ഓണ്ലൈനിലൂടെ ഓര്ഡര് ചെയ്താല് ഇനി മുതല് മില്മയുടെ ഉത്പ്പന്നങ്ങള് വീട്ടുമുറ്റത്തെത്തും. ഇതിന്റെ ആദ്യപടിയായി മില്മയുടെ തിരുവനന്തപുരം മേഖലയാണ് ഓണ്ലൈന് വിതരണം ആരംഭിച്ചിരിക്കുന്നത്. ക്ഷീരവികസന വകുപ്പ് മന്ത്രി കെ.രാജു ആദ്യ ഓര്ഡര് നല്കി ആപ്ലിക്കേഷന് ഉദ്ഘാടനം ചെയ്തു.
എസ്ബിഐയ്ക്ക് 1500 കോടിയുടെ ബാധ്യത; കാരണക്കാരായ 10 പ്രമുഖരുടെ പേരുകൾ പുറത്ത്
എ.എം. നീഡ്സ് എന്ന മൊബൈല് ആപ്ലിക്കേഷന്റെ സഹായത്തോടെ ഓര്ഡര് ചെയ്യുന്നതിനനുസരിച്ച് സാധനങ്ങള് ലഭ്യമാകും. രാവിലെ അഞ്ചു മുതല് രാത്രി ഏഴര വരെയാണ് ഓണ്ലൈന് വിതരണത്തിന്റെ സമയം. മില്മ പാലിന് പുറമെ തൈര്, സംഭാരം, മറ്റ് കമ്പനികളുടെ ചപ്പാത്തി, ബ്രഡ്, പൊറോട്ട, ഇഡ്ഡലി മാവ്, ദോശ മാവ്, വടമാവ് എന്നിവയും ഓണ്ലൈന് വഴി ലഭ്യമാകും.
അടുത്ത മാസത്തോടെ എറണാകുളത്തും തുടര്ന്നും കോഴിക്കോടും മില്മ ഓണ്ലൈന് വിതരണം ഒരുക്കും. ഓണ്ലൈന് ആപ്ലിക്കേഷനിലൂടെ ഹോര്ട്ടികോര്ഡപ്പിന്റെ സഹകരണത്തോടെ പഴം,പച്ചക്കറികള് എന്നിവ വിതരണം ചെയ്യാനും പദ്ധതി തയ്യാറായിക്കഴിഞ്ഞു. വിതരണം ആവശ്യമുളളവര്ക്ക് ഓണ്ലൈനായോ നേരിട്ടോ പണമടച്ച് മില്മ ഉത്പ്പന്നങ്ങള് കൈപ്പറ്റാന് സൗകര്യമുണ്ടാകും. ഉപഭോക്താക്കളില് നിന്ന് വിതരണത്തിനായി പ്രത്യേക തുകയൊന്നും ഈടാക്കുന്നില്ലെന്നതാണ് മറ്റൊരു പ്രത്യേകത.