രാജ്യത്ത് സ്‌കൂള്‍ തലത്തിലും ഉന്നത വിദ്യാഭ്യാസ മേഖലയിലും വന്‍ അഴിച്ചു പണിയ്ക്ക് മോദി സര്‍ക്കാര്‍ പദ്ധതിയിടുന്നു. രാജ്യത്ത് നാഷണല്‍ റിസര്‍ച്ച് ഫൗണ്ടേഷന്‍ ആരംഭിക്കുന്നു.കൂടാതെ ഓണ്‍ലൈന്‍ കോഴ്‌സുകള്‍ വ്യാപകമാക്കാനുള്ള പദ്ധതിയും സര്‍ക്കാര്‍ആലോചനയില്‍ ഉണ്ട്.

ഗ്യാന്‍ പ്രോഗ്രം ഉന്നത വിദ്യാഭ്യാസ മേഖലയില്‍ കൊണ്ടു വരും. രാജ്യത്തെ 3 സ്ഥാപനങ്ങള്‍ ഇന്ന് ലോകത്തെ ഏറ്റവും മികച്ച 200 സ്ഥാപനങ്ങളുടെ ലിസ്റ്റില്‍ ഇടം നേടിയിട്ടുണ്ട്.നാഷണല്‍ റിസര്‍ച്ച് ഫൗണ്ടേഷന്‍ വഴി എല്ലാ മന്ത്രാലയങ്ങളിലെയും ഗവേഷണ ഫണ്ടുകള്‍ ഏകീകരിക്കും. വിദേശ വിദ്യാര്‍ത്ഥികള്‍ക്ക് ഇന്ത്യയില്‍ പഠിക്കാന്‍ സ്റ്റഡി ഇന്‍ ഇന്ത്യ പദ്ധതി രൂപീകരിക്കും. 2017ല്‍ തുടങ്ങിയ ഖേലോ ഇന്ത്യ സ്‌കീം പദ്ധതിയെ കൂടുതല്‍ പ്രോത്സാഹിപ്പിക്കും.10 മില്യണ്‍ യുവാക്കളെ വിവിധ സ്‌കില്ലുകള്‍ പരിശീലിപ്പിക്കും.

സര്‍വ്വകലാശാലകളെ മികവിന്റെ കേന്ദ്രങ്ങളാക്കിമാറ്റുമെന്നും . ഗവേഷണത്തിന് ഊന്നല്‍ നല്‍കിയുള്ള വിദ്യാഭ്യാസപരിഷ്‌കരണം സാധ്യമാക്കും വിദ്യാഭ്യാസമേഖലയില്‍ സമഗ്രപരിഷ്‌കരണം നടപ്പിലാക്കുമെന്നും ധനമന്ത്രി പറഞ്ഞു.വിദേശ വിദ്യാര്‍ത്ഥികളെ ഇന്ത്യയിലേക്ക് ഉയര്‍ന്ന പഠനങ്ങള്‍ക്ക് ആകര്‍ഷിക്കുന്ന രീതിയില്‍ വിദ്യാഭ്യാസ മേഖലയില്‍ മാറ്റം വരുത്തും