എച്ച്‍ഡിഎഫ്‍സി ബാങ്കിൽ അക്കൗണ്ടുള്ളവരുടെ ശ്രദ്ധയ്ക്ക്; രണ്ടാഴ്ച്ചയ്ക്കുള്ളിൽ പലിശ കുറച്ചത് രണ്ട് തവണ

കാലാവധികൾ

താഴെ പറയുന്ന കാലാവധികളിലാണ് പുതുക്കിയ പലിശ നിരക്ക് ബാധകമാകുന്നത്.

• ഒരു വർഷം
• ഒരു വർഷവും ഒരു ദിവസവും മുതൽ ഒരു വർഷവും മൂന്ന് ദിവസവും വരെ
• ഒരു വർഷവും നാല് ദിവസവും
• ഒരു വർഷവും അഞ്ച് ദിവസവും മുതൽ ഒരു വർഷവും 15 ദിവസവും വരെ
• ഒരു വർഷം 16 ദിവസം
• ഒരു വർഷം 17 ദിവസം മുതൽ 2 വരെ



പലിശ നിരക്ക്

വിവിധ കാലയളവുകളിലായി ഏഴു ദിവസം മുതൽ 10 വർഷം വരെ കാലാവധി പൂർത്തിയാകുന്ന നിക്ഷേപങ്ങൾക്ക് പ്രതിവർഷം 3.50 ശതമാനം മുതൽ 7.30 ശതമാനം വരെ പലിശ നിരക്കാണ് ബാങ്ക് വാഗ്ദാനം ചെയ്യുന്നത്. ഏഴ് ദിവസം മുതൽ 6 മാസം വരെ കാലാവധി പൂർത്തിയാകുന്ന നിക്ഷേപങ്ങൾക്ക് 6 ശതമാനമാണ് ബാങ്ക് വാ​ഗ്ദാനം ചെയ്യുന്ന പലിശ നിരക്ക്. മുതിർന്ന പൗരന്മാർക്ക് 6.50 ശതമാനം പലിശ ലഭിക്കും. ഏഴ് ദിവസം മുതൽ ഒരു വർഷത്തിൽ താഴെയുള്ള സ്ഥിര നിക്ഷേപത്തിന് 6.75 ശതമാനവും മുതിർന്ന പൗരന്മാർക്ക് 7.25 ശതമാനവും പലിശ ലഭിക്കും.



10 ബേസിസ് പോയിന്റ് കുറച്ചു

ഒരു വർഷം മുതൽ രണ്ട് വർഷം വരെ കാലാവധിയുള്ള നിക്ഷേപങ്ങൾക്ക് എച്ച്ഡി‌എഫ്‌സി ബാങ്ക് പലിശ നിരക്ക് 10 ബേസിസ് പോയിന്റാണ് കുറച്ചിരിക്കുന്നത്. ഒരു വർഷത്തിനുള്ളിൽ കാലാവധി പൂർത്തിയാകുന്ന നിക്ഷേപത്തിന്റെ പലിശ നിരക്ക് 7 ശതമാനമായി കുറച്ചു. ഒരു വർഷം17 ദിവസം മുതൽ 2 വർഷം വരെയുള്ള നിക്ഷേപങ്ങളുടെ പലിശ നിരക്ക് 7.2 ശതമാനത്തിൽ നിന്ന് 7.1 ശതമാനമായി കുറച്ചു.



മാറ്റമില്ലാത്ത പലിശ നിരക്ക്

രണ്ട് മുതൽ മൂന്ന് വർഷത്തിനുള്ളിൽ കാലാവധി പൂർത്തിയാകുന്ന ടേം ഡിപ്പോസിറ്റുകളുടെ പലിശ നിരക്ക് 7.30 ശതമാനമായി തന്നെ തുടരും. മൂന്ന് മുതൽ അഞ്ച് വർഷത്തിനുള്ളിൽ കാലാവധി പൂർത്തിയാകുന്ന എഫ്ഡികളുടെ പലിശനിരക്ക് 7.25 ശതമാനമായും നിലനിർത്തും. ദീർഘകാല എഫ്ഡികളുടെ നിരക്കും ബാങ്ക് പരിഷ്കരിച്ചിട്ടില്ല. 5 വർഷം മുതൽ 10 വർഷം വരെ കാലാവധി പൂർത്തിയാകുന്ന ടേം ഡെപ്പോസിറ്റുകൾക്ക് 7 ശതമാനമാണ് ബാങ്ക് നൽകുന്ന പലിശ നിരക്ക്. ‌‌എച്ച്ഡി‌എഫ്‌സി ബാങ്ക് 2019 ജൂലൈ 22 ന് അവസാനമായി നിരക്കുകൾ പരിഷ്കരിച്ചപ്പോൾ ഈ നിക്ഷേപങ്ങളുടെ നിരക്ക് 50 ബേസിസ് പോയിൻറ് വർദ്ധിപ്പിച്ചിരുന്നു.



മറ്റ് ബാങ്കുകൾ

സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ), പഞ്ചാബ് നാഷണൽ ബാങ്ക് (പി‌എൻ‌ബി) എന്നിവയും യഥാക്രമം ഓഗസ്റ്റ് 1, 2 തീയതികളിൽ സ്ഥിര നിക്ഷേപങ്ങളുടെ പലിശ നിരക്ക് പരിഷ്കരിച്ചിരുന്നു. റിസർവ് ബാങ്ക് ഇന്ന് വായ്പാപലിശ നിരക്ക് കുറയ്ക്കാൻ സാധ്യതയുണ്ടെന്ന പ്രതീക്ഷകൾക്ക് മുന്നോടിയായാണ് വിവിധ ബാങ്കുകൾ പലിശ നിരക്കുകൾ കുറച്ചിരിക്കുന്നത്.