പൊന്നിന് പൊള്ളും വില; സാധാരണക്കാരുടെ സ്വർണം വാങ്ങൽ ഇനി സ്വപ്നങ്ങളിൽ മാത്രം

സംസ്ഥാനത്ത് സ്വർണ വില ഇന്ന് സർവ്വകാല റെക്കോർഡിൽ. പവന് 26600 രൂപയും ഗ്രാമിന് 3325 രൂപയുമാണ് ഇന്നത്തെ വില. ആഗോള വിപണിയിൽ ട്രോയ് ഔൺസ് സ്വർണ്ണത്തിന് 1452 ഡോളറാണ് ഇന്നത്തെ നിരക്ക്. കഴിഞ്ഞ ഒരു വർഷത്തിനിടെ 20 ശതമാനത്തിന്റെ വർധനയാണ് സ്വർണ്ണവിലയിൽ ഉണ്ടായിരിക്കുന്നത്.

കേരളത്തിൽ വില വീണ്ടും ഉയരും

കേരളത്തിൽ അടുത്ത രണ്ടാഴ്ചയ്ക്കുള്ളിൽ സ്വർണ വില വീണ്ടും കൂടാൻ സാധ്യതയുണ്ടെന്ന് വ്യാപാരികൾ പറയുന്നു. ഓണം, വിവാഹ സീസണുകൾ അടുത്തതിനാലാണ് വില വീണ്ടും കൂടാൻ സാധ്യതയെന്നും വ്യാപാരികൾ പറയുന്നു. കേന്ദ്ര ബജറ്റിൽ സ്വർണത്തിന്റെ ഇറക്കുമതി തീരുവ വർദ്ധിപ്പിച്ചതും വില ഉയരാൻ കാരണമാണ്. നേരത്തെ 10 ശതമാനമായിരുന്ന ഇറക്കുമതി തീരുവ ഇപ്പോൾ 12.5 ശതമാനമായാണ് ഉയർത്തിയിരിക്കുന്നത്.

റെക്കോർഡ് വില

എം‌സി‌എക്‌സിൽ ഓഗസ്റ്റ് സ്വർണ്ണ കരാറുകൾ 1.73 ശതമാനം ഉയർന്ന് 36,192 രൂപയിലെത്തി. ഒക്ടോബർ കരാറുകൾ 1.75 ശതമാനം ഉയർന്ന് 36,904 രൂപയിലുമെത്തി. രണ്ട് കരാറുകളും ഏറ്റവും പുതിയ ഉയരത്തിലാണ് ഇന്ന് എത്തിയിരിക്കുന്നത്. ആഗോള വിപണിയിൽ സ്വർണ വില ഔൺസിന് 1,450 ഡോളറിനേക്കാൾ ഉയർന്ന നിരക്കിലാണ്.

അഞ്ച് ലക്ഷം നിക്ഷേപിച്ച് 10 ലക്ഷം നേടാം!! സുരക്ഷിതമായി കാശിറക്കാം ഈ നാല് ഇടങ്ങളിൽ അഞ്ച് ലക്ഷം നിക്ഷേപിച്ച് 10 ലക്ഷം നേടാം!! സുരക്ഷിതമായി കാശിറക്കാം ഈ നാല് ഇടങ്ങളിൽ

ആഗോള വിപണി

ആഗോള വിപണിയിൽ സ്വർണ വില 0.65 ശതമാനം ഉയർന്ന് 1,450.41 ഡോളറിലാണ് എത്തിയിരിക്കുന്നത്. ലോകത്തെ ഏറ്റവും വലിയ രണ്ട് സമ്പദ്‌വ്യവസ്ഥകളായ അമേരിക്കയും ചൈനയും തമ്മിലുള്ള വ്യാപാരയുദ്ധം മുറുകുന്നതാണ് ആഗോള വിപണിയിൽ വില കുത്തനെ ഉയരാൻ കാരണം. ചൈനീസ് ഇറക്കുമതിയിൽ 300 ബില്യൺ ഡോളറിന് 10 ശതമാനം ഇറക്കുമതി തീരുവ ഏർപ്പെടുത്തുമെന്ന് യുഎസ് പ്രസിഡന്റ് ഡൊണാൾഡ് ട്രംപ് കഴിഞ്ഞ ആഴ്ച പ്രഖ്യാപിച്ചതിനെത്തുടർന്നാണ് സ്വർണ വിലയിൽ വർധനവുണ്ടായത്.

