ബെംഗളൂരു: ലോകത്തിലെ ഏറ്റവും വലിയ ഇ-കൊമേഴ്സ് ഭീമനായ ആമസോണ്‍ ഇന്ത്യയില്‍ പുതിയൊരുരു പദ്ധതി തയ്യാറാക്കുന്നു. രാജ്യത്ത് ഓണ്‍ലൈന്‍ ഭക്ഷണ വിതരണ രംഗത്തേക്കും ചുവടുവെക്കാനാണ് ഇ-കെെോെമഴ്സ് ഭീമനായ ആമസോണ്‍ ലക്ഷ്യമിടുന്നത്. ആമസോണിന്റെ ഈ വരവോടെ സൊമാട്ടോ, ഊബര്‍ ഈറ്റ്സ്, സ്വിഗ്ഗി എന്നീ കമ്പനികള്‍ക്ക് കടുത്ത വെല്ലുവിളിയാണ് ഉയര്‍ത്തുക.

അതേസമയം ഓണ്‍ലൈന്‍ ഫുഡ് വിതരണം ഇന്ത്യയില്‍ ആരംഭിക്കുന്നതുമായി ബന്ധപ്പെട്ട് കമ്പനി വൃത്തങ്ങള്‍ ഔദ്യോഗിക പ്രഖ്യാപനങ്ങളൊന്നും ഇതുവരെ നടത്തിയിട്ടില്ലെന്നാണ് വിവരം. ആമസോണ്‍ ഡോട്ട് കോം ഈ വര്‍ഷം ഇന്ത്യയില്‍ വളര്‍ന്നുവരുന്ന ഓണ്‍ലൈന്‍ ഭക്ഷ്യ വിതരണ ബിസിനസ്സിലേക്ക് കടക്കാന്‍ ഒരുങ്ങുകയാണ് എന്നാണ് പുറത്ത് വരുന്ന റിപ്പോര്‍ട്ടുകള്‍. വര്‍ദ്ധിച്ചുവരുന്ന തിരക്കേറിയ വിപണിയില്‍ മത്സരം ഉയര്‍ത്താന്‍ ഇത് സഹായിക്കുന്നു

ഈ വര്‍ഷം സെപ്റ്റംബറില്‍ കമ്പനി ഓണ്‍ലൈന്‍ ഫുഡ് സര്‍വീസ് തുടങ്ങിയേക്കുമെന്നാണ് റിപ്പോര്‍ട്ട്. ഇതുമായി ബന്ധപ്പെട്ട് ആമസോണ്‍ നിക്ഷേപകരുമായി ചര്‍ച്ചകള്‍ നടത്തിയിട്ടുണ്ടെന്നാണ് വിവരം. ഇന്ത്യയില്‍ ഓണ്‍ലൈന്‍ ഫുഡ് സര്‍വീസ് മേഖലയ്ക്ക് വന്‍ സാധ്യതകള്‍ നിലനില്‍ക്കയാണ് ആമസോണ്‍ പുതിയൊരു ബിസിനസ് സംരംഭത്തിന് തുടക്കമിടുന്നത്. സെപ്റ്റംബറില്‍ ആരംഭിക്കുന്ന ഇന്ത്യയിലെ ഒരു മാസം നീണ്ടുനില്‍ക്കുന്ന ഉത്സവ സീസണിന് മുന്നോടിയായി റെസ്റ്റോറന്റുകളില്‍ നിന്ന് പുതിയ സേവനം എത്തിക്കാനാണ് ആമസോണ്‍ ലക്ഷ്യമിടുന്നത്.

2018 മാത്രം ഓണ്‍ലൈന്‍ വഴി ഫുഡ് ഓര്‍ഡര്‍ ചെയ്യുന്നവരില്‍ 176 ശതമാനം വര്‍ധനവ് രേഖപ്പെടുത്തിയിട്ടുണ്ടെന്നാണ് റെഡ്സീര്‍ കണ്‍സള്‍ട്ടിങ് അഭിപ്രായപ്പെടുന്നത്. സ്വിഗ്ഗിയും, സൊമാട്ടോയും ഭക്ഷണ വിതരണത്തില്‍ രജ്യത്ത് വന്‍ ആധിപത്യമാണ് തുടരുന്നത്. ഒണ്‍ലൈന്‍ ഫുഡ് വിതരണ രംഗത്ത് വന്‍ നേട്ടമുണ്ടാക്കുക എന്ന ലക്ഷ്യത്തോടെയാണ് പ്രമുഖ ഇ-കൊമേഴ്സ് കമ്പനിയായ ആമസോണ്‍ പുതിയൊരു തുടക്കത്തിന് തയ്യാറായിട്ടുള്ളത്.

രാജ്യത്തെ പ്രമുഖ ഓണ്‍ലൈന്‍ ഭക്ഷണ വിതരണ കമ്പനിയായ ഊബറിനെ ആമസോണ്‍ ഏറ്റെടുത്തേക്കുമെന്നും റിപ്പോര്‍ട്ടുണ്ട്. ഇതുമായി ബന്ധപ്പെട്ട് ചര്‍ച്ചകള്‍ ആരംഭിച്ചിട്ടുണ്ടെന്നും പ്രമുഖ ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.കടുത്ത മത്സരത്തിനിടയിലാണ് ആമസോണ്‍ കഴിഞ്ഞ മാസം അമേരിക്കയിലെ ഭക്ഷ്യ വിതരണ പ്രവര്‍ത്തനങ്ങള്‍ അവസാനിപ്പിച്ചത്.ഇന്ത്യയില്‍, റെസ്റ്റോറന്റുകളില്‍ നിന്നും ടേക്ക്അവേ ഫുഡ് ഔട്ട്ലെറ്റുകളില്‍ നിന്നുമുള്ള ഡെലിവറിയിലേക്കുള്ള കമ്പനിയുടെ നീക്കം ആമസോണിനെ മറ്റ് സേവനങ്ങള്‍ക്കായി ഉപഭോക്താക്കളെ ആകര്‍ഷിക്കാന്‍ സഹായിക്കും