ഫെയ്സ് ബുക്ക് പുതിയ ക്രിപ്റ്റോ കറന്സി പുറത്തിറക്കുന്നു. അടുത്ത വര്ഷം (2020 ല്) ഫെയ്സ് ബുക്കിന്റെ ക്രിപ്റ്റോ കറന്സിയായ ലിബ്ര പുറത്തിറങ്ങും. കാലിബ്ര വാലറ്റ് വഴി ലിബ്ര എന്ന പേരില് ക്രിപ്റ്റോ-കറന്സി ഇടപാടുകള് നടത്താന് ഉപയോക്താക്കള്ക്ക് സാധിക്കും.
ഒരു ടെക്സ്റ്റ് മെസേജ് അയക്കുന്ന വേഗതയില് കാലിബ്ര വഴി കുറഞ്ഞ ചിലവിലും ചിലവുകളില്ലാതെയും ആര്ക്കും ലിബ്ര ക്രിപ്റ്റോ കറന്സി കൈമാറ്റം ചെയ്യാന് സാധിക്കും. വ്യക്തികളുമായും വ്യവസായ സ്ഥാപനങ്ങളുമായും സഹകരിച്ച് ബില് പേമെന്റ്, കോഫീ ഷോപ്പുകളിലും, പൊതുഗതാഗത സംവിധാനങ്ങളിലും കോഡ് സ്കാന് ചെയ്തുള്ള പണമിടപാട് ഉള്പ്പടെ കൂടുതല് കാലിബ്ര സേവനങ്ങള് ഭാവിയില് ആരംഭിക്കുമെന്നും ഫെയ്സ്ബുക്ക് വ്യക്തമാക്കി.
ബിറ്റ് കോയിനടക്കമുള്ള ക്രിപ്റ്റോ കറന്സികള് ആഗോള വിപണിയില് അടുത്തിടെ വലിയ ഇടിവാണ് രേഖപ്പെടുത്തിയത്. അതേസമയം ഫെയ്സ് ബുക്കിന്റെ ക്രിപ്റ്റോ കറന്സിയായ ലിബ്രയുടെ കടന്നുവരവ് കൂടുതല് നേട്ടം കൊയ്യുമെന്നാണ് കമ്പനി പ്രതീക്ഷിക്കുന്നത്.ക്രിപ്റ്റോ കറന്സിയിലൂടെ വലിയ മാറ്റമുണ്ടാക്കാനും, ക്രിപ്റ്റോ കറന്സി സംവിധാനത്തെ ശക്തിപ്പെടുത്താനും സാധിക്കുമെന്നാണ് ഫെയ്സ് ബുക്ക് ലിബ്രയിലൂടെ പ്രതീക്ഷിക്കുന്നത്
രാജസ്ഥാന് സര്ക്കാര് ബിരുദധാരികളായ തൊഴില്രഹിതര്ക്ക് 3500 രൂപ വേതനം നല്കാനൊരുങ്ങുന്നു
ഫെയ്സ്ബുക്ക് വെബ്സൈറ്റ്, ഫെയ്സ്ബുക്ക് മെസഞ്ചര്, വാട്സാപ്പ്, ഇന്സ്റ്റാഗ്രാം ഉള്പ്പടെ ഫെയ്സ്ബുക്കിന്റെ ഉടമസ്ഥതയിലുള്ള സേവനങ്ങളിലെല്ലാം കൂടി 200 കോടിയോളം സജീവമായ ഉപയോക്താക്കള് ഫെയ്സ്ബുക്കിനുണ്ട്. ഈ സാധ്യത പ്രയോജനപ്പെടുത്തിയാണ് കാലിബ്ര എന്നപേരില് കറന്സി രൂപപ്പെടുത്താന് ഫെയ്സ്ബുക്ക് ശ്രമിക്കുന്നത്.