നേട്ടമുണ്ടാക്കിയ കമ്പനികൾ

ഇന്ത്യയിലെ ഏറ്റവും മൂല്യമുള്ള കമ്പനികളിൽ രണ്ട് എണ്ണം മാത്രമാണ് കഴിഞ്ഞ ആഴ്ച്ച നേട്ടം രേഖപ്പെടുത്തിയത്. ടാറ്റാ കൺസൾട്ടൻസി സർവീസസും (ടിസിഎസ്) എച്ച്‌യു‌എലും മാത്രമാണ് വെള്ളിയാഴ്ച അവസാനിച്ച ആഴ്ചയിലെ മാർക്കറ്റ് ക്യാപിറ്റലൈസേഷനിൽ (എം-ക്യാപ്) നേട്ടം കൈവരിച്ചത്. ടിസിഎസിന്റെ വിപണി മൂല്യം 36,491.94 കോടി രൂപ ഉയർന്ന് 8,27,794.83 കോടി രൂപയായി. ഹിന്ദുസ്ഥാൻ യൂണിലിവർ ലിമിറ്റഡിന്റെ (എച്ച്യുഎൽ) മൂല്യം 1,493.71 കോടി ഉയർന്ന് 3,76,145 കോടി രൂപയായും ഉയർന്നു.

നഷ്ട്ടം ഈ കമ്പനികൾക്ക്

താഴെ പറയുന്ന കമ്പനികൾക്കാണ് കഴിഞ്ഞ ആഴ്ച്ച ഏറ്റവും കൂടുതൽ നഷ്ടം നേരിട്ടത്.
റിലയൻസ് ഇൻഡസ്ട്രീസ് ലിമിറ്റഡ് (ആർ‌ഐ‌എൽ)

• എച്ച്ഡി‌എഫ്സി ബാങ്ക്
• എച്ച്ഡി‌എഫ്സി
• ഇൻ‌ഫോസിസ്
• ഐ‌ടി‌സി
• കൊട്ടക് മഹീന്ദ്ര ബാങ്ക്
• എസ്‌ബി‌ഐ
• ഐ‌സി‌ഐ‌സി‌ഐ ബാങ്ക്



എസ്ബിഐയ്ക്ക് കനത്ത ഇടിവ്

എസ്‌ബി‌ഐയുടെ മൂല്യം 30,388.3 കോടി രൂപ ഇടിഞ്ഞ് 2,75,279.64 കോടി രൂപയായാണ് കുറഞ്ഞത്. റിലയൻസ് ഇൻഡസ്ട്രീസിന്റെ എം ക്യാപ് 18,952.5 കോടി രൂപ ഇടിഞ്ഞ് 7,50,674.86 കോടി രൂപയായി. എച്ച്ഡി‌എഫ്‌സിയുടെ വിപണി മൂല്യം 7,660.34 കോടി രൂപ കുറഞ്ഞ് 3,66,471.19 കോടി വരെയെത്തി. ഐടിസിയുടെ മൂല്യം 6,995.81 കോടി രൂപ കുറഞ്ഞ് 3,24,753.23 കോടി രൂപയായി കുറഞ്ഞു.



ഇൻഫോസിസിന്റെ നഷ്ട്ടം

ഇൻഫോസിസ് വിപണി മൂല്യം 5,111.1 കോടി രൂപ കുറഞ്ഞ് 3,33,037.59 കോടി രൂപയിലെത്തി. ഐ.സി.ഐ.സി.ഐ ബാങ്കിന് 3,003.03 കോടി രൂപയുടെ നഷ്ട്ടമാണ് ഉണ്ടായിരിക്കുന്നത്. ഇതോടെ ബാങ്കിന്റെ മൂല്യം 2,65,122.36 കോടി ആയി കുറഞ്ഞു. കൊട്ടക് മഹീന്ദ്ര ബാങ്കിന്റെ മൂല്യം 649.22 കോടി കുറഞ്ഞ് 2,87,873.18 കോടി രൂപയായി.