സോഷ്യല്‍ മീഡിയയാണ് താരം

എന്താണ് കാരണം? സോഷ്യല്‍ മീഡിയ രംഗത്തെ അവരുടെ ശക്തമായ സാന്നിധ്യം തന്നെ. വെള്ളിത്തിരയില്‍ മിന്നത്തിളങ്ങുന്നവരല്ല, സോഷ്യല്‍ മീഡിയ ഉള്‍പ്പെടെയുള്ള മാധ്യമങ്ങളിലൂടെ ഉപഭോക്താക്കളുടമായി നേരിട്ട് സംവദിക്കാന്‍ ശേഷിയുള്ളവരെയാണ് കമ്പനികള്‍ തങ്ങളുടെ ബ്രാന്റ് അംബാസഡറാക്കാന്‍ താല്‍പര്യപ്പെടുന്നത്. സിനിമാ രംഗത്തെ വിജയങ്ങള്‍ നോക്കി താരമൂല്യം കണക്കാക്കിയിരുന്ന കാലം കഴിഞ്ഞുവെന്നര്‍ഥം.

സിനിമയ്ക്ക് മുമ്പേ താരമായി

പെര്‍ക്കിന്റെ പരസ്യം ഉള്‍പ്പെടെ നാല് പരസ്യ ചിത്രങ്ങളിലാണ് അനന്യയ്ക്ക് അവസരം ലഭിച്ചത്. ആദ്യ സിനിമയായ സ്റ്റുഡന്റ് ഓഫ് ദി ഇയര്‍ റ്റു തിയറ്ററുകളിലെത്തുന്നതിന് മുമ്പ് തന്നെ കഴിഞ്ഞ ഒക്ടോബറില്‍ ഹിന്ദുസ്ഥാന്‍ ലിവറിന്റെ സ്‌കിന്‍ കെയര്‍ ബ്രാന്റായ ലക്മിയുമായി അവര്‍ കരാറില്‍ ഒപ്പുവച്ചിരുന്നു.

ഉപഭോക്താക്കളുമായി നേരിട്ട് ബന്ധം

ഇത് അനന്യ പാണ്ഡെയുടെ മാത്രം കാര്യമല്ല, ഝാന്‍വി കപൂര്‍, സാറ അലി ഖാന്‍, താര സുതാരിയ തുടങ്ങിയ പുതുമുഖ താരങ്ങള്‍ക്കു വേണ്ടിയും ബ്രാന്റുകള്‍ കിടമല്‍സരത്തിലാണ്. കരണ്‍ ജോഹറിന്റെ ധടക് സിനിമയിലൂടെ വന്ന ഝാന്‍വി കപൂറിന് ഇന്‍സ്റ്റഗ്രാമിലുള്ള ഫോളോവേഴ്‌സിന്റെ എണ്ണം 4.9 ദശലക്ഷമാണ്. അതുതന്നെയാണ് കോസ്മിക് ഇ-ടെയ്‌ലര്‍ നൈകയുടെയും ബെനെറ്റന്‍ പെര്‍ഫ്യൂംസിന്റെയും പ്രീമിയം ലൈഫ്‌സ്റ്റൈല്‍ ബ്രാന്റായ ടോമി ഹില്‍ഫിഗറിന്റെയും പരസ്യത്തിലേക്ക് അവര്‍ തെരഞ്ഞെടുക്കപ്പെടാനുള്ള യോഗ്യതയും.

പ്രൊമോഷന്‍ സോഷ്യല്‍ മീഡിയ വഴിയും

11 ദശലക്ഷം ഇന്‍സ്റ്റഗ്രാം ഫോളോഫേഴ്‌സുള്ള സാറാ അലി ഖാന്റെ കാര്യവും വ്യത്യസ്തമല്ല. ഫാന്റ, വീറ്റ്, പ്യൂമ, ഫിയാമ സെന്റ്‌സ് തുടങ്ങിയവയുമായി കരാറില്‍ ഒപ്പിടാന്‍ അവര്‍ക്ക് വഴിയൊരുക്കിയതും സോഷ്യല്‍ മീഡിയയിലെ ഈ താരപ്രഭ തന്നെ.

ഈ ബ്രാന്റ് അംബാസഡര്‍മാര്‍ തങ്ങളുടെ ഇന്‍സ്റ്റഗ്രാം, ട്വിറ്റര്‍, യൂട്യൂബ് തുടങ്ങിയ സോഷ്യല്‍ മീഡിയ പ്ലാറ്റ്‌ഫോമുകളിലൂടെ അവര്‍ കരാറിലൊപ്പിട്ട ഇല്‍പ്പന്നങ്ങള്‍ പ്രൊമോട്ട് ചെയ്യുന്നുമുണ്ട്. നിമിഷ നേരം കൊണ്ട് പതിനായിരങ്ങളിലേക്കാണ് ഇവ നേരിട്ടെത്തുന്നത്. ലൈക്കുകളും ഷെയറുകളും കമന്റുകളുമായി ഇവ ഏറെ പേരിലെത്തിക്കാനും കാര്യമായ ചര്‍ച്ചാ വിഷയമാക്കി മാറ്റാനും ഈ താരങ്ങള്‍ക്ക് സാധിക്കുന്നു.