മറ്റ് ഓഫറുകൾ

ഈ കിഴിവ് ലഭിക്കുമ്പോൾ ഫ്ലെക്സി-ഫെയർ സ്കീം അല്ലെങ്കിൽ ശതാബ്ദി എക്സ്പ്രെസിലെ ഗ്രേഡഡ് ഡിസ്കൗണ്ട് തുടങ്ങി മറ്റ് കിഴിവുകൾ ലഭിക്കുകയില്ല. ടിക്കറ്റ് ബുക്കിം​ഗ് 50 ശതമാനത്തിൽ താഴെയുള്ള ട്രെയിനുകൾക്ക് മാത്രമേ 25 ശതമാനം ടിക്കറ്റ് കിഴിവ് പദ്ധതിക്ക് അർഹതയുള്ളൂവെന്നും റെയിൽവേ അറിയിച്ചു.

ഓഫർ നിരക്ക്

അടിസ്ഥാന ടിക്കറ്റ് നിരക്കിന്റെ 25% വരെയാണ് ഇളവുകൾ ലഭിക്കുക. എന്നാൽ റിസർവേഷൻ ഫീസ്, സൂപ്പർഫാസ്റ്റ് ചാർജ്, ജിഎസ്ടി മുതലായ മറ്റ് ചാർജുകൾ പ്രത്യേകം ബാധകമാകും. ടിക്കറ്റിന് ഇളവ് നൽകുന്നതിനൊപ്പം കാറ്ററിംഗ് സർവ്വീസ് ഓപ്ഷണൽ ആക്കുന്നതിനുള്ള വ്യവസ്ഥയും യാത്രക്കാർക്ക് ലഭിക്കും.

കിഴിവ് എത്ര കാലം?

റെയിൽ‌വേയുടെ പുതിയ 25% കിഴിവുള്ള ടിക്കറ്റ് നിരക്ക് മുഴുവൻ വർഷത്തേക്കോ വർഷത്തിന്റെ അവസാനം ഭാഗം വരെയോ ചില മാസത്തിലോ സീസണിലോ അല്ലെങ്കിൽ പ്രവൃത്തി ദിവസങ്ങളിലോ വാരാന്ത്യത്തിലോ എന്നിങ്ങനെ അതത് ട്രെയിനിന്റെ ടിക്കറ്റ് ബുക്കിം​ഗ് ശതമാനത്തിന് അനുസരിച്ച് വ്യത്യാസപ്പെടാം. ചെയർ കാർ, എക്സിക്യൂട്ടീവ് ക്ലാസ് സീറ്റിംഗ് എന്നിവയുള്ള എല്ലാ ട്രെയിനുകളിലെയും ടിക്കറ്റ് ബുക്കിം​ഗ് സെപ്റ്റംബർ 30 നകം അവലോകനം ചെയ്യാനും ഉചിതമായ നടപടി സ്വീകരിക്കാനും റെയിൽവേ എല്ലാ മേഖലാ അധികാരികളോടും നിർദ്ദേശിച്ചിച്ചുണ്ട്.

പദ്ധതിയുടെ ലക്ഷ്യം

ടിക്കറ്റ് ബുക്കിം​ഗ് വർദ്ധിപ്പിക്കുകയും റെയിൽവേയുടെ വരുമാനം മെച്ചപ്പെടുത്തുകയുമാണ് ഈ പുതിയ ഡിസ്കൗണ്ട് ടിക്കറ്റ് പദ്ധതിയുടെ ലക്ഷ്യം. ചെന്നൈ സെൻട്രൽ-മൈസുരു ശതാബ്ദി എക്സ്പ്രസ്, അഹംദാബാദ്-മുംബൈ സെന്റർ ശതാബ്ദി എക്സ്പ്രസ് തുടങ്ങിയ ട്രെയിനുകളിൽ നിലവിൽ 25 ശതമാനം ഡിസ്കൗണ്ട് ബാധകമാണ്.