പ്രൊമോ കോഡ് ഉപയോ​ഗിക്കൂ

'SUMMERFLY' എന്ന പ്രൊമോ കോഡാണ് ക്യാഷ് ബാക്ക് ലഭിക്കാൻ ഉപഭോക്താക്കൾ ഉപയോ​ഗിക്കേണ്ടത്. ഒരു ഉപഭോക്താവിന് 2,000 രൂപ വരെയാണ് ക്യാഷ്ബാക്ക് ലഭിക്കുക. ഉപഭോക്താവിന് പേടിഎമ്മുമായി ബന്ധിപ്പിച്ചിട്ടുള്ള വേരിഫൈഡ് മൊബൈൽ നമ്പർ ഉണ്ടായിരിക്കണം എന്നുമാത്രം. ഇടപാട് പൂർത്തിയായി 24 മണിക്കൂറിനുള്ളിൽ യോഗ്യതയുള്ള ഉപഭോക്താവിന്റെ പേടിഎം വാലറ്റിൽ ക്യാഷ്ബാക്ക് തുക ക്രെഡിറ്റ് ആകുമെന്നാണ് കമ്പനി അറിയിച്ചിരിക്കുന്നത്.

ക്യാഷ്ബാക്ക് ലഭിക്കാത്തത് ആർക്കൊക്കെ?

ടിക്കറ്റ് ബുക്കിംഗ് തുകയുടെ അടിസ്ഥാനത്തിലാണ് ക്യാഷ്ബാക്ക് കണക്കാക്കുന്നത്. ടിക്കറ്റ് ബുക്ക് ചെയ്തതിന് ശേഷം ഉപഭോക്താവ് ക്യാൻസൽ ചെയ്താൽ ക്യാഷ്ബാക്ക് സ്വീകരിക്കാനും സാധിക്കില്ല. ഉപഭോക്താവ് കെ‌വൈ‌സി മാനദണ്ഡങ്ങൾ പൂർത്തിയാക്കിയിട്ടില്ലെങ്കിലോ പ്രതിമാസ വാലറ്റ് പരിധി ലംഘിച്ചിട്ടുണ്ടെങ്കിലോ ക്യാഷ്ബാക്കിന് അർഹതയില്ല. ഓഫറിന്റെ നിബന്ധനകളും വ്യവസ്ഥകളും മുൻ‌കൂട്ടി അറിയിക്കാതെ തന്നെ എപ്പോൾ വേണമെങ്കിലും കമ്പനിയ്ക്ക് പിൻവലിക്കാനും മാറ്റം വരുത്താനും പൂർണ അവകാശമുണ്ടെന്നും പേടിഎം വ്യക്തമാക്കി.

മിനിമം ബുക്കിം​ഗ് തുക

രണ്ടായിരം രൂപ ക്യാഷ്ബാക്ക് ലഭിക്കുന്നതിനുള്ള പേടിഎമ്മിന്റെ മിനിമം ബുക്കിംഗ് തുക നിർദ്ദേശിച്ചിട്ടില്ല. ക്യാഷ്ബാക്ക് ഓഫറുമായി ബന്ധപ്പെട്ട കൂടുതൽ വിവരങ്ങൾ പേടിഎമ്മിന്റെ ഔദ്യോ​ഗിക വെബ്‌സൈറ്റിൽ ലഭ്യമാണ്. 5000 രൂപയുടെ വരെ ടിക്കറ്റുകൾ ബുക്ക് ചെയ്യുന്ന ഉപഭോക്താവിന് 100 രൂപ ക്യാഷ്ബാക്ക് ലഭിക്കും. 1,00,001 രൂപയോ അതിൽ കൂടുതലോ ഉള്ള ഫ്ലൈറ്റ് ടിക്കറ്റ് ബുക്കിംഗിനാകാം 2,000 രൂപയുടെ ഫ്ലാറ്റ് ക്യാഷ്ബാക്ക് ലഭിക്കുകയെന്നും ചില റിപ്പോർട്ടുകൾ വ്യക്തമാക്കുന്നു.

പേടിഎം ക്രെഡിറ്റ് കാർഡ്

പേടിഎം കഴിഞ്ഞ മാസം ക്രെഡിറ്റ് കാര്‍ഡ് പുറത്തിറക്കിയിരുന്നു. പേടിഎം ഫസ്റ്റ് കാര്‍ഡ് എന്ന പേരിലാണ് ക്രെഡിറ്റ് കാർഡ് പുറത്തിറക്കിയത്. സിറ്റി ബാങ്കിന്റെ പങ്കാളിത്തത്തോടെയാണ് പേടിഎം ക്രെഡിറ്റ് കാര്‍ഡ് സേവനം ഉപഭോക്താക്കളിൽ എത്തിച്ചിരിക്കുന്നത്. 500 രൂപയാണ് കാര്‍ഡിന്റെ വാര്‍ഷിക ഫീസ്. എന്നാല്‍ കാര്‍ഡ് ഉപയോഗിച്ച് പ്രതിവര്‍ഷം 50,000 രൂപയില്‍ അധികം ചെലവഴിച്ചാലും അധിക ഫീസ് ഈടാക്കില്ല. പേടിഎം ഉപഭോക്താക്കള്‍ക്ക് പേടിഎം ആപ്പ് ഉപയോഗിച്ച് നേരിട്ട് ക്രെഡിറ്റ് കാര്‍ഡിനായി അപേക്ഷിക്കാവുന്നതാണ്.