സ്വകാര്യ ബാങ്കായ ഫെഡറൽ ബാങ്ക് നിക്ഷേപ പലിശ നിരക്കുകൾ പരിഷ്കരിച്ചു. ഓഗസ്റ്റ് 6 മുതലാണ് പുതിയ നിരക്കുകൾ പ്രാബല്യത്തിൽ വന്നത്. റിസർവ് ബാങ്ക് വായ്പാ പലിശ നിരക്കുകൾ കുറച്ചതിന് മുമ്പും ശേഷവും വിവിധ ബാങ്കുകൾ എഫ്ഡി പലിശ നിരക്കുകൾ പരിഷ്കരിച്ചിരുന്നു. വിവിധ കാലയളവുകളിലുള്ള വിവിധ ബാങ്കുകളുടെ എഫ്ഡി പലിശ നിരക്കുകൾ താഴെ പറയുന്നവയാണ്.
വിവിധ കാലാവധികൾ
7 ദിവസം മുതൽ 60 ദിവസം വരെ കാലാവധിയുള്ള നിക്ഷേപങ്ങൾക്ക് ഫെഡറൽ ബാങ്ക് 5% പലിശ നിരക്കാണ് വാഗ്ദാനം ചെയ്യുന്നത്. 61 മുതൽ 180 ദിവസം വരെയുള്ള കാലാവധിയിലെ നിക്ഷേപങ്ങൾക്ക് 6 ശതമാനം പലിശ നിരക്ക് വാഗ്ദാനം ചെയ്യുന്നു. 181 ദിവസം മുതൽ ഒരു വർഷത്തിൽ താഴെ കാലാവധി പൂർത്തിയാകുന്ന ടേം ഡെപ്പോസിറ്റുകൾക്ക് 6.5% പലിശ ലഭിക്കും. ഒരു വർഷം മുതൽ 20 മാസത്തിൽ താഴെയുള്ള നിക്ഷേപങ്ങൾക്ക് ഫെഡറൽ ബാങ്ക് 7.00% പലിശനിരക്കും നൽകുന്നു. 20 മാസത്തിൽ കൂടുതൽ കാലാവധി പൂർത്തിയാകുന്ന നിക്ഷേപങ്ങൾക്കും 7.00% പലിശ നിരക്ക് ലഭിക്കും.
ബാങ്ക് ഓഫ് ഇന്ത്യ
ബാങ്ക് ഓഫ് ഇന്ത്യയുടെ സ്ഥിര നിക്ഷേപത്തിന്റെ (എഫ്ഡി) പലിശ നിരക്ക് 2019 ഓഗസ്റ്റ് 1 മുതൽ പരിഷ്കരിച്ചിട്ടുണ്ട്. ഏഴ് ദിവസം മുതൽ പത്ത് വർഷം വരെയുള്ള എഫ്ഡി പലിശ നിരക്കുകളാണ് വ്യത്യാസപ്പെടുത്തിയിരിക്കുന്നത്. 7 ദിവസം മുതൽ 45 ദിവസം വരെ നീളുന്ന നിക്ഷേപങ്ങൾക്ക്, ബാങ്ക് പ്രതിവർഷം 5% പലിശ നിരക്കാണ് വാഗ്ദാനം ചെയ്യുന്നത്. 46 ദിവസം മുതൽ ഒരു വർഷത്തിൽ താഴെയുള്ള നിക്ഷേപങ്ങൾക്ക് 6% പലിശ നിരക്കും വാഗ്ദാനം ചെയ്യുന്നു.
ഒരു വർഷത്തിന് മുകളിൽ
ഒന്ന് മുതൽ അഞ്ച് വർഷത്തിൽ താഴെയുള്ള നിക്ഷേപങ്ങൾക്കും അഞ്ച് വർഷം മുതൽ 8 വർഷത്തിൽ താഴെയുമുള്ള എഫ്ഡികൾക്കും ബാങ്ക് ഓഫ് ഇന്ത്യ 6.50% പലിശ നിരക്ക് വാഗ്ദാനം ചെയ്യുന്നു. ടേം ഡെപ്പോസിറ്റുകൾക്ക് 8 വർഷവും 10 വർഷത്തിന് മുകളിലുമുള്ള നിക്ഷേപങ്ങൾക്ക് 6.35% ആണ് പലിശ നിരക്ക്.
സർക്കാർ വകുപ്പുകളിലേയ്ക്ക് പണമയയ്ക്കാൻ ഇനി ഫെഡറൽ ബാങ്ക് ഗേറ്റ്വേ
മറ്റ് ബാങ്കുകൾ
ഓഗസ്റ്റ് 1 മുതൽ സ്റ്റേറ്റ് ബാങ്ക് ഓഫ് ഇന്ത്യയും (എസ്ബിഐ) സ്ഥിര നിക്ഷേപ (എഫ്ഡി) നിരക്കുകൾ കുത്തനെ കുറച്ചു. എച്ച്ഡിഎഫ്സി ബാങ്ക്, പിഎൻബി എന്നിവയുൾപ്പെടെ പല ബാങ്കുകളും തിരഞ്ഞെടുത്ത കാലാവധികളിലെ നിക്ഷേപ പലിശ നിരക്കുകൾ കുറച്ചിരുന്നു. ഈ വർഷം നാലാം തവണയും റിസർവ് ബാങ്ക് പലിശനിരക്ക് കുറച്ചതിനുശേഷം മണിക്കൂറുകൾക്കുള്ളിൽ തന്നെ എസ്ബിഐയും വായ്പാ നിരക്ക് വെട്ടിക്കുറച്ചു.
നിങ്ങൾക്ക് ഫെഡറൽ ബാങ്ക് അക്കൗണ്ടുണ്ടോ?? ആധാർ ബന്ധിപ്പിക്കുന്നതെങ്ങനെ?
റിസർവ് ബാങ്ക് വായ്പാനയം
റിസർവ് ബാങ്ക് ഓഫ് ഇന്ത്യ (ആർബിഐ) ഓഗസ്റ്റ് 7 ന് നടന്ന വായ്പാനയ പ്രഖ്യാപനത്തിൽ റിപ്പോ നിരക്ക് 35 ബേസിസ് പോയിൻറ് കുറച്ചിരുന്നു. ഇനി മുതല് ബാങ്കുകള്, റിസര്വ് ബാങ്കില് നിന്ന് കടമെടുക്കുന്ന പണത്തിന് (റിപ്പോ) 5.40 ശതമാനം പലിശ നല്കിയാല് മതി. മുമ്പ് ഇത് 5.75 ശതമാനം ആയിരുന്നു. കഴിഞ്ഞ ഒമ്പത് വര്ഷത്തെ ഏറ്റവും കുറഞ്ഞ നിരക്കാണിത്.
ബാങ്കില് കയറിയിറങ്ങാതെ ലോണെടുക്കാം; കാര്യങ്ങൾ ഇനി എന്തെളുപ്പം
malayalam.goodreturns.in