സൗഭാഗ്യ പദ്ധതി

രാജ്യത്തെ എല്ലാ വീടുകളിലും വൈദ്യുതി ഉറപ്പാക്കുന്നതിനായുള്ള പ്രധാനമന്ത്രി നരേന്ദ്ര മോദിയുടെ സൗഭാഗ്യ പദ്ധതിയ്ക്ക് കഴിഞ്ഞ ടേമിൽ തന്നെ തുടക്കം കുറിച്ചിരുന്നു. നിലവിൽ പദ്ധതി അവസാന ഘട്ടത്തിലാണെന്നാണ് സര്‍ക്കാരിന്‍റെ വിലയിരുത്തല്‍. ബിപിഎല്‍ കാര്‍ഡ് ഉടമകള്‍ക്ക് സൗജന്യമായി വൈദ്യുതി ലഭ്യമാക്കുന്ന പദ്ധതിയാണിത്. പദ്ധതി തുകയുടെ 60 ശതമാനം കേന്ദ്ര വിഹിതവും 10 ശതമാനം സംസ്ഥാനങ്ങളുമാണ് നല്‍കേണ്ടത്.

ജലശക്തിയ്ക്ക് കീഴിൽ

കുടിവെള്ള സംഭരണം മുതല്‍ നദീ ശുചീകരണം വരെയുളള വകുപ്പുകളാണ് ജലശക്തി മന്ത്രാലത്തിന്‍റെ പരിധിയില്‍ ഇപ്പോഴുളളത്. സര്‍ക്കാരിന്‍റെ മുന്നിലുളള നദീ സംയോജനം അടക്കമുളള പദ്ധതികളിലൂടെ കാര്‍ഷിക മേഖല അടക്കമുളളവയുടെ ജല ആവശ്യകത പരിഹരിക്കുകയും സര്‍ക്കാരിന് മുന്നിലുള്ള ലക്ഷ്യങ്ങളാണ്. 2024ൽ രാജ്യവ്യാപക പൈപ്പ് ജലവിതരണം പൂര്‍ത്തിയാക്കാനാകുമെന്നാണ് നിതി ആയോഗും കേന്ദ്ര സര്‍ക്കാരും പ്രതീക്ഷിക്കുന്നത്.

2030ല്‍ ഇന്ത്യയുടെ ജല ആവശ്യകത

2030 ല്‍, ഇന്ത്യയുടെ ജല ആവശ്യകത, ലഭ്യതയുടെ ഇരട്ടിയോളം വര്‍ധിക്കുമെന്നാണ് നിതി ആയോഗിന്‍റെ റിപ്പോർട്ട്. ഇതോടെ, ജിഡിപിയുടെ ആറ് ശതമാനം ജലത്തിന് വേണ്ടി രാജ്യത്തിന് ചെലവഴിക്കേണ്ടി വരുമെന്നും റിപ്പോർട്ടിൽ പറയുന്നു. ഇതിന് പരിഹാരം കണ്ടെത്തുകയാണ് നിലവിൽ സർക്കാരിന്റെ പ്രധാന ലക്ഷ്യങ്ങളിലൊന്ന്. ജല ക്ഷാമം രൂക്ഷമായിരിക്കുന്ന നിരവധി സംസ്ഥാനങ്ങളുടെ ഉദാഹരണങ്ങൾ നിരത്തിയാണ് നിതി ആയോ ഗ് റിപ്പോർട്ട് നൽകിയിരിക്കുന്നത്.

പ്രധാനമന്ത്രിയുടെ ലക്ഷ്യം

ജലക്ഷാമത്തിന് പരിഹാരം കാണാൻ ആവശ്യമായ ഇടപെടലുകൾ നടത്തുമെന്നും ഇതിന് മുൻഗണന നൽകുമെന്നുമാണ് പ്രധാനമന്ത്രി നരേന്ദ്രമോദി വ്യക്തമാക്കിയിരിക്കുന്നത്. ജല സംരക്ഷണം, ജലസേചനം എന്നിവയ്ക്ക് പ്രാധാന്യം നൽകുന്ന കൂടുതൽ പദ്ധതികൾ ജലശക്തി മന്ത്രാലയത്തിന് കീഴിൽ നടപ്പിലാക്കുമെന്നാണ് വിവരം. വിവിധ സംസ്ഥാനങ്ങളിലെ മികച്ച ജലസംരക്ഷണ രീതികൾ ജലക്ഷാമം നേരിടുന്ന സംസ്ഥാനങ്ങളോട് പഠിക്കാനും പ്രധാനമന്ത്രി ആഹ്വാനം ചെയ്തു.