കൊച്ചി: മലയാളികള്‍ക്ക് ഏറെ പ്രയപ്പെട്ട ഒന്നാണ് സ്വര്‍ണം. എന്നാല്‍ ഇനി അങ്ങോട്ട് സ്വര്‍ണത്തിനോടുള്ള പ്രിയം കുറയുമെന്ന് പറയാതെവയ്യ്. എന്തെന്നാല്‍ ഇന്നത്തെ സ്വര്‍ണവില സര്‍വ്വകാല റെക്കോര്‍ഡില്‍. പവന് 200 രൂപ കൂടി 25920 രൂപയായി. ഗ്രാമിന് 3240 രൂപയാണ് ഇന്നത്തെ നിരക്ക്.

ചരിത്രത്തിലെ ഏറ്റവും ഉയര്‍ന്ന വിലയാണ് ഇന്ന് സ്വര്‍ണത്തിന് രേഖപ്പെടുത്തിയത്. ജൂലൈ 13 ന് ചരിത്രത്തിലെ ഏറ്റവും ഉയര്‍ന്ന നിരക്കാണ് സ്വര്‍ണത്തിന് രേഖപ്പെടുത്തിയത്. ഗ്രാമിന് 3,225 രൂപയും പവന് 25,800 രൂപയുമായിരുന്നു നിരക്ക്. ആഗോളവിപണിയില്‍ ട്രോയ് ഔണ്‍സ് സ്വര്‍ണത്തിന് 1423 ഡോളറാണ് ഇന്നത്തെ നിരക്ക്.സ്വര്‍ണ്ണ വിലയോടൊപ്പം വെള്ളി നിരക്ക് കുതിച്ചുയരുന്നുണ്ട്. ആഗോള പ്രവണതയെ പ്രതിഫലിപ്പിക്കുന്ന ഡല്‍ഹിയില്‍ വെള്ളിയുടെ വില കിലോയ്ക്ക് 660 രുപയര്‍ന്ന് ഉയര്‍ന്ന് 40,190 ഡോളറിലെത്തി. സ്വര്‍ണ്ണ വില 10 ഗ്രാമിന് 35,500 രൂപയാണ്

എംസിഎക്സില്‍ ഓഗസ്റ്റ് സ്വര്‍ണ്ണ കരാറുകള്‍ ഇന്ന് 35,094 ഡോളറിലെത്തി. കഴിഞ്ഞയാഴ്ച ഇത് 35,145 ഡോളറിലെത്തിയിരുന്നു. ഒക്ടോബറിലെ സ്വര്‍ണ്ണ കരാര്‍ 35,600 ഡോളറിനടുത്തായിരുന്നു. എംസിഎക്സിന്റെ സെപ്റ്റംബറിലെ വെള്ളി കരാര്‍ കിലോയ്ക്ക് 0.72 ശതമാനം വര്‍ധിച്ച് 40,467 ഡോളറിലെത്തി. ഇത് ആഗോള വിലയിലെ കുതിച്ചുചാട്ടത്തെ പ്രതിഫലിപ്പിക്കുന്നു.ആഗോള വിപണികളില്‍ സ്വര്‍ണ വില രണ്ടാഴ്ചത്തെ ഏറ്റവും ഉയര്‍ന്ന് ഔണ്‍സിന് 1,428 ഡോളറിലെത്തി.

ഈ മാസം അവസാനം നടക്കുന്ന പോളിസി മീറ്റിംഗില്‍ യുഎസ് ഫെഡറേഷന്‍ പലിശനിരക്ക് 25 ബേസിസ് പോയിന്റ് കുറയ്ക്കുമെന്ന് വ്യാപകമായി പ്രതീക്ഷിക്കപ്പെടുന്നുണ്ട്.ഇത് കുറഞ്ഞ പലിശനിരക്കിലുള്ള സ്വര്‍ണം പോലുള്ളയുടെവ പലിശരഹിത വരുമാനമുള്ള ആസ്തികളുടെ ആകര്‍ഷണം വര്‍ദ്ധിപ്പിക്കുന്നു.ഇതോടെ സുരക്ഷിത നിക്ഷേപമെന്ന നിലയില്‍ നിക്ഷേപകര്‍ സ്വര്‍ണത്തിലേക്ക് തിരിഞ്ഞതോടെ സ്വര്‍ണവില ചരിത്ര നിരക്കിലേക്ക് ഉയരുകയായിരുന്നു. കഴിഞ്ഞ ബജറ്റില്‍ സ്വര്‍ണത്തിന്റെ കസ്റ്റംസ് തീരുവ ഉയര്‍ത്തിയതും രാജ്യത്തെ സ്വര്‍ണവില കൂടാന്‍ കാരണമായി.