ഏറ്റവും ചെലവേറിയ ന​ഗരങ്ങൾ

ഓഫീസ് ആരംഭിക്കാൻ ലോകത്തിലെ തന്നെ ഏറ്റവും ചെലവേറിയ ന​ഗരങ്ങളുടെ പട്ടികയാണ് സിബിആര്‍ഇ സൗത്ത് ഏഷ്യ പുറത്തു വിട്ടിരിക്കുന്നത്. ഇതനുസരിച്ച് ലോകത്തിലെ ഏറ്റവും ചെലവേറിയ ഓഫീസ് സ്പേസ് ഹോങ്കോങ് സെന്‍ട്രലാണ്. ചതുരശ്ര അടിക്ക് 332 ഡോളറാണ് ഹോങ്കോങ് സെന്‍ട്രലിലെ ഓഫീസ് സ്പേസ് നിരക്ക്. പട്ടികയിൽ രണ്ടാം സ്ഥാനം ലണ്ടനാണ്. ഏറ്റവും ചെലവേറിയ ന​ഗരങ്ങളിൽ മൂന്നാം സ്ഥാനവും ഹോങ്കോങിലെ കൊവ്‍ലൂണിലാണ്.

പട്ടിക ഇങ്ങനെ

• ഹോങ്കോംഗ് (സെൻട്രൽ), ഹോങ്കോംഗ്
• ലണ്ടൻ (വെസ്റ്റ് എൻഡ്), യുണൈറ്റഡ് കിംഗ്ഡം
• ഹോങ്കോംഗ്
• ന്യൂയോർക്ക് (മിഡ്‌ടൗൺ-മാൻഹട്ടൻ), യുഎസ്
• ബീജിംഗ് (ഫിനാൻസ് സ്ട്രീറ്റ്) ചൈന
• ബീജിംഗ് (സിബിഡി).ചൈന
• ന്യൂയോർക്ക് (മിഡ്‌ടൗൺ-സൗത്ത് മാൻഹട്ടൻ) യുഎസ്
• ടോക്കിയോ, ജപ്പാൻ
• ന്യൂഡൽഹി (കൊണാട്ട് പ്ലേസ്-സിബിഡി), ഇന്ത്യ
• ലണ്ടൻ (സിറ്റി), യുണൈറ്റഡ് കിംഗ്ഡം



ഡൽഹിയും പട്ടികയിൽ

ലോകത്തിലെ ഏറ്റവും ചെലവേറിയ ഓഫീസ് സ്പേസ് വിപണിയില്‍ ഇന്ത്യയിൽ നിന്ന് രാജ്യ തലസ്ഥാനമായ ഡൽഹിയും ഉൾപ്പെട്ടിട്ടുണ്ട്. ഡൽഹിയിലെ കൊണാട്ട് പ്ലെയ്സില്‍ ഓഫീസ് സ്പേസ് സ്ഥാപിക്കാന്‍ ചതുരശ്ര അടിക്ക് 143.97 ഡോളറാണ് നിരക്ക്. ലോകത്തെ ഏറ്റവും ചെലവേറിയ ഒന്‍പതാമത്തെ ഓഫീസ് സ്പേസാണ് കൊണാട്ട് പ്ലെയ്‍സിലേത്.



ഇന്ത്യയിലെ മറ്റ് ചെലവേറിയ ന​ഗരങ്ങൾ

ലോകത്തിലെ ഏറ്റവും ചെലവേറിയ 50 കേന്ദ്രങ്ങളില്‍ മുംബൈയിലെ ബാന്ദ്ര കുര്‍ള സമുച്ചയവും നരിമാന്‍ പോയിന്‍റും ഉള്‍പ്പെട്ടിട്ടുണ്ട്. ബാന്ദ്ര കുര്‍ള സമുച്ചയത്തിന് ചതുരശ്ര അടിക്ക് 90.37 ഡോളറും നരിമാന്‍ പോയിന്‍റിന് 68.38 ഡോളറുമാണ് നിരക്ക്. ലോകത്തിലെ ഏറ്റവും ചെലവേറിയ 10 ഓഫീസ് വിപണികളില്‍ ആറും ഏഷ്യയിലാണെന്നും സിബിആര്‍ഇ സൗത്ത് ഏഷ്യയുടെ പഠനത്തില്‍ പറയുന്നു.