കാശ് പോകുന്നത് ഇങ്ങനെ

ബുക്കിംഗ് സമയത്ത് ടിക്കറ്റ് തുക നൽകുന്നതിനായി ക്രെഡിറ്റ് കാർഡ്, ഡെബിറ്റ് കാർഡ്, നെറ്റ് ബാങ്കിംഗുമായി ബന്ധിപ്പിച്ചിട്ടുള്ള ബാങ്ക് അക്കൗണ്ട്, മൊബൈൽ വാലറ്റുകൾ തുടങ്ങിയവയാണ് പലരും ഉപയോ ഗിക്കുന്നത്. ഇവയുടെ വിവരങ്ങൾ നൽകി പേയ്മെന്റ് നടത്തുമ്പോൾ തന്നെ അക്കൗണ്ടിൽ നിന്ന് കാശു പോയിട്ടുണ്ടാകും. എന്നാൽ അവസാനം ബുക്കിം ഗ് പൂർത്തിയാക്കാൻ സാധിക്കാതെ വരികയും ടിക്കറ്റുകൾ ലഭിക്കാതെ ഇരിക്കുകയുമാണ് ചെയ്യുക.

ബുക്കിംഗ് പരാജയപ്പെടാൻ കാരണം

സങ്കീർ‌ണ്ണമായ ഐആർസിടിസി വെബ്സൈറ്റിലെ ഏതെങ്കിലും വിധത്തിലുള്ള പരാജയമോ കാലതാമസമോ സംഭവിച്ചാൽ ടിക്കറ്റുകൾ ലഭിക്കാതെ വരുമെന്ന് ഐ‌ആർ‌സി‌ടി‌സി അധികൃതർ വ്യക്തമാക്കി. ഒരേ സമയം ഒന്നിൽ കൂടുതൽ ബുക്കിം ഗുകൾ ഒരുമിച്ച് നടക്കുന്നതും ബുക്കിം ഗ് പരാജയപ്പെടാൻ കാരണമാകാറുണ്ട്. താഴെ പറയുന്ന സാഹചര്യങ്ങളിൽ അക്കൗണ്ടിൽ നിന്ന് പണം നഷ്ട്ടപ്പെടുമോ, നഷ്ട്ടപ്പെട്ട പണം തിരികെ ലഭിക്കുമോ തുടങ്ങിയ കാര്യങ്ങൾ ചുവടെ ചേർക്കുന്നു.

തുക തിരികെ ലഭിക്കുമോ?

ഒരു യാത്രക്കാരൻ ബുക്കിംഗ് സമയത്ത് ഒരു പ്രത്യേക ബെർത്ത് തിരഞ്ഞെടുക്കുകയും ബെർത്ത് ലഭ്യമല്ലാത്തതിനാൽ ടിക്കറ്റ് ബുക്ക് ചെയ്യാതിരിക്കുകയോ അല്ലെങ്കിൽ നെറ്റ്‌വർക്കിലെ പരാജയം കാരണം ടിക്കറ്റ് ബുക്കിം ഗ് തടസ്സപ്പെടുകയോ ചെയ്താൽ പേയ്‌മെന്റ് നടക്കുകയും ടിക്കറ്റ് ലഭിക്കാതിരിക്കുകയും ചെയ്യുന്ന സാഹചര്യമുണ്ടായേക്കാം. ഈ സാഹചര്യത്തിൽ, അടുത്ത ദിവസം തന്നെ ക്രെഡിറ്റ് ചെയ്ത തുക ബന്ധപ്പെട്ട ബാങ്കിലേക്ക് ഐആർ‌സി‌ടി‌സി മാറ്റും. എന്നിരുന്നാലും, ബുക്കിംഗ് നടത്തിയ ബാങ്ക് അക്കൗണ്ടിലേയ്ക്ക് തുക തിരികെ ക്രെഡിറ്റ് ചെയ്യാൻ കുറഞ്ഞത് 2 മുതൽ 3 ദിവസം വരെ എടുത്തേക്കാം.

സെറ്റിൽമെന്റ് പരാജയപ്പെടൽ

ടിക്കറ്റ് ബുക്കിംഗ് പേയ്മെന്റ് നടത്തി കൊണ്ടിരിക്കുന്ന സമയത്ത് പേയ്മെന്റ് പൂർത്തീകരിക്കാനാകാത്ത സാ ഹചര്യം ഉണ്ടാകുകയോ നെറ്റ്‌വർക്ക് പരാജയപ്പെടുകയോ ചെയ്താൽ ‘സെറ്റിൽമെന്റ് പരാജയപ്പെട്ടു എന്ന മെസേജ് ഉപഭോക്താക്കൾക്ക് ലഭിക്കും. എന്നാൽ ഈ സാഹചര്യത്തിൽ അക്കൗണ്ടിൽ നിന്ന് പണം നഷ്ട്ടപ്പെട്ടിട്ടുണ്ടാകില്ല. അതേ സമയം ടിക്കറ്റ് ബുക്ക് ചെയ്യപ്പെട്ടിട്ടും ഉണ്ടാകില്ല.