വിവിധ പ്ലാനുകൾ

3, 6, 12 മാസം എന്നിങ്ങനെ നിരവധി പ്ലാനുകൾ ജിയോ ഫൈബറിന് കീഴിലുണ്ട്. ഒരു മാസത്തെ പ്ലാൻ എടുത്താലും ഒരു സെറ്റ്-ടോപ്പ് ബോക്സ് ലഭിക്കും. വിവിധ പ്ലാനുകളും അവയ്ക്കൊപ്പം ലഭിക്കുന്ന സൗജന്യ സേവനങ്ങളും പരിശോധിക്കാം.

• ബ്രോൺസ് പ്ലാൻ - മ്യൂസ് 6W സ്പീക്കർ (വില 2,999 രൂപ)
• സിൽ‌വർ‌ പ്ലാൻ‌: തമ്പ്‌ 2 12W സ്പീക്കറുകൾ‌ (വില 3,999 രൂപ)
• ഗോൾഡ് ആൻഡ് ഡയമണ്ട് പ്ലാൻ: 24 ഇഞ്ച് എച്ച്ഡി ടിവി (വില, 12,990 രൂപ)‌
• പ്ലാറ്റിനം പ്ലാൻ: 32 ഇഞ്ച് എച്ച്ഡി ടിവി (32,990 രൂപ)
• ടൈറ്റാനിയം പ്ലാൻ: 43 ഇഞ്ച് 4 കെ ടിവി (44,990 രൂപ)

ടൈറ്റാനിയം പ്ലാൻ

4 8,499 രൂപയാണ് ടൈറ്റാനിയം പ്ലാനിന്റെ നിരക്ക്. 1 ജിബിപിഎസ് വേ​ഗതയിൽ 30 ദിവസത്തേക്ക് പരിധിയില്ലാത്ത ഡാറ്റയാണ് (5000 ജിബി) ഈ പ്ലാനിലൂടെ ലഭിക്കുക. ഇന്ത്യയിൽ എവിടെയും സൗജന്യ വോയിസ് കോളും ടിവി വീഡിയോ കോളിംഗ് / കോൺഫറൻസിംഗ് തുടങ്ങിയ സേവനങ്ങളും ഈ പ്ലാനിനൊപ്പം ലഭിക്കും. ഗെയിമിംഗ്, ഹോം നെറ്റ്‌വർക്കിംഗ്, ഉപകരണ സുരക്ഷ(അഞ്ച് ഉപകരണങ്ങൾ വരെ), പ്രീമിയം ഉള്ളടക്കം (ആദ്യ ദിവസം ആദ്യ ഷോ മൂവികൾ) എന്നിങ്ങനെ ലഭിക്കും. 43 ഇഞ്ച് 4 കെ ടിവി സൗജന്യമായും ലഭിക്കും.

പ്ലാറ്റിനം പ്ലാൻ

3,999 രൂപയുടേതാണ് പ്ലാറ്റിനം പ്ലാൻ. 1 ജിബിപിഎസ് വേ​ഗതയിൽ 30 ദിവസത്തേക്ക് പരിധിയില്ലാത്ത അതിവേഗ ഡാറ്റയാണ് ഈ പ്ലാനിലൂടെ ലഭിക്കുക. മുകളിൽ പറഞ്ഞ ഗെയിമിംഗ്, ഹോം നെറ്റ്‌വർക്കിംഗ്, ഉപകരണ സുരക്ഷ തുടങ്ങിയ സേവനങ്ങൾക്കൊപ്പം സൗജന്യമായി ലഭിക്കുന്നത് 32 ഇഞ്ച് എച്ച്ഡി ടിവിയാണ്.

ഡയമണ്ട് പ്ലാൻ

2,499 രൂപയാണ് ഡയമണ്ട് പ്ലാനിന്റെ നിരക്ക്. 500 എം.ബി.പി.എസ് വേ​ഗതയിൽ 30 ദിവസത്തേക്ക് പരിധിയില്ലാത്ത അതിവേഗ ഡാറ്റ (1250GB + 250 GB അധികം) ലഭിക്കും. ഇന്ത്യയിൽ എവിടെയും സൗജന്യ വോയിസ് കോളുകളും ചെയ്യാം. 24 ഇഞ്ച് എച്ച്‍ഡി ടിവിയാണ് ഈ പ്ലാനിനൊപ്പം സൗജന്യമായി ലഭിക്കുക.

ഗോൾഡ് പ്ലാൻ

1,299 രൂപയുടെ ​ഗോൾഡ് പ്ലാനിൽ 250 എം.ബി.പി.എസ് വേ​ഗതയിൽ 30 ദിവസത്തേക്ക് പരിധിയില്ലാത്ത അതിവേഗ ഡാറ്റ (500 ജിബി + 250 ജിബി അധിക) ലഭിക്കും. ഈ പ്ലാനിനൊപ്പവും സൗജന്യമായി 24 ഇഞ്ച് എച്ച്‍ഡി ടിവി ലഭിക്കും.

സിൽവർ പ്ലാൻ

849 രൂപയുടെ സിൽവർ പ്ലാൻ സാധാരണക്കാർക്ക് പറ്റിയ പ്ലാനുകളിലൊന്നാണ്. 100MBPS വേ​ഗതയിൽ 30 ദിവസത്തേക്ക് അതിവേഗ ഡാറ്റയാണ് (200 ജിബി + 200 ജിബി അധിക ഡേറ്റ) ലഭിക്കുക. ഇതിനൊപ്പം സൗജന്യമായി ലഭിക്കുന്നത് 3,999 രൂപ വില വരുന്ന തമ്പ്‌ 2 12W സ്പീക്കറുകളാണ്.

ബ്രോൺസ് പ്ലാൻ

ജിയോ ഫൈബറിന് കീഴിലുള്ള ഏറ്റവും വില കുറഞ്ഞ പ്ലാനാണിത്. 699 രൂപയുടെ ഈ പ്ലാൻ അനുസരിച്ച് 100MBPS വേ​ഗതയിൽ 30 ദിവസത്തേക്ക് അതിവേഗ ഡാറ്റ (100 ജിബി + 50 ജിബി അധിക) ലഭിക്കും. ഇന്ത്യയിൽ എവിടെയും സൗജന്യ വോയ്സ് കോൾ സൗകര്യവും ലഭിക്കും. 2,999 രൂപ വില മതിക്കുന്ന മ്യൂസ് 6W സ്പീക്കർ ആണ് സൗജന്യമായി ലഭിക്കുക.

അപേക്ഷിക്കേണ്ടത് എങ്ങനെ?

ജിയോ ഫൈബറിനായുള്ള അപേക്ഷാ പ്രക്രിയ ഓൺലൈനിലൂടെ ചെയ്യാവുന്നതും വളരെ ലളിതവുമാണ്. ജിയോ ഫൈബർ സേവനത്തിനായി ഇതുവരെ അപേക്ഷിച്ചിട്ടില്ലാത്തവർക്ക് അവരുടെ വിലാസം നൽകി വെബ്‌സൈറ്റിൽ താൽപ്പര്യം പ്രകടിപ്പിക്കാൻ കഴിയും. നിങ്ങളുടെ പ്രദേശത്ത് സേവനങ്ങൾ ആരംഭിച്ചു കഴിഞ്ഞാൽ, ജിയോ സെയിൽസ് ടീം നിങ്ങളെ ബന്ധപ്പെടും. ഇതുവരെ 5 ലക്ഷത്തോളം പേർ ജിയോ ഫൈബർ കണക്ഷനായി അപേക്ഷിച്ചിട്ടുണ്ട്.