കൊച്ചി: സ്വര്‍ണ വില വീണ്ടും വര്‍ദ്ധിച്ചു. പവന് 200 രൂപ വര്‍ധിച്ച് 26,120 രൂപയായി. ഗ്രാമിന് 3,265 രൂപയാണ് വില. ആഗോള വിപണിയിലും സ്വര്‍ണ വില വന്‍ തോതില്‍ വര്‍ധിച്ചിട്ടുണ്ട്. ചരിത്രത്തിലെ ഏറ്റവും ഉയര്‍ന്ന വിലയാണ് ഇന്ന് സ്വര്‍ണത്തിന് രേഖപ്പെടുത്തിയത്. 25920 രൂപയായിരുന്നു ഇതിന് മുമ്പ് രേഖപ്പെടുത്തിയ ഏറ്റവും ഉയര്‍ന്ന നിരക്ക്. ആഗോളവിപണിയില്‍ ട്രോയ് ഔണ്‍സ് സ്വര്‍ണത്തിന് 1443 ഡോളറാണ് ഇന്നത്തെ നിരക്ക്. ആഗോള വിപണിയിലും സ്വര്‍ണവില വര്‍ധിച്ചിട്ടുണ്ട്.സ്വര്‍ണം വില ആറുവര്‍ഷത്തെ ഏറ്റവും ഉയര്‍ന്ന നിരക്കിലെത്തി.രാജ്യത്ത് ഇതാദ്യമായാണ് സ്വര്‍ണം വില ഇത്രയും ഉയരുന്നത്

സ്പോട്ട് ഗോള്‍ഡ് ഔണ്‍സിന് 1,452.60 ഡോളറിലെത്തി. യുഎസ് സ്വര്‍ണ്ണ ഫ്യൂച്ചറുകള്‍ 1.1 ശതമാനം ഉയര്‍ന്ന് 1,444.10 ഡോളറിലെത്തി .. ഈ ആഴ്ച ഇതുവരെ സ്വര്‍ണ വില 2 ശതമാനം ഉയര്‍ന്നു.ലോകത്തിലെ ഏറ്റവും വലിയ സ്വര്‍ണ്ണ പിന്തുണയുള്ള എക്‌സ്‌ചേഞ്ച്-ട്രേഡഡ് ഫണ്ടായ എസ്പിഡിആര്‍ ഗോള്‍ഡ് ട്രസ്റ്റിന്റെ ഓഹരികള്‍ കഴിഞ്ഞ ദിവസം 803.18 ടണ്ണില്‍ നിന്ന് 1.42 ശതമാനം ഉയര്‍ന്ന് 814.62 ടണ്ണായി.

ആഗോള വിപണിയില്‍ വെള്ളിയുടെ വില ഒരു ഔണ്‍സിന് 0.5 ശതമാനം ഉയര്‍ന്ന് 16.42 ഡോളറായി ഉയര്‍ന്നു. ഇത് 2018 ജൂണ്‍ 25 ന് ശേഷമുള്ള ഏറ്റവും ഉയര്‍ന്ന നിരക്കാണ്. വെള്ളി ഈ ആഴ്ചയില്‍ ഇതുവരെ 8% ഉയര്‍ന്നു, മൂന്ന് വര്‍ഷത്തിനിടയിലെ ഏറ്റവും മികച്ച ആഴ്ചയിലെ ട്രാക്കിലാണ്.

സ്വര്‍ണത്തിന്റെ ഇറക്കുമതി തീരുവയില്‍ കേന്ദ്ര സര്‍ക്കാര്‍ രണ്ടര ശതമാനം വര്‍ധിപ്പിച്ചതാണ് സ്വര്‍ണ വിലയില്‍ കുതിച്ചു ചാട്ടമുണ്ടാകാന്‍ ഇടയാക്കിയത്.സുരക്ഷിത നിക്ഷേപമെന്ന നിലയില്‍ നിക്ഷേപകര്‍ സ്വര്‍ണത്തിലേക്ക് തിരിഞ്ഞതോടെയാണ് സ്വര്‍ണവില മികച്ച നിരക്കിലേക്ക് ഉയരുകയായിരുന്നു.ജൂലൈ മാസം മാത്രം ഇതുവരെ പവന് 1,000 രൂപയുടെ വര്‍ധനവ് രേഖപ്പെടുത്തിയിരുന്നു