റെഡ്മി നോട്ട് 7 എസ്

പുതിയ വില അനുസരിച്ച് റെഡ്മി നോട്ട് 7 എസിന്റെ 3 ജിബി റാം + 32 ജിബി സ്റ്റോറേജ് മോഡലിന് 9,999 രൂപയാണ് വില. 4 ജിബി റാം / 64 ജിബി സ്റ്റോറേജ് മോഡൽ 11,999 രൂപയ്ക്കും ലഭിക്കും. രണ്ട് വേരിയന്റുകളും ആമസോൺ, ഫ്ലിപ്കാർട്ട്, റെഡ്മിയുടെ ഔദ്യോഗിക വെബ്സൈറ്റ് എന്നിവിടങ്ങളിൽ ഓഫർ നിരക്കിൽ ലഭിക്കും.

റെഡ്മി വൈ 2

കഴിഞ്ഞ വർഷം പുറത്തിറക്കിയ റെഡ്മി വൈ 2വും വൻ വിലക്കുറവിൽ ലഭിക്കും. 4 ജിബി റാം + 64 ജിബി സ്റ്റോറേജ് മോഡലിന് ഇന്ത്യയിൽ കമ്പനി വിലക്കുറവ് പ്രഖ്യാപിച്ചു കഴിഞ്ഞു. വെറും 8,999 രൂപയ്ക്കാണ് റെഡ്മി വൈ 2 ലഭിക്കുക. ഈ വിലയിൽ ആമസോൺ, ഫ്ലിപ്കാർട്ട്, എംഐ.കോം എന്നിവിടങ്ങളിൽ ലഭ്യമാണ്.

റെഡ്മി 6

കഴിഞ്ഞ വർഷം 10,999 രൂപ നിരക്കിൽ പുറത്തിറക്കിയ റെഡ്മി 6 ഇപ്പോൾ, 6,999 രൂപയ്ക്ക് ലഭിക്കും. ഫോണിന്റെ 3 ജിബി റാം + 64 ജിബി സ്റ്റോറേജ് മോഡലിനാണ് ഈ വില. സാധാരണക്കാർക്ക് കൈയിലൊതുങ്ങുന്ന വിലയാണ് നിലവിൽ ഈ ഫോണിന്റേത്. അതുകൊണ്ട് തന്നെ കൂടുതൽ ആളുകൾ വിലക്കുറവ് പ്രയോജനപ്പെടുത്തുമെന്നാണ് കമ്പനിയുടെ പ്രതീക്ഷ.

ഷവോമി മിഐ എ 2

ഈ മോഡലിന്റെ രണ്ട് വകഭേദങ്ങളാണ് ലഭിക്കുക. 4 ജിബി റാം / 64 ജിബി സ്റ്റോറേജ്, 6 ജിബി റാം / 128 ജിബി സ്റ്റോറേജ് എന്നിവയ്ക്ക് യഥാക്രമം 8,999 രൂപർ, 10,999 രൂപ എന്നിങ്ങനെയാണ് ഡിസ്കൗണ്ട് നിരക്ക്. ജുലൈ 18ന് മുമ്പ് ഫോൺ വാങ്ങുന്നവർക്ക് മാത്രമേ ഈ വിലയ്ക്ക് ഫോൺ ലഭിക്കുകയുള്ളൂ.