ജിയോയുടെ ലക്ഷ്യം

ഉപഭോക്താക്കളുടെ ഡിജിറ്റൽ റീചാർജുകൾ സുഗമമാക്കുകയാണ് ജിയോയുടെ പ്രധാന ലക്ഷ്യം. നമ്പർ റീചാർജ് ചെയ്യുന്നതിനുള്ള എല്ലാ ഘട്ടങ്ങളിലും ജിയോ സാർതി നിങ്ങളെ സഹായിക്കും. അതായത് ഒരു പ്ലാൻ തിരഞ്ഞെടുക്കുന്നത് മുതൽ പേയ്‌മെന്റ് നടത്തുന്നതു വരെ. ജിയോ പ്ലാനുകൾ കൃത്യമായി തിരഞ്ഞെടുക്കുന്നതിനും സംശയങ്ങൾ കൂടാതെ റീചാർജ് ചെയ്യുന്നതിനും ജിയോ സാർതി ഉപഭോക്താക്കൾക്ക് സഹായകമാകും.

നേട്ടങ്ങൾ

ജിയോ സാർതിയുടെ സേവനം പ്രാദേശിക ഭാഷകളിലും ലഭ്യമാണ്. ഇംഗ്ലീഷിലും 12 ഇന്ത്യൻ പ്രാദേശിക ഭാഷകളിലും ജിയോ സാർതിയിൽ സേവനം ലഭ്യമായിരിക്കും. കൂടാതെ ഉപഭോക്താക്കൾക്ക് ശബ്ദ സഹായവും നൽകും. കാർഡ് നമ്പർ എങ്ങനെ കണ്ടെത്താം, എവിടെ നൽകണം തുടങ്ങിയ പേയ്‌മെന്റ് നടപടികളും സാർതി എളുപ്പമാക്കി മാറ്റുന്നു. ഇതുവരെ ഓൺലൈൻ റീചാർജ് ചെയ്യാത്ത ജിയോ ഉപയോക്താക്കൾക്കും ഈ പുതിയ സേവനം വളരെ എളുപ്പത്തിൽ മനസ്സിലാക്കാവുന്നതാണ്. 

ഉപഭോക്താക്കളുടെ എണ്ണം

ഡിജിറ്റൽ റീചാർജ് പ്രക്രിയയെക്കുറിച്ച് ഇതുവരെ അറിയാത്ത ഉപഭോക്താക്കൾക്കിടയിൽ പോലും ഡിജിറ്റൽ റീചാർജുകൾ കൂടുതൽ സ്വീകാര്യമാക്കാൻ പുതിയ പദ്ധതി സഹായകമാകുമെന്ന് അധികൃതർ വ്യക്തമാക്കി. ജിയോ താരിഫ് വർദ്ധിപ്പിക്കലിന് അല്ല, കൂടുതൽ ഉപഭോക്താക്കളെ നേടുന്നതിലാണ് ഇനി കൂടുതൽ ശ്രദ്ധ കേന്ദ്രീകരിക്കുക എന്ന് ജിയോയയുടെ തന്നെ ഒരു ഉന്നത ഉദ്യോ​ഗസ്ഥൻ കഴിഞ്ഞ ദിവസം വ്യക്തമാക്കിയിരുന്നു.

എതിരാളികൾക്ക് സമ്മർദ്ദം

റിലയൻസ് ജിയോയുടെ കടന്നു വരവോടെ വരുമാനവും ലാഭവും കുത്തനെ ഇടിഞ്ഞ എതിരാളികളായ ഭാരതി എയർടെൽ, വോഡഫോൺ ഐഡിയ എന്നീ കമ്പനികളെ കൂടുതൽ സമ്മർദ്ദത്തിലാക്കുകയാണ് ജിയോയുടെ പുതിയ പദ്ധതികളുടെ ലക്ഷ്യം. ജിയോയുടെ കടന്നു വരവ് തന്നെ ഇന്ത്യൻ ടെലികോം മേഖലയിൽ ഒരു വിപ്ലവമായിരുന്നു. വോഡഫോൺ ഐഡിയയ്ക്ക് പിന്നിൽ ഇന്ത്യയിലെ രണ്ടാമത്തെ വലിയ ടെലികോം ഓപ്പറേറ്ററെന്ന നേട്ടം ജിയോ അടുത്തിടെ കൈവരിച്ചു. ഭാരതി എയർടെല്ലിനെ പിന്നിലാക്കിയാണ് ജിയോ രണ്ടാം സ്ഥാനം സ്വന്തമാക്കിയത്.