ബജറ്റ് അവതരിപ്പിക്കാൻ നിർമ്മലാ സീതാരാമനും സംഘവും റെ‍ഡി; ഇത്തവണ ബജറ്റ് പെട്ടിയില്ല, പകരം ചുവന്ന പൊതി

2019 സാമ്പത്തിക വർഷത്തെ ബജറ്റ് അവതരണത്തിനായി ധനമന്ത്രി നിർമ്മല സീതാരാമനും സംഘവും തയ്യാറായി കഴിഞ്ഞു. ധനമന്ത്രി നിർമ്മല സീതാരാമൻ, ധനകാര്യ സഹ മന്ത്രി അനുരാഗ് താക്കൂർ, ധനകാര്യ സെക്രട്ടറി എസ് സി ഗാർഗ്, മുഖ്യ സാമ്പത്തിക ഉപദേഷ്ടാവ് കൃഷ്ണമൂർത്തി സുബ്രഹ്മണ്യൻ, ധനമന്ത്രാലയത്തിലെ മറ്റ് ഉദ്യോ​ഗസ്ഥർ എന്നിവർ ധനമന്ത്രാലത്തിന് പുറത്ത് തയ്യാറായി നിൽക്കുന്ന ചിത്രങ്ങളാണ് എഎൻഐ ട്വിറ്ററിൽ പങ്കു വച്ചിരിക്കുന്നത്.

ഇന്ന് രാവിലെ 11ന് ധനന്ത്രി ലോക്സഭയിൽ ബജറ്റ് അവതരിപ്പിക്കും. നിർമ്മല സീതാരാമന്റെ ആദ്യത്തെ ബജറ്റാണ് ഇത്തവണ അവതരിപ്പിക്കാൻ പോകുന്നത്. സാധാരണ ധനമന്ത്രിമാർ ബജറ്റ് ദിവസം കൈയിൽ കരുതാറുള്ള ബ്രീഫ്കെയിസിന് പകരം നിറമുള്ള തുണിയിൽ പൊതിഞ്ഞാണ് നിർമ്മല സീതാരാമൻ ബജറ്റ് കൈയിൽ കരുതിയിരിക്കുന്നത്. ഇതിനെക്കുറിച്ചുള്ള കമന്റുകളാണ് ഇപ്പോൾ ട്വിറ്ററിലെ ചർച്ച.

malayalam.goodreturns.in