സ്വർണത്തിൽ നിങ്ങൾക്ക് ധൈര്യമായി നിക്ഷേപിക്കാം; നഷ്ടം ഉണ്ടാകില്ലെന്ന് ഉറപ്പ്, കാരണങ്ങൾ ഇവയാണ് സ്വർണത്തിൽ നിങ്ങൾക്ക് ധൈര്യമായി നിക്ഷേപിക്കാം; നഷ്ടം ഉണ്ടാകില്ലെന്ന് ഉറപ്പ്, കാരണങ്ങൾ ഇവയാണ്

വില കൂടാൻ കാരണം?

അമേരിക്കയും ചൈനയും തമ്മിലുള്ള വ്യാപാരയുദ്ധം മുറുകുന്നതും രൂപയുടെ മൂല്യത്തകർച്ചയും ഇന്ത്യൻ വിപണിയിൽ സ്വർണ്ണവില ഉയരാൻ ഇടയാക്കിയിട്ടുണ്ട്. വേൾഡ് ഗോൾഡ് കൗൺസിൽ പുറത്തുവിട്ട കണക്കുകൾ പ്രകാരം കഴിഞ്ഞ 3 മാസത്തിനിടെ 213 ടൺ സ്വർണ്ണം ഇറക്കുമതി ചെയ്തിട്ടുണ്ട്. ഇറക്കുമതിയിൽ കഴിഞ്ഞ വർഷത്തേക്കാൾ 13 ശതമാനം വർധന രേഖപ്പെടുത്തിയിട്ടുണ്ട്.

സ്വർണത്തിൽ കാശിറക്കുന്നത് നഷ്ട്ടക്കച്ചവടമല്ല; കിട്ടാനിരിക്കുന്ന നേട്ടങ്ങൾ ഇവയാണ് സ്വർണത്തിൽ കാശിറക്കുന്നത് നഷ്ട്ടക്കച്ചവടമല്ല; കിട്ടാനിരിക്കുന്ന നേട്ടങ്ങൾ ഇവയാണ്

വെള്ളി വില

വെള്ളി വിലയും ഈ വർഷം കുത്തനെ ഉയർന്നു. കുറഞ്ഞ പലിശനിരക്കാണ് സ്വർണ്ണം, വെള്ളി എന്നിവയെ കൂടുതൽ ആകർഷകമാക്കുന്നത്. ഓഹരികളിലും മറ്റും ഇടിവ് തുടരുമെന്നതിന്റെ സൂചനകളാണ് സ്വർണ്ണ വില നിലവിലെ വർദ്ധനവ്. കോമെക്സ് എക്സ്ചേഞ്ചിൽ സ്വർണത്തിനും വെള്ളിയ്ക്കും 2017ന് ശേഷമുള്ള ഏറ്റവും ഉയർന്ന വിലയാണ് ഇപ്പോഴുള്ളത്.

വിൽപ്പനയിൽ വർദ്ധനവ്

കഴിഞ്ഞ മാസം മുതൽ സ്വർണാഭരണങ്ങൾ വിൽക്കുന്നവരുടെ എണ്ണത്തിൽ 10 മുതൽ 15 ശതമാനം വരെ വാർഷിക വർദ്ധനവുണ്ടായിട്ടുണ്ടെന്നും റിപ്പോർട്ടുണ്ട്. സ്വർണ വില കുതിച്ചുയർന്നതോടെ കൈയിലുള്ള ആഭരണങ്ങളെ കാശാക്കി മാറ്റുന്നവരാണ് അധികവും. ലോകത്തിലെ ഏറ്റവും കൂടുതൽ സ്വർണം ഉപയോഗിക്കുന്ന രാജ്യങ്ങളിലൊന്നാണ് ഇന്ത്യ. ആഭരണങ്ങൾ ഉൾപ്പെടെ നിരവധി ഉപയോഗങ്ങളാണ് ഇന്ത്യയിൽ സ്വർണത്തിനുള്ളത്.

malayalam.goodreturns.in