ന്യൂഡല്‍ഹി: ഇന്ത്യയെ ബാങ്കോക്ക്,ദുബായ് തുടങ്ങിയ നഗരങ്ങളുമായി ബന്ധിപ്പിച്ച് അന്താരാഷ്ട്ര മേഖലയില്‍ 12 പുതിയ വിമാന സര്‍വീസുകള്‍ ആരംഭിക്കുമെന്ന് ഗോഎയര്‍ അറിയിച്ചു. ഗോഎയര്‍ കുറഞ്ഞ നിരക്കില്‍ ഹൈദരാബാദിനെ ഇന്ത്യയിലുടനീളമുള്ള എട്ട് നഗരങ്ങളുമായി ബന്ധിപ്പിക്കുന്ന 16 പുതിയ ആഭ്യന്തര വിമാന സര്‍വീസുകളും ആരംഭിക്കുന്നുണ്ട്.ബാങ്കോക്ക്, കുവൈറ്റ്, ദുബായ് എന്നിങ്ങനെ മൂന്ന് പുതിയ സര്‍വ്വീസ് ഞങ്ങള്‍ ആരംഭിക്കും. അബുദാബി, മസ്‌കറ്റ് എന്നീ സ്ഥലങ്ങളിലേക്ക് ഞങ്ങള്‍ (ഫ്‌ലൈറ്റുകള്‍) കൂടി ചേര്‍ക്കും, ''ഗോഅയര്‍ ഇന്റര്‍നാഷണല്‍ ഓപ്പറേഷന്‍സ് വൈസ് പ്രസിഡന്റ് അര്‍ജുന്‍ ദാസ് ഗുപ്ത പറഞ്ഞു.

'ജൂലൈ 19 ന് ഞങ്ങള്‍ ദില്ലിയില്‍ നിന്ന് അബുദാബിയിലേക്കുള്ള വിമാന സര്‍വീസുകള്‍ ആരംഭിക്കും. ഇത് ദിവസേനയുള്ള സര്‍വ്വീസുകളാണ്. അതേ ദിവസം തന്നെ മുംബൈയില്‍ നിന്ന് അബുദാബിയിലേക്കും മുംബൈയില്‍ നിന്ന് മസ്‌കറ്റിലേക്കും ദിവസേന വിമാന സര്‍വീസുകള്‍ നടത്തും' അദ്ദേഹം കൂട്ടിച്ചേര്‍ത്തു.ദില്ലിയില്‍ നിന്ന് ബാങ്കോക്കിലേക്കും കണ്ണൂരില്‍ നിന്ന് ദുബായിലേക്കും പ്രതിദിനം വിമാനം സര്‍വീസ് നടത്തുന്നുണ്ടെന്ന് അധികൃതര്‍ അറിയിച്ചു.ഓഗസ്റ്റ് 1 മുതല്‍ മുംബൈ-ബാങ്കോക്ക് റൂട്ടിലാണ് ഗോ എയര്‍ സര്‍വീസ് ആരംഭിക്കുകയെന്ന് ദാസ് ഗുപ്ത കൂട്ടിച്ചേര്‍ത്തു.

ഹൈദരാബാദിനെ കൊച്ചി, ചെന്നൈ, ജയ്പൂര്‍, ബെംഗളൂരു, ചണ്ഡിഗഡ്, പട്‌ന തുടങ്ങിയ നഗരങ്ങളുമായി ബന്ധിപ്പിക്കുന്ന 16 പുതിയ ആഭ്യന്തര വിമാന സര്‍വീസുകള്‍ ആരംഭിക്കുന്നതായി എയര്‍ലൈന്‍ വ്യാഴാഴ്ച പുറത്തിറക്കിയ പ്രസ്താവനയില്‍ പറഞ്ഞു.

അടുത്ത മാസം മുതല്‍ പുതിയ ആഭ്യന്തര വിമാന സര്‍വീസുകള്‍ ആരംഭിക്കുമെന്ന് പ്രസ്താവനയില്‍ പറയുന്നു. ജെറ്റ് എയര്‍വെയ്സില്‍ നിന്ന് സ്വന്തമാക്കിയ താല്‍ക്കാലിക സ്ലോട്ടുകളെക്കുറിച്ച്, ഗോയിര്‍ നെറ്റ്വര്‍ക്ക് പ്ലാനിംഗ് വൈസ് പ്രസിഡന്റ് സമീര്‍ പട്ടേല്‍ പറഞ്ഞു,നിലവില്‍ ആഭ്യന്തരമായി 28 വിമാനങ്ങള്‍ ജെറ്റ് എയര്‍വേയ്സ് സര്‍വീസ് നടത്തുന്നുണ്ട്.