ആമസോണിന്റെ ലക്ഷ്യം

രാജ്യത്തുടനീളമുള്ള സൈനിക കുടുംബങ്ങൾക്ക് തുടർച്ചയായ തൊഴിൽ അവസരങ്ങൾ സൃഷ്ടിക്കുകയാണ് ആമസോൺ ഇന്ത്യയുടെ ലക്ഷ്യം. ഇതിനായി ഡയറക്ടർ ജനറൽ ഓഫ് റീസെറ്റിൽമെന്റ് (ഡിജിആർ), ആർമി വെൽഫെയർ പ്ലേസ്മെന്റ് ഓർഗനൈസേഷൻ (എഡബ്ല്യുപിഒ) എന്നിവയുമായി സഹകരിച്ച് പ്രവർത്തിക്കുമെന്നും ആമസോൺ പുറത്തിറിക്കിയ പ്രസ്താവനയിൽ പറയുന്നു.

സൈനികരോട് ബഹുമാനം

രാജ്യത്തിന് വേണ്ടി സേവനമനുഷ്ഠിച്ച സൈനികരുടെ പ്രവർത്തനത്തെ ബഹുമാനിക്കുന്നുവെന്നും, ഉപഭോക്താക്കളുടെ പ്രശ്നങ്ങൾ കണ്ടെത്താനും പരിഹരിക്കാനും ഇവർക്ക് പ്രത്യേക കഴിവുണ്ടാകുമെന്ന് വിശ്വസിക്കുന്നതായും ആമസോൺ വ്യക്തമാക്കി.

ജോലി ലഭിക്കുന്ന മേഖലകൾ

• ഗതാഗതം
• കസ്റ്റമർ ഫുൾഫിൽമെന്റ്
• ഫെസിലിറ്റി മാനേജ്‌മെന്റ്
• സെക്യൂരിറ്റി ഓപ്പറേഷൻസ്

ഭാവി പദ്ധതികൾ

നിലവിൽ എക്സ് മിലിട്ടറി ഉദ്യോ​ഗസ്ഥരെയും പങ്കാളികളെയും മാത്രമാണ് തിര‍ഞ്ഞെടുക്കുന്നതെങ്കിലും ഭാവിയിൽ കരസേന, വ്യോമസേന, നാവികസേന, പോലീസ് എന്നീ മേഖലകളിൽ നിന്ന് പിരിഞ്ഞവരെയും കുടുംബങ്ങളിൽ നിന്ന് കഴിവുകളുള്ള പ്രതിഭകളെയും നിയമിക്കാനും കമ്പനി പദ്ധതിയിടുന്നതായി അധികൃതർ അറിയിച്ചു.