കെവൈസി ആവശ്യകതകളും കറന്റ് അക്കൗണ്ടുകള് ആരംഭിക്കുന്നതിനുള്ള മാനദണ്ഡങ്ങളും പാലിക്കാത്തതിനെത്തുടര്ന്ന് നാല് പൊതുമേഖലാ ബാങ്കുകള്ക്ക് റിസര്വ് ബാങ്ക് (ആര്ബിഐ) 1.75 കോടി രൂപ പിഴ ചുമത്തി.
പഞ്ചാബ് നാഷണല് ബാങ്ക്, അലഹബാദ് ബാങ്ക്, യുക്കോ ബാങ്ക് എന്നിവയ്ക്ക് സെന്ട്രല് ബാങ്ക് 50 ലക്ഷം രൂപ പിഴയും കോര്പ്പറേഷന് ബാങ്കിന് 25 ലക്ഷം രൂപ പിഴയും ചുമത്തി. കെവൈസി മാനദണ്ഡങ്ങള് അല്ലെങ്കില് കള്ളപ്പണം വെളുപ്പിക്കല് വിരുദ്ധ മാനദണ്ഡങ്ങള്, കറന്റ് അക്കൗണ്ടുകള് തുറക്കല് എന്നിവ പ്രകാരം പുറപ്പെടുവിച്ച നിര്ദ്ദേശങ്ങള് പാലിക്കാത്തതിനാണ് അവ ചുമത്തിയതെന്ന് റിസര്വ് ബാങ്ക് അറിയിച്ചു.
എയര് ഇന്ത്യ സാമ്പത്തിക പ്രതിസന്ധിയില്,ജീവനക്കാര്ക്ക് ശമ്പളം നല്കാന് പണമില്ല
ഈ നടപടി റെഗുലേറ്ററി കംപ്ലയിന്സിലെ അപാകതകളെ അടിസ്ഥാനമാക്കിയുള്ളതാണ്, മാത്രമല്ല ബാങ്കുകള് അവരുടെ ഉപഭോക്താക്കളുമായി ഉണ്ടാക്കിയ ഏതെങ്കിലും ഇടപാടിന്റെയോ കരാറിന്റെയോ സാധുതയെക്കുറിച്ച് പറയാന് ഉദ്ദേശിച്ചുള്ളതല്ലെന്നും റിസര്വ് ബാങ്ക് കൂട്ടിച്ചേര്ത്തു.