ഇന്ത്യയിൽ ഉടനീളം യാത്ര ചെയ്യാൻ ഇനി മുതൽ ട്രാവൽ കാർ‍ഡ് സംവിധാനം. ഈ ട്രാവൽ കാർ‍‍ഡ് ഉപയോ​ഗിച്ച് ഇന്ത്യയിൽ ഉടനീളം സഞ്ചരിക്കാവുന്നതാണ്. ബസ് ചാർജുകൾ, ട്രെയിൻ ടിക്കറ്റ് നിരക്കുകൾ, പാർക്കിംഗ് ചാർജുകൾ തുടങ്ങിയവ ഈ കാർ‍ഡ് ഉപയോ​ഗിച്ച് അടയ്ക്കാവുന്നതാണ്. പണം പിൻവലിക്കുന്നതിന് എടിഎം കാർഡായും ട്രാവൽ കാർഡ് ഉപയോഗിക്കാവുന്നതാണ്.

.പ്രധാൻമന്ത്രി സഡക് യോജന പദ്ധതിയിലൂടെ ഗ്രാമീണ റോഡുകളുടെ നിർമ്മാണവും നവീകരണവും വിപുലീകരിക്കും. മൂന്നാം ഘട്ടത്തിൽ ഒരു ലക്ഷം കിലോമീറ്റർ റോഡ് നവീകരണം പരിഗണനയിലാണെന്നും ധനമന്ത്രി വ്യക്തമാക്കി. രാജ്യത്ത് വൈദ്യുത വാഹനങ്ങള്‍ വ്യാപകമാക്കുന്നതിനുള്ള പദ്ധതികൾക്കും ബജറ്റിൽ തുക വകയിരുത്തിയിട്ടുണ്ട്. വൈദ്യുത വാഹനങ്ങള്‍ക്കായി പതിനായിരം കോടിയുടെ പുതിയ പദ്ധതിയാണ് സർക്കാർ നടപ്പിലാക്കുക.

ഗ്രാമീണ മേഖലയിലെ ഗതാഗത സൗകര്യത്തിനായി ഭാരത് മാല, സാഗർ മാല, ഉഡാൻ പദ്ധതികളിലും സർക്കാർ മികച്ച നിക്ഷേപം നടത്തുമെന്നും നിർമ്മല സീതാരാമൻ വ്യക്തമാക്കി. റോഡ്, ജല, വായു ഗതാഗതമാർഗങ്ങൾ ലോകോത്തര നിലവാരത്തിലെത്തിക്കുന്നതിനുള്ള പദ്ധതികൾക്കും തുക വകയിരുത്തിയിട്ടുണ്ട്.

വൻ തെരഞ്ഞെടുപ്പ് വിജയത്തിന് ശേഷം രണ്ടാം തവണയും പ്രധാനമന്ത്രിയായ നരേന്ദ്ര മോദിയുടെ നയങ്ങൾക്ക് മുൻഗണന കൊടുക്കുന്ന ബജറ്റാണ് ഇത്തവണത്തേത്. ഇന്ത്യയിലെ ആദ്യ ഫുൾ ടൈം വനിതാ മന്ത്രിയായ നിർമ്മല സീതാരാമന്റെ ആദ്യത്തെ ബജറ്റ് എന്ന പ്രത്യകതയും ഇത്തവണത്തെ ബജറ്റിനുണ്ട്.

 malalayam.goodreturns.in