കളളപ്പണത്തിന് തടയിടാന്‍ പുതിയ തന്ത്രം ; കൂടിയ പണമിടപാടുകള്‍ക്ക് ഇനി ആധാര്‍ വെരിഫിക്കേഷന്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ബാങ്ക് അക്കൗണ്ടിലുളള നിക്ഷേപവും പണം പിന്‍വലിക്കലുമെല്ലാം  നിശ്ചിത പരിധിയില്‍ക്കൂടുതലായാല്‍ പാന്‍ കാര്‍ഡ് മാത്രം ഹാജരാക്കി തലയൂരാമെന്നാണോ ധാരണ ? എങ്കില്‍ തെറ്റി. കൂടിയ തോതിലുളള ഇടപാടുകള്‍ക്ക് ഇനി മുതല്‍ ആധാര്‍ വെരിഫിക്കേഷന്‍ പ്രക്രിയ നിര്‍ബന്ധമാക്കാന്‍ കേന്ദ്രസര്‍ക്കാര്‍ നീക്കം.  രാജ്യത്തെ സാമ്പത്തികവ്യവസ്ഥയില്‍ പണപ്പെരുപ്പം നിയന്ത്രിക്കുന്നതിന്റെ ഭാഗമായാണ് സര്‍ക്കാര്‍ പുതിയ പരിഷ്‌ക്കാരം നടപ്പാക്കുന്നത്. പുതിയ ധനകാര്യബില്ലിലെ ഭേദഗതി നിര്‍ദേശങ്ങളില്‍ ഏറെ പ്രധാനപ്പെട്ട ഒന്നാണിത്. വണ്‍ ടൈം പാസ് വേര്‍ഡ്( ഒടിപി), ഇലക്ട്രോണിക് കെവൈസി, ബയോമെട്രിക് സംവിധാനങ്ങള്‍ എന്നിവ വഴി ആധാര്‍ വെരിഫിക്കേഷന്‍ പൂര്‍ത്തിയാക്കും.

 

ഓഫ് ലൈന്‍ വില്‍പ്പനക്കാര്‍ക്കായി ഫ്‌ലിപ്പ്കാര്‍ട്ട് ഓണ്‍ബോര്‍ഡിംഗ് നവീകരിക്കുന്നുഓഫ് ലൈന്‍ വില്‍പ്പനക്കാര്‍ക്കായി ഫ്‌ലിപ്പ്കാര്‍ട്ട് ഓണ്‍ബോര്‍ഡിംഗ് നവീകരിക്കുന്നു

കൂടിയ തോതിലുളള വിദേശനാണയ വിനിമയങ്ങള്‍ക്ക് നിലവില്‍ പാന്‍കാര്‍ഡ് മാത്രമാണ് ഉപയോഗിക്കുന്നത്. പുതിയ ഭേദഗതി നടപ്പാക്കുന്നതോടെ ഇത് പൂര്‍ണമായും ആധാറിലേക്ക് വഴിമാറും. അതുപോലെ തന്നെ സ്വത്ത് വകകളുടെ കൈമാറ്റത്തിനിടെ നിശ്ചിതപരിധിയില്‍ കൂടുതല്‍ പണമിടപാടുകള്‍ നടത്തുമ്പോഴും ആധാര്‍ വേണ്ടിവരും. സ്വത്ത് രജിസ്‌ട്രേഷന്‍ സമയത്തും ആധാര്‍ നിര്‍ബന്ധമായേക്കും.  പുതിയ പരിഷ്‌ക്കാരം നടപ്പാക്കുന്നതിന്റെ ഭാഗമായി പ്രത്യേക പരിധിയ്ക്ക് മുകളില്‍ പണമിടപാടുകള്‍ നടത്തുന്നവര്‍ സര്‍ക്കാരിന്റെ നിരീക്ഷണത്തിലായിരിക്കും. തുകയുടെ പരിധി എത്രയാണെന്ന കാര്യത്തില്‍ ഇതുവരെ തീരുമാനമായിട്ടില്ല. 20 മുതല്‍ 25 ലക്ഷം രൂപ വരെയുളള നിക്ഷേപങ്ങള്‍ക്കും പിന്‍വലിക്കലുകള്‍ക്കും ഇത് ബാധകമായിരിക്കാനാണ് സാധ്യത.

 
കളളപ്പണത്തിന് തടയിടാന്‍ പുതിയ തന്ത്രം ; കൂടിയ പണമിടപാടുകള്‍ക്ക് ഇനി ആധാര്‍ വെരിഫിക്കേഷന്‍

നിലവില്‍ നിക്ഷേപകര്‍ വ്യാജ പാന്‍കാര്‍ഡുകള്‍ ഹാജരാക്കുന്നതിനാല്‍ ഇവരുടെ ഇടപാടുകള്‍ വേണ്ടവിധത്തില്‍ നിരീക്ഷിക്കാന്‍ സാധിക്കുന്നില്ല. എന്നാല്‍ ആധാര്‍ നിര്‍ബന്ധമാക്കുന്നതോടെ ഇത്തരം തട്ടിപ്പുകള്‍ക്ക് ഒരുപരിധി വരെ തടയിടാന്‍ സാധിക്കുമെന്നാണ് കരുതുന്നത്. പണത്തിന്റെ വിനിമയം പരിധിയില്‍ക്കൂടുന്നത് രാജ്യത്തെ സാമ്പത്തികവ്യവസ്ഥയില്‍ കളളപ്പണത്തിന്റെ സാന്നിധ്യമാണെന്നാണ് വിലയിരുത്തപ്പെടുന്നത്. അതിനാല്‍ വില കൂടിയ ഉത്പന്നങ്ങളുടെ വിപണനം, വലിയ തോതിലുളള സ്വത്ത് കൈമാറ്റങ്ങള്‍ എന്നിവയുമായി ബന്ധപ്പെട്ട വിവരങ്ങളുടെ ഡാറ്റ ശേഖരണവും സര്‍ക്കാര്‍ ഇതിനകം ആരംഭിച്ചുകഴിഞ്ഞു. കളളപ്പണം തടയുന്നതിനായി ആധാര്‍, പാന്‍ സേവനങ്ങളില്‍ വന്‍തോതില്‍ മാറ്റങ്ങള്‍ വരുത്താനുളള തീരുമാനം ധനമന്ത്രി നിര്‍മ്മല സീതാരാമന്‍ കേന്ദ്രബജറ്റില്‍ പ്രഖ്യാപിച്ചിരുന്നു. ഇതിന്റെ തുടക്കമായാണ് കേന്ദ്രസര്‍ക്കാരിന്റെ പുതിയ പരിഷ്‌ക്കാരമെന്നാണ് വിലയിരുത്തല്‍.

Read more about: aadhaar ആധാര്‍
English summary

കൂടിയ പണമിടപാടുകള്‍ക്ക് ഇനി ആധാര്‍ വെരിഫിക്കേഷന്‍

Large cash deposits may soon need aadhaar authentication. The move is to avoid sourse of generation of black money
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X