസ്താരയുടെ കോൾ സെന്റർ വഴിയോ, ഓൺലൈൻ ട്രാവൽ ഏജൻസികൾ അല്ലെങ്കിൽ ട്രാവൽ ഏജന്റുകൾ വഴിയോ ടിക്കറ്റുകൾ ബുക്ക് ചെയ്യാവുന്നതാണ്.

​ഗോ എയർ ഓഫർ

​ഗോ എയർ കഴിഞ്ഞ ദിവസം ഓഫർ നിരക്കിൽ വെറും 899 രൂപയ്ക്ക് ടിക്കറ്റുകൾ വാ​ഗ്ദാനം ചെയ്തിരുന്നു. ഗോവ, കൊൽക്കത്ത, ബംഗളൂരു എന്നിവിടങ്ങളിലേക്കുള്ള ടിക്കറ്റുകളാണ് ഈ നിരക്കിൽ ലഭിച്ചിരുന്നത്. ഈ വർഷം ജൂൺ 15 മുതൽ ഡിസംബർ 31 വരെയുള്ള യാത്രാ ടിക്കറ്റുകളാണ് ഓഫർ നിരക്കിൽ ലഭിച്ചിരുന്നത്. ലോ കോസ്റ്റ് കാരിയറായ ഇൻഡി​ഗോയും കഴിഞ്ഞയാഴ്ച ആഭ്യന്തര നെറ്റ്‌വർക്കിലുടനീളം 999 രൂപയ്ക്ക് 10 ലക്ഷം സീറ്റുകളുടെ വിൽപ്പന നടത്തിയിരുന്നു.

വിസ്താരയുടെ പുതിയ സർവ്വീസുകൾ

ഈ മാസം ആദ്യം മുതൽ 62 പുതിയ വിമാന സർവ്വീസുകൾ ആരംഭിക്കുന്നതായും വിസ്താര കഴിഞ്ഞ ദിവസം അറിയിച്ചിരുന്നു. എല്ലാ പുതിയ വിമാനങ്ങളും ജൂൺ 18 മുതൽ സർവ്വീസ് ആരംഭിക്കുമെന്നാണ് വിസ്താര വക്താവ് അറിയിച്ചത്. 62 പുതിയ ഫ്ലൈറ്റുകൾ ആരംഭിക്കുന്നതോടെ വിസ്താര മുംബൈയിൽ നിന്ന് 10 നഗരങ്ങളിലേക്ക് നേരിട്ട് സർവീസ് നടത്തും. അഹമ്മദാബാദ്, ചണ്ഡിഗഡ്, ചെന്നൈ, വാരണാസി, അമൃത്സർ, ബെംഗളൂരു, ദില്ലി, ഗോവ, ഹൈദരാബാദ്, കൊൽക്കത്ത എന്നിവടങ്ങളിലേയ്ക്കാണ് സർവ്വീസ് നടത്തുന്നത്.