രാജ്യത്തെ ഏറ്റവും വലിയ ഡിജിറ്റല് പേയ്മെന്റ് പ്ലാറ്റ്ഫോമായ പേടിഎമ്മില് ഏത് ക്യു ആര് കോഡും വൈകാതെ സ്കാന് ചെയ്യാന് സാധിക്കും. ഡിജിറ്റല് പേയ്മെന്റിന്റെ ഉപയോഗം പ്രോത്സാഹിപ്പിക്കുന്നതിനായി ഉപയോക്താക്കള്ക്ക് 2,100 രൂപ വരെ പേടിഎം ക്യാഷ്ബാക്ക് വാഗ്ദാനം ചെയ്യുന്നു.
പണം കൊണ്ട് കളിക്കുന്നത് സൂക്ഷിച്ച് മതി; കാശ് നിങ്ങളെ മരണത്തിലേയ്ക്ക് നയിക്കുന്നത് എങ്ങനെ?
യുപിഐയുടെ ഭീം, ഗൂഗിള് പേ ആപ്ലിക്കേഷനുകളില് നിന്നും ഓഫ്ലൈന് റീട്ടെയില് സ്റ്റോറുകളില് ഇന്സ്ന്റ് പേയ്മെന്റ് നടത്തുന്നതിന് ഇത് സഹായകരമാകും. ഡിജിറ്റല് പേയ്മെന്റുകള് സ്വീകരിക്കുന്ന രാജ്യത്തെ ചെറുകിട വ്യാപാരികള്ക്കും ഈ നീക്കം ഗുണം ചെയ്യുമെന്ന് പ്രതീക്ഷിക്കുന്നു.കൂടാതെ, ബാങ്ക് അക്കൗണ്ടുകളിലേക്ക് നേരിട്ട് പണം സ്വീകരിക്കുന്നതുമായ ചെറിയ കിരാന സ്റ്റോറുകള്ക്ക് ഈ നീക്കം ഗുണം ചെയ്യുമെന്നാണ് പ്രതീക്ഷ.
'പേടിഎമ്മില്, ഞങ്ങളുടെ ഉപയോക്താക്കള്ക്ക് അവരുടെ ഇഷ്ടപ്പെട്ട പേയ്മെന്റ് രീതി തിരഞ്ഞെടുക്കുന്നത് ഏറെ ഉപകാരപ്രദമെന്ന് ഞങ്ങള് എല്ലായ്പ്പോഴും വിശ്വസിക്കുന്നു. ഇപ്പോള് ഇന്ററോപ്പറബിള് യുപിഐ ഉപയോഗിച്ച്, തല്ക്ഷണ പേയ്മെന്റുകള്ക്കായി അവരുടെ പേടിഎം ആപ്ലിക്കേഷന് വഴി ഏത് ക്യുആര് കോഡും സ്കാന് ചെയ്യാനുള്ള സൗകര്യം അവര്ക്ക് ലഭിക്കുമെന്നും''പേടിഎമ്മിലെ സീനിയര് വൈസ് പ്രസിഡന്റ് ദീപക് അബോട്ട് വ്യക്തമാക്കി.
റീട്ടെയില് സ്റ്റോറുകള്, റെസ്റ്റോറന്റുകള്, പെട്രോള് പമ്പുകള്, ഡയറി ഔട്ട്ലെറ്റുകള്, ഫാര്മസികള്, ക്ലിനിക്കുകള്, പാര്ക്കിംഗ്, ഓട്ടോ / ടാക്സി റൈഡുകള്, ആശുപത്രികള്, ഓട്ടോമൊബൈല് സേവനങ്ങള്, ബ്യൂട്ടി & ഫിറ്റ്നസ്, സര്വീസിംഗ് & ഡെലിവറി എക്സിക്യൂട്ടീവുകള് തുടങ്ങിയവര്ക്ക് ഏറെ സഹായകരമാകും. പേടിഎം ആപ്ലിക്കേഷന് വഴി ഏതെങ്കിലും ക്യുആര് കോഡ് സ്കാന് ചെയ്ത് തിരഞ്ഞെടുത്ത വ്യാപാരികളില് യുപിഐ ലിങ്കുചെയ്ത ബാങ്ക് അക്കൗണ്ട് ഓപ്ഷന് തിരഞ്ഞെടുത്ത് ഉപയോക്താക്കള് പേയ്മെന്റുകള് നടത്താം. കുറഞ്ഞ ഇടപാട് തുക 50 രൂപയായിരിക്കണം.