കണ്ണൂര്‍: മലബാറുകാര്‍ക്കൊരു സന്തോഷ വാര്‍ത്ത. എന്താണെന്നല്ലേ കണ്ണൂരില്‍ നിന്ന് ബെംഗളൂരുവിലേക്ക് അധിക സര്‍വീസുകളുമായി ഗോ എയര്‍ എത്തുന്നു.

ഈ മാസം 15 മുതല്‍ ചൊവ്വ ഒഴികെയുളള ദിവസങ്ങളില്‍ കണ്ണൂര്‍ അന്താരാഷ്ട്ര വിമാനത്താവളത്തില്‍ നിന്ന് ബെംഗളൂരിലേക്ക് അധിക സര്‍വീസുകള്‍ നടത്താണ് തീരുമാനം. ഒക്ടോബര്‍ 26 വരെയാണ് സര്‍വീസ് നടത്തുക. ഉച്ചയ്ക്ക് 12.40 ന് കണ്ണൂരില്‍ നിന്ന് പുറപ്പെട്ട് 01.40 ന് ബെംഗളൂരിലെത്തുന്ന രീതിയിലാണ് സര്‍വീസ്.

തിരിച്ച് ഉച്ചയ്ക്ക് 02.15 ന് ബെംഗളൂരുവില്‍ നിന്ന് പുറപ്പെട്ട് 03.15 ന് കണ്ണൂരില്‍ എത്തും വിധമാണ് സര്‍വീസ് ക്രമീകരിച്ചിരിക്കുന്നത്. ഗോ എയറിന്റെ ദുബായിലേക്കുളള പ്രതിദിന സര്‍വീസ് ഈ മാസം 25 ന് ആരംഭിക്കും