ആമസോണ് പ്രൈം ഡേ സെയ്ല് ജൂലായ് 15ന് ആരംഭിക്കും. 48 മണിക്കൂര് നീണ്ടുനില്ക്കുന്ന വില്പനമേള ജൂലായ് 15 ന് അര്ധരാത്രി മുതല് ജൂലായ് 16 രാത്രി വരെയായിരിക്കും. എന്നാല് എല്ലാവര്ക്കും ഈ മേളയുടെ ആനുകൂല്യം ലഭിക്കില്ല. ആമസോണ് പ്രൈം ഉപയോക്താക്കള്ക്ക് വേണ്ടി മാത്രമാണ് ഈ വില്പനമേള നടക്കുന്നത്.
ഇന്ത്യയില് മാത്രമല്ല ഈ വില്പ്പനമേള നടക്കുന്നത് എന്ന സവിശേഷതയും ഉണ്ട്. യു.കെ, യു.എസ്, കാനഡ, ഓസ്ട്രേലിയ, ഓസ്ട്രിയ, യുഎഇ, ഇറ്റലി, ജര്മനി, ഫ്രാന്സ്,സ്പെയ്ന്, ചൈന, നെതെര്ലാന്ഡ് ഉള്പ്പടെയുള്ള വിപണികളില് ആമസോണ് പ്രൈം ഡേ സെയ്ല് നടക്കുന്നുണ്ട്. ഇത് അഞ്ചാം തവണയാണ് ആമസോണ് ഇത്തരമൊരു വില്പ്പന നടത്തുന്നത്.
ഭൗമസൂചിക ലഭിച്ച ഉത്പ്പന്നങ്ങള്ക്ക് ഇനി മുതല് ലോഗോയും ടാഗ് ലൈനും
2018 ല്, പ്രൈം ഡേ 36 മണിക്കൂര് നീണ്ടുനിന്നു, ഈ ഡീലുകളുടെ ഏറ്റവും ദൈര്ഘ്യമേറിയ ആഘോഷമായിരുന്നു അത്.ഇരുപതാം വാര്ഷികാഘോഷത്തിന്റെ ഭാഗമായി 2015 ജൂലൈയിലാണ് പ്രൈം ഡേ സെയില് ആരംഭിച്ചത്. യുഎസിലെ 'ബ്ലാക്ക് ഫ്രൈഡേ' ഡീലുകള് ആവര്ത്തിക്കുന്നതിനായാണ് ഇത് രൂപകല്പ്പന ചെയ്തിരിക്കുന്നത്.വില്പ്പന വര്ധിപ്പിക്കാനും പുതിയ വരിക്കാരെ അതിന്റെ 'പ്രൈം' പദ്ധതിയിലേക്ക് കൊണ്ടുവരാനും അമേരിക്കന് കമ്പനിയുടെ തന്ത്രമാണ് ഇത്.