ഇന്ന് ആരംഭിക്കും

സ്വാതന്ത്ര്യദിന സെയിൽ ഇന്ന് ആരംഭിക്കും. ഓഗസ്റ്റ് 9 ന് ഈ ഓഫർ അവസാനിക്കും. ഓഗസ്റ്റ് 3 നും സെപ്റ്റംബർ 30 നും ഇടയിലുള്ള യാത്രാ കാലയളവിലുള്ള ടിക്കറ്റുകളാണ് ഈ നിരക്കിൽ ലഭിക്കുക. 53 സ്ഥലങ്ങളിലേക്ക് പ്രതിദിനം 110 ഫ്ലൈറ്റുകളാണ് അലയൻസ് എയർ സർവീസ് നടത്തുന്നത്.

സർവ്വീസുകൾ

സർക്കാരിന്റെ പ്രാദേശിക കണക്റ്റിവിറ്റി പദ്ധതിയായ ഉഡാൻ പദ്ധതി പ്രകാരം കുറഞ്ഞ നിരക്കിലും അലിയൻസ് എയറിൽ ടിക്കറ്റുകൾ ലഭിക്കും. കുളു, കൊച്ചി, മൈസൂരൂ, ഡിയു, അരുണാചൽ പ്രദേശിലെ പാസിഗട്ട്, സിംല, കോഹ്‌ലാപൂർ, പന്ത്നഗർ, ബതിന്ദ, ലുധിയാന, ഗ്വാളിയോർ, ബിക്കാനീർ എന്നിവിടങ്ങളിലേയ്ക്കും ഓഫർ നിരക്കിൽ ടിക്കറ്റുകൾ ലഭിക്കും.

പുതിയ സർവ്വീസ്

എയർ ഇന്ത്യയുടെ ലഖ്‌നൗ - ജിദ്ദ വിമാന സർവ്വീസും ഉടൻ ആരംഭിക്കുമെന്ന് കമ്പനി അറിയിച്ചു. നിലവിൽ യുപിയിൽ നിന്ന് ഡൽഹി വഴി ജിദ്ദയിലേക്ക് ദിവസേന ഫ്ലൈറ്റ് സർവീസ് നടത്തുന്നുണ്ട്. നേരിട്ടുള്ള ഫ്ലൈറ്റ് ആരംഭിക്കുന്നതോടെ ലഖ്‌നൗവിൽ നിന്നുള്ള യാത്രാ സമയം 3 മണിക്കൂർ കുറയും. കൊൽക്കത്തയിൽ നിന്ന് ദുബായിലേക്ക് നിർത്താതെയുള്ള ഫ്ലൈറ്റ് സർവീസും അടുത്തിടെ കമ്പനി ആരംഭിച്ചു.

ടിക്കറ്റ് റദ്ദാക്കിയാൽ

ശ്രീനഗറില്‍ നിന്നും, ശ്രീനഗറിലേക്കുമുള്ള വിമാന ടിക്കറ്റ് റദ്ദാക്കുന്നവര്‍ക്ക് മുഴുവന്‍ തുകയും തിരിച്ചുനല്‍കാനുള്ള പുതിയ തീരുമാനവും കമ്പനി എടുത്തിട്ടുണ്ട്. ആഗസ്റ്റ് 15 വരെയുള്ള ടിക്കറ്റ് റദ്ദ് ചെയ്യുന്നവര്‍ക്കാണ് മുഴുവന്‍ തുകയും തിരകെ ലഭിക്കുക. കശ്മീരില്‍ നിലവിലുള്ള സംഘര്‍ഷ സാധ്യതകള്‍ കണക്കിലെടുത്താണ് എയര്‍ ഇന്ത്യയുടെ പുതിയ തീരുമാനം.