ന്യൂഡല്ഹി: ജൂലൈ മാസത്തില് ചരക്ക് സേവനനികുതി (ജിഎസ്ടി) യില് നിന്നുള്ള വരുമാനം വീണ്ടും ഒരു ലക്ഷം കോടി കവിഞ്ഞു. കഴിഞ്ഞ മാസത്തേക്കാള് കൂടുതലാണിത്. കഴിഞ്ഞ വര്ഷം ഇതേ മാസത്തില് ശേഖരിച്ച 96,483 കോടി രൂപയേക്കാള് 5.8 ശതമാനം കൂടുതലാണ്. ഈ സാമ്പത്തിക വര്ഷം ആദ്യമായി ജൂണില് ചരക്ക് സേവനനികുതി (ജിഎസ്ടി) യില് നിന്നുള്ള വരുമാനം ഒരു ലക്ഷം കോടിയില് താഴെയായിരുന്നു. 99,939 കോടി രൂപ മാത്രമാണ് കഴിഞ്ഞ മാസം കിട്ടിയത്.
ഈ വര്ഷം ജൂലൈയില് കേന്ദ്ര ജിഎസ്ടി കളക്ഷന് 17,912 കോടി രൂപയാണ് ലഭിച്ചത്. സംസ്ഥാന ജിഎസ്ടി 25,008 കോടി രൂപയും സംയോജിത ജിഎസ്ടി 50,612 കോടി രൂപയുമാണ് (ഇറക്കുമതിയില് നിന്ന് ശേഖരിച്ച 24,246 കോടി രൂപ ഉള്പ്പെടെ) ലഭിച്ചത്. സെസ് പിരിവ് 8,551 കോടി രൂപയാണ് (ഇറക്കുമതിയില് നിന്ന് ശേഖരിച്ച 797 കോടി രൂപ ഉള്പ്പെടെ).ജൂണ് മാസത്തില് ജൂലൈ അവസാനം വരെ സമര്പ്പിച്ച ജിഎസ്ടിആര് 3 ബി റിട്ടേണുകളുടെ എണ്ണം ആകെ 75.79 ലക്ഷം രൂപയാണ്.2019 ഏപ്രില് മുതല് മെയ് വരെയുള്ള ജിഎസ്ടി നഷ്ടപരിഹാരമായി 17,789 കോടി രൂപ സംസ്ഥാനങ്ങള്ക്ക് വിട്ടുകൊടുത്തതായി സര്ക്കാര് അറിയിച്ചു.
പാന് കാര്ഡിലെ തെറ്റ് തിരുത്തേണ്ടത് എങ്ങനെ? ചെയ്യേണ്ടത് ഇത്രമാത്രം
ഏപ്രില് മുതല് ജൂലൈ വരെയുള്ള മൊത്തം ജിഎസ്ടി കളക്ഷന് 4,16,176 കോടി രൂപയാണ്. കഴിഞ്ഞ സാമ്പത്തിക വര്ഷം ഇതേ കാലയളവില് ഇത് 3,89,568 കോടി രൂപയായിരുന്നു.രണ്ട് വര്ഷം മുമ്പ് അവതരിപ്പിച്ച ജിഎസ്ടി മിക്ക പരോക്ഷനികുതികളും സ്വീകരിച്ചിരുന്നു. ഗവണ്മെന്റിന്റെ ഇന്റേണല് ഓഡിറ്റര് കണ്ട്രോളര് ജനറല് ഓഫ് അക്കൗണ്ട്സ് (സിജിഎ) ബുധനാഴ്ച കേന്ദ്ര സര്ക്കാരിന്റെ മൊത്ത നികുതി വരുമാനം ജൂണ് പാദത്തില് 2.7 ശതമാനം കുറഞ്ഞ് 1.86 ട്രില്യണ് ഡോളറിലെത്തി.