ഡിസ്കൗണ്ടുകൾ ഇങ്ങനെ

ജൂലൈ 15 ന് അർദ്ധരാത്രി12 മുതൽ ജൂലൈ 16 ന് രാത്രി 11:59 വരെയാണ് ഓഫറുകൾ ലഭിക്കുക. ആമസോൺ പ്രൈം അംഗങ്ങൾക്ക് എച്ച്ഡിഎഫ്സി ബാങ്ക് ഡെബിറ്റ്, ക്രെഡിറ്റ് കാർഡുകൾ ഉപയോഗിച്ച് സാധനങ്ങൾ വാങ്ങുമ്പോൾ 10 ശതമാനം ഇൻസ്റ്റന്റ് കിഴിവ് ലഭിക്കും.
ആമസോൺ പേ, ഐസിഐസിഐ ബാങ്ക് ക്രെഡിറ്റ് കാർഡ് പ്ലസ് എന്നിവയ്ക്ക് പരിധിയില്ലാത്ത റിവാർഡ് പോയിന്റുകളും , ക്രെഡിറ്റ് കാർഡുകൾ, ഡെബിറ്റ് കാർഡുകൾ, ബജാജ് ഫിൻസെർവ് ഇഎംഐ കാർഡുകൾ എന്നിവയ്ക്ക് നോ കോസ്റ്റ് ഇഎംഐ ഓപ്ഷനുകളും ലഭ്യമാണ്.

ക്യാഷ്ബാക്ക് ഓഫർ

ആമസോൺ പ്രൈം അംഗങ്ങൾക്ക് ആമസോൺ പേ വഴി 2500 രൂപ വരെ ക്യാഷ്ബാക്കും ലഭിക്കും. ആമസോൺ.ഇൻ വഴി ആഭ്യന്തര ഫ്ലൈറ്റ് ടിക്കറ്റുകൾ ബുക്ക് ചെയ്യുന്നവർക്കാണ് ക്യാഷ്ബാക്ക് ഓഫർ ലഭിക്കുക. ഇതിനു പുറമെ, മറ്റ് ചില ആപ്ലിക്കേഷനുകളായ യാത്ര, ബോക്സ് 8, ഈസിഡൈനർ, മെഡ്‌ലൈഫ് എന്നിവ ഉപയോഗിക്കാൻ ആമസോൺ പേ ഉപയോഗിക്കുന്നവർക്ക് 850 രൂപ വരെ ക്യാഷ്ബാക്കും വാഗ്ദാനം ചെയ്യുന്നു.

സ്മാർട്ട്ഫോണുകൾക്ക് വമ്പിച്ച വിലക്കുറവ്

ലാപ്ടോപ്പുകൾ, സ്മാർട്ട് വാച്ചുകൾ, ഇലക്ട്രോണിക് ഉപകരണങ്ങൾ തുടങ്ങിയവയ്ക്ക് വമ്പിച്ച ഓഫറുകളാണ് ലഭിക്കുക. വൺപ്ലസ് 7, 7 പ്രോ, 6 ടി, സാംസങ് എം 40, ഓപ്പോ എഫ് 11 പ്രോ എന്നിവയുൾപ്പെടെയുള്ള സ്മാർട്ട്‌ഫോണുകൾ ആകർഷകമായ കിഴിവിൽ ലഭിക്കും. അടുത്തിടെ പുറത്തിറക്കിയ എൽജി ഡബ്ല്യു-സീരീസ് സ്മാർട്ട്‌ഫോണുകൾ പ്രൈം ഡേ വിൽപ്പനയ്ക്കിടെ ആദ്യ വിൽപ്പനയ്‌ക്കെത്തും. ഫയർ ടിവി സ്റ്റിക്ക്, എക്കോ ഉപകരണങ്ങൾ എന്നിവയുൾപ്പെടെയുള്ള ആമസോൺ ഉപകരണങ്ങളും കിഴിവിൽ ലഭ്യമാണ്.

വിർച്വൽ റിയാലിറ്റി (വിആർ) ബൂത്തുകൾ

വിർച്വൽ റിയാലിറ്റി (വിആർ) ബൂത്തുകളും സിയാറ്റിൽ ആസ്ഥാനമായുള്ള ഇ-കൊമേഴ്‌സ് മേജർ ലഭ്യമാക്കും. ഇതുവഴി മികച്ച ബ്രാൻഡുകളിൽ നിന്നുള്ള പുതിയ ഉൽപ്പന്ന പുറത്തിറക്കുമ്പോൾ തന്നെ ഉപഭോക്താക്കൾക്ക് വിവരം ലഭിക്കും. 2019 ജൂലൈ 6 മുതൽ ദില്ലി എൻ‌സി‌ആർ, ബെംഗളൂരു, ഹൈദരാബാദ്, ചെന്നൈ, പൂനെ, കൊൽക്കത്ത എന്നിവിടങ്ങളിലെ തിരഞ്ഞെടുത്ത മാളുകളിൽ വിആർ ബൂത്തുകൾ ലഭ്യമാക്കുമെന്ന് അധികൃതർ വ്യക്തമാക്കി.