സിനിമയിൽ മാത്രമല്ല റോക്കറ്റ് വിക്ഷേപണത്തിലും ഒരു കൈ നോക്കാൻ ഒരുങ്ങി ദീപിക പദുക്കോൺ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ബോളിവുഡിലെ ഒന്നാം നമ്പർ നായികയായ ദീപിക പദുക്കോൺ ബിസിനസ് രം​ഗത്തും സജീവ സാന്നിദ്ധ്യമാണ്. എന്നാൽ ദീപികയുടെ ഏറ്റവും പുതിയ ബിസിനസ് നിക്ഷേപമാണ് ബോളിവുഡ് ബിസിനസിലെ പുതിയ ചർച്ചാ വിഷയം. ഇന്ത്യയിലെ സ്വകാര്യ റോക്കറ്റ് സ്റ്റാർട്ടപ്പ് കമ്പനിയായ ബെല്ലാട്രിക്സ് എയ്‌റോസ്‌പേസിലാണ് ദീപിക നിക്ഷേപം നടത്തിയിരിക്കുന്നത്. ഐ‌ഡി‌എഫ്‌സി പരമ്പര, സ്റ്റാർട്ടപ്പ് എക്സ് സീഡ്, ബോളിവുഡ് താരം ദീപിക പദുക്കോൺ എന്നിങ്ങനെ മൂന്ന് നിക്ഷേപകരിൽ നിന്ന് 3 മില്യൺ ഡോളറാണ് കമ്പനി സമാഹരിച്ചിരിക്കുന്നത്.

 

ബെല്ലാട്രിക്സ് എയ്‌റോസ്‌പേസ്

ബെല്ലാട്രിക്സ് എയ്‌റോസ്‌പേസ്

നാനോ ഉപഗ്രഹങ്ങൾക്കായുള്ള ലോഞ്ചറും ഉപഗ്രഹങ്ങൾക്കായുള്ള ഇലക്ട്രിക് പ്രൊപ്പൽഷനുകളും നിർമ്മിക്കുന്ന സ്റ്റാർട്ടപ്പ് കമ്പനിയാണ് ബെല്ലാട്രിക്സ് എയ്‌റോസ്‌പേസ്. കമ്പനി കൂടുതൽ വികസിപ്പിക്കുന്നതിന്റെ ഭാ​ഗമായി കൂടുതൽ മൂലധന സമാഹരണം നടത്തി കൊണ്ടിരിക്കുകയാണെന്നും കൂടുതൽ പങ്കാളികൾക്ക് കമ്പനിയുടെ ഭാ​ഗമാകാമെന്നും അധികൃതർ അറിയിച്ചു. വരും മാസങ്ങളിൽ ഉപകരണങ്ങളെ ഗ്രൗണ്ട് ക്വാളിഫിക്കേഷൻ ടെസ്റ്റുകൾക്ക് വിധേയമാക്കുമെന്നും കൂടുതൽ സ്ഥലങ്ങളിലേക്ക് കമ്പനി വ്യാപിപ്പിക്കുമെന്നും ബെല്ലാട്രിക്സ് എയ്‌റോസ്‌പെയ്‌സിന്റെ സഹസ്ഥാപകൻ രോഹൻ ഗണപതി പറഞ്ഞു.

തുടക്കം 2016ൽ

തുടക്കം 2016ൽ

2016ലാണ് ബെല്ലാട്രിക്സ് എയ്‌റോസ്‌പേസ് സ്റ്റാർട്ടപ്പ് കമ്പനിയുടെ പ്രവർത്തനം ആരംഭിക്കുന്നത്. ഒരു നൂതന ബഹിരാകാശ സാങ്കേതിക കമ്പനി എന്ന നിലയിലും ഇവരുടെ കണ്ടുപിടുത്തങ്ങൾക്ക് ലോകമെമ്പാടും വളരെയധികം അവസരങ്ങളുണ്ടെന്നും മനസ്സിലാക്കിയതിനാലാണ് കമ്പനിയിൽ നിക്ഷേപം നടത്തിയിരിക്കുന്നതെന്ന് സ്റ്റാർട്ടപ്പ് എക്സ് സീഡിന്റെ മാനേജിംഗ് പാർട്ണറായ ബി.വി നായിഡു പറഞ്ഞു.

ദീപികയുടെ ബ്രാൻഡ് മൂല്യം

ദീപികയുടെ ബ്രാൻഡ് മൂല്യം

ഡ്രം ഫുഡ്സ് ഇന്റർനാഷണൽ പ്രൈവറ്റ് ലിമിറ്റഡിലും അടുത്തിടെ ദീപിക പദുക്കോൺ നിക്ഷേപം നടത്തിയിരിന്നു. ഫ്ലേവേർഡ് തൈര് വിൽക്കുന്ന എപ്പി​ഗാമിയ ബ്രാൻഡ് ആണിത്. ദീപിക പദുക്കോൺ നിക്ഷേപം നടത്തിയതോടെ ഉത്പന്നത്തിന്റെ മാർക്കറ്റ് വാല്യൂ ഉയരുമെന്ന് ഡ്രം ഫുഡ്സ് സഹസ്ഥാപകൻ രോഹൻ മിർച്ചന്ദാനി വ്യക്തമാക്കിയിരുന്നു. വിരാട് കോഹ്ലിക്ക് ശേഷം ഇന്ത്യയിലെ ഏറ്റവും വിലമതിക്കുന്ന രണ്ടാമത്തെ സെലിബ്രിറ്റ് ബ്രാൻഡ് വാല്യൂ ഉള്ള താരം ദീപിക പദുക്കോണാണ്. 2018 ലെ കണക്കനുസരിച്ച് 20 ബ്രാൻഡുകളുടെ പരസ്യങ്ങളിൽ പദുക്കോൺ ഭാ​ഗമായി. 102.5 മില്ല്യൺ ഡോളറാണ് ഇവരുടെ ബ്രാൻഡ് മൂല്യം.

സ്റ്റാർട്ട് അപ് നിക്ഷേപം

സ്റ്റാർട്ട് അപ് നിക്ഷേപം

സ്റ്റാർട്ട് അപ്പുകളിൽ നിക്ഷേപം നടത്തുന്ന മറ്റ് നടിമാരും ബോളിവുഡിലുണ്ട്. അവരിലൊരാളാണ് കരിഷ്മ കപൂർ. ഇ-കൊമേഴ്സ് സ്റ്റാർട്ടപ്പായ Babyoye.com ന്റെ 26 ശതമാനം ഓഹരികൾ കരീഷ്മയ്ക്ക് സ്വന്തമാണ്. ശിശുക്കളുടെയും അമ്മമാരുടെയും പരിചരണത്തിനുള്ള ഉത്പന്നങ്ങൾ വിൽക്കുന്ന ഓൺലൈൻ സൈറ്റാണിത്. ഇ-കൊമേഴ്സ് റിയൽ എസ്റ്റേറ്റ് പോർട്ടലായ grouphomebuyers.comലാണ് ശിൽപ്പ ഷെട്ടി നിക്ഷേപം നടത്തിയിരിക്കുന്നത്.

malayalam.goodreturns.in

English summary

Deepika Padukones New Aerospace Business

Deepika has invested in Bellatrix Aerospace, a private rocket startup company in India.
Story first published: Wednesday, June 26, 2019, 11:08 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X