Just In
Don't Miss
-
സമ്പാദിക്കുന്ന കാശ് പെട്രോളടിച്ച് കളയണോ? 516 കി.മീ. റേഞ്ചുള്ള പുത്തൻ ഇലക്ട്രിക് കാറുമായി ജർമൻ കമ്പനി -
വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം -
'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു' -
'തൃശൂരിൽ ബിജെപി 28000ത്തിലധികം കള്ളവോട്ടുകൾ ചേർത്തു, പട്ടികയിൽ സുരേഷ് ഗോപിയുടെ ജീവനക്കാരും'; ടിഎൻ പ്രതാപൻ -
T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ് -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സര്‍ക്കാര്‍ വകുപ്പുകള്‍ക്ക് പുതിയ വാഹനങ്ങള്‍ വാങ്ങാം, വാഹന വിപണിക്ക് പുത്തനുണര്‍വേകുന്ന തീരുമാനങ്ങള്‍ പ്രഖ്യാപിക്കുന്നതിനിടെ കേന്ദ്ര ധനമന്ത്രി നിര്‍മല സീതാരമാന്‍ വ്യക്തമാക്കി. നേരത്തെ പുതിയ വാഹനങ്ങള്‍ വാങ്ങുന്നതില്‍ നിന്ന് സര്‍ക്കാര്‍ വകുപ്പുകളെ കേന്ദ്രം വിലക്കിയിരുന്നു. വാഹന വിപണി പാടെ തകര്‍ന്നു നില്‍ക്കുന്ന സാഹചര്യത്തില്‍ നിര്‍മ്മാതാക്കള്‍ക്ക് ആശ്വാസമായി ഒരുപിടി തീരുമാനങ്ങള്‍ കേന്ദ്ര സര്‍ക്കാര്‍ ഇന്ന് പ്രഖ്യാപിച്ചു.
2020 മാര്‍ച്ചിന് മുന്‍പ് വാങ്ങുന്ന ഭാരത് സ്റ്റേജ് IV വാഹനങ്ങള്‍ക്ക് രജിസ്‌ട്രേഷന്‍ കാലാവധി തീരുംവരെ നിരത്തിലോടാമെന്ന് നിര്‍മല സീതാരാമന്‍ ദില്ലിയില്‍ നടന്ന വാര്‍ത്താ സമ്മേളനത്തില്‍ വ്യക്തമാക്കി. ഇതോടെ ബിഎസ് IV വാഹനങ്ങളെ ചുറ്റിപ്പറ്റിയുള്ള അനിശ്ചിതത്വം ഏറെക്കുറെ ഒഴിവായി. നേരത്തെ 2020 മാര്‍ച്ചിന് ശേഷം ബിഎസ് IV വാഹനങ്ങള്‍ പൂര്‍ണമായി വിലക്കുമെന്ന് അഭ്യൂഹമുണ്ടായിരുന്നു. വാഹന വിപണിക്ക് ഉണര്‍വേകുന്നതിന്റെ ഭാഗമായി വാഹനങ്ങളുടെ രജിസ്‌ട്രേഷന്‍ നിരക്കുകള്‍ വര്‍ധിപ്പിക്കാനുള്ള നീക്കം സര്‍ക്കാര്‍ ഉപേക്ഷിച്ചതായും ധനമന്ത്രി ഇന്നു അറിയിച്ചു.
വിലക്ക് നീങ്ങിയ സാഹചര്യത്തില്‍ ഒട്ടനവധി സര്‍ക്കാര്‍ വകുപ്പുകള്‍ വാഹനങ്ങള്‍ക്കായി നിര്‍മ്മാതാക്കളെ സമീപിക്കുമെന്നും മന്ത്രി സൂചിപ്പിച്ചു. നേരത്തെ പഴയ വാഹനങ്ങള്‍ക്ക് പകരം പുതിയ വാഹനങ്ങള്‍ വാങ്ങാന്‍ സര്‍ക്കാര്‍ വകുപ്പുകള്‍ക്ക് അനുമതിയുണ്ടായിരുന്നില്ല. എന്നാല്‍ ഇനി പഴയ വാഹനങ്ങള്‍ മാറാന്‍ സര്‍ക്കാര്‍ സജീവമായി രംഗത്തുണ്ടാവുമെന്ന് മന്ത്രി കൂട്ടിച്ചേര്‍ത്തു.
