രാജ്യത്ത് പെട്രോള്‍, ഡീസല്‍ വിലകളില്‍ കഴിഞ്ഞ നാലു ദിവസമായി വര്‍ധനവ് രേഖപ്പെടുത്തി. അന്താരാഷ്ട്ര വിപണിയില്‍ ക്രൂഡോയിലിന്റെ വിലയില്‍ വന്ന മാറ്റവും ഡോളര്‍ രൂപ വിനിമയ നിരക്കിലെ വ്യതിയാനങ്ങളുമാണ് ഇന്ധനവിലയില്‍ മാറ്റമുണ്ടാകാന്‍ കാരണം.

ഡല്‍ഹിയില്‍ പെട്രോള്‍ ലിറ്ററിന് 0.09 പൈസ കൂടി 70.37 രൂപയും ഡീസല്‍ ലിറ്ററിന് 0.08 പൈസ കൂടി 64.19 രൂപയുമാണ് ഇന്നത്തെ വില. 70.28 രൂപയായിരുന്നു ശനിയാഴ്ച പെട്രോള്‍ വില. കഴിഞ്ഞ നാലു ദിവസമായി ഇന്ധനയില്‍ മാറ്റമുണ്ടായിട്ടുണ്ട്. സംസ്ഥാനത്ത് പെട്രോള്‍ ലിറ്ററിന് 73.64 രൂപയിലും ഡീസല്‍ 69.07 രൂപയിലുമാണ് വ്യാപാരം. അതായത് പെട്രോള്‍ ലിറ്ററിന് 10 പൈസയും ഡീസല്‍ ലിറ്ററിന് എട്ട് പൈസയും വര്‍ധിച്ചു.

രാജ്യ വ്യാപാര തലസ്ഥാനമായ മുംബൈയില്‍ പെട്രോളിന് 76.06 രൂപയും ഡീസലിന് 67.30 രൂപയുമാണ് വിലനിലവാരം. കൊല്‍ക്കത്ത, ചെന്നൈ, ഹൈദരാബാദ് തുടങ്ങിയ നഗരങ്ങളില്‍ പെട്രോളിന് യഥാക്രമം 72.63,73.10, 74.79 രൂപയും ഡീസലിന് 64.11, 67.90,69.96 രൂപയുമാണ് രേഖപ്പെടുത്തിയത്.

ആഗോള വിപണിയിലെ ക്രൂഡ് ഓയില്‍ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്ത് ഇന്ധനവില കണക്കാക്കുന്നത്. ഒരു ബാരല്‍ ക്രൂഡ് ഓയിലിന് 58.15 ഡോളറിലാണ് ഇന്ന് വ്യാപാരം. അതേസമയം 68.95 രൂപയിലാണ് ഡോളര്‍ വിനിമയം.