എയർ ഇന്ത്യയിൽ ഉപഭോക്താക്കൾക്ക് സൗജന്യമായി ഇന്റർനാഷണൽ വിമാന ടിക്കറ്റുകൾ. എയർ ഇന്ത്യയുടെ ഡ്രീംലൈൻ മത്സരത്തിൽ പങ്കെടുത്ത് വിജയിക്കുന്നവർക്കാണ് വിമാന ടിക്കറ്റുകൾ സൗജന്യമായി ലഭിക്കുക. ലളിതമായ ചില ചോദ്യങ്ങൾക്ക് ഉത്തരം നൽ‌കിയാൽ അന്തർ‌ദ്ദേശീയ റിട്ടേൺ‌ ടിക്കറ്റുകൾ‌ സൗജന്യമായി ലഭിക്കുമെന്നാണ് എയർ ഇന്ത്യ ട്വിറ്ററിലൂടെ അറിയിച്ചിരിക്കുന്നത്.

ശരിയായ ഉത്തരം നൽകുന്ന രണ്ട് പേർക്കാണ് സൗജന്യ ടിക്കറ്റ് ലഭിക്കുക. എയർ ഇന്ത്യയുടെ ഫേസ്ബുക്ക്, ഇൻസ്റ്റാഗ്രാം പേജിൽ നടക്കുന്ന മത്സരമാണ് Dream on a 787 Dreamliner. 18 വയസ്സിന് മുകളിലുള്ള ഇന്ത്യയിൽ താമസിക്കുന്ന എല്ലാവർക്കും മത്സരത്തിൽ പങ്കെടുക്കാം.

ഈ മത്സരം 2019 സെപ്റ്റംബർ 7 വരെയാണ് നടത്തുന്നത്. ഫേസ്ബുക്ക്, ട്വിറ്റർ, ഇൻസ്റ്റാഗ്രാം, പരസ്യ നെറ്റ്‌വർക്ക് തുടങ്ങിയവയിലൂടെ ഉപഭോക്താക്കൾക്ക് മത്സരത്തിൽ പങ്കെടുക്കാം. ഓൺലൈൻ ലക്കി നറുക്കെടുപ്പിലൂടെയാണ് വിജയിയെ തിരഞ്ഞെടുക്കുക. വിജയികളെ തീരുമാനിക്കുന്നത് എയർ ഇന്ത്യയുടെ വിവേചനാധികാരത്തിലായിരിക്കും. സമ്മാനങ്ങൾ ക്ലെയിം ചെയ്യുന്നതിന് വിജയികൾ പേര് പ്രഖ്യാപിച്ച് ഒരാഴ്ചയ്ക്കുള്ളിൽ സാധുവായ ഐഡന്റിറ്റി പ്രൂഫ് നൽകണം.

വിജയിയെ തിരഞ്ഞെടുക്കാനുള്ള അവകാശം എയർ ഇന്ത്യയ്ക്ക് മാത്രമാണുള്ളത്. കൂടാതെ മത്സരാർത്ഥിയുടെ മാർഗ്ഗനിർദ്ദേശങ്ങൾ പാലിക്കുന്നില്ലെങ്കിൽ മത്സരത്തിൽ നിന്ന് റദ്ദാക്കുകയും ചെയ്യും. വിജയികളെ പ്രഖ്യാപിച്ച തീയതി മുതൽ ഒരു വർഷത്തേക്ക് ടിക്കറ്റുകൾക്ക് സാധുതയുണ്ട്. ടിക്കറ്റിന്റെ ചെലവും (അടിസ്ഥാന നിരക്ക്, ഇന്ധന സർചാർജുകൾ) വിജയികൾ വഹിക്കേണ്ട മറ്റ് എല്ലാ അർഹമായ നികുതികളും എയർലൈൻസ് നൽകും. എയർ ഇന്ത്യ ബുക്കിംഗ് ഓഫീസുകളിൽ നിന്ന് മാത്രമേ ടിക്കറ്റ് നൽകൂ. എയർ ഇന്ത്യയിലെ ജീവനക്കാർ അവരുടെ ബന്ധുക്കൾ, സുഹൃത്തുക്കൾ എന്നിവർ ഈ മത്സരത്തിൽ പങ്കെടുക്കാൻ യോഗ്യരല്ല.

malayalam.goodreturns.in