അന്തരിച്ച വി.ജി സിദ്ധാർത്ഥ സ്ഥാപിച്ച കഫേ കോഫി ഡേ ഗ്രൂപ്പിന്റെ ഹോൾഡിംഗ് കമ്പനിയായ കോഫി ഡേ എന്റർപ്രൈസസ് ലിമിറ്റഡ് (സിഡിഇഎൽ) ബെംഗളൂരുവിലെ ഗ്ലോബൽ വില്ലേജ് ടെക്നോളജി പാർക്ക് വിൽക്കുന്നു. ന്യൂയോർക്ക് ആസ്ഥാനമായുള്ള സ്വകാര്യ ഇക്വിറ്റി ഭീമനായ ബ്ലാക്ക്സ്റ്റോൺ ഗ്രൂപ്പ് എൽ‌എൽ‌പിക്ക് വിൽക്കാനുള്ള കരാർ ഒപ്പിട്ടു.

കമ്പനിയുമായി അടുത്ത വൃത്തങ്ങളാണ് വിൽപ്പന സ്ഥിരീകരിച്ചത്. 90 ഏക്കർ ടെക് പാർക്ക് 2,800 കോടി രൂപയ്ക്ക് വിൽക്കാനാണ് അന്തിമ തീരുമാനം. പണം അടുത്ത ഒരാഴ്ചയ്ക്കുള്ളിൽ സിഡിഇഎല്ലിന് കൈമാറും. ഇടപാടിലൂടെ ലഭിക്കുന്ന പണത്തിൽ നിന്ന് 2,000 കോടി രൂപ സി‌ഡി‌എല്ലിന്റെ കടങ്ങൾ തിരിച്ചടയ്ക്കാൻ ഉപയോഗിക്കുകയും 800 കോടി രൂപ സി‌ഡി‌എല്ലിന്റെ പ്രവർത്തന മൂലധന ആവശ്യങ്ങൾ നിറവേറ്റുന്നതിനായി ഉപയോഗിക്കുകയും ചെയ്യുമെന്നാണ് വിവരം. ബ്ലാക്ക്സ്റ്റോൺ വക്താവ് ഇടപാടുമായി ബന്ധിപ്പെട്ട കാര്യങ്ങളോട് പ്രതികരിക്കാൻ വിസമ്മതിച്ചു.

മാർച്ച് 31 വരെയുള്ള കണക്കുകൾ അനുസരിച്ച് കോഫി ഡേ ഗ്ലോബൽ ലിമിറ്റഡ് (കോഫി ബിസിനസ്സ്), സിക്കൽ ലോജിസ്റ്റിക്സ് ലിമിറ്റഡ് (ഇന്റഗ്രേറ്റഡ് ലോജിസ്റ്റിക്സ്), ടാങ്‌ലിൻ ഡെവലപ്‌മെന്റ് ലിമിറ്റഡ് (റിയൽറ്റി), വേ 2 വെൽത്ത് (ധനകാര്യ സേവനങ്ങൾ), കോഫി ഡേ ഹോട്ടൽസ് ആൻഡ് റിസോർട്ടുകൾ ലിമിറ്റഡ് (ഹോസ്പിറ്റാലിറ്റി) എന്നിവയ്ക്ക് മൊത്തത്തിൽ 7,653 കോടി രൂപയുടെ കടബാധ്യതയുണ്ട്.

മാർച്ച് 31 വരെയുള്ള എല്ലാ കോഫി ഡേ അനുബന്ധ സ്ഥാപനങ്ങളുടെയും (ബാങ്ക് വായ്പകളും എൻ‌സി‌ഡികളും) ഏകീകൃത വായ്പകളും 6,547.38 കോടി രൂപയാണ്. ഇതിൽ ഹ്രസ്വകാല കടബാധ്യത 1,106 കോടി രൂപയാണ്. കോഫി ഡേ ഗ്ലോബലിന് മാത്രം മാർച്ച് 31 വരെ 879.67 കോടി രൂപ കടബാധ്യതയുണ്ട്. കമ്പനി സമർപ്പിച്ച ബാലൻസ് ഷീറ്റ് അനുസരിച്ച്. സി‌ഡി‌എല്ലിന്റെ മൊത്തം ആസ്തി ഏകദേശം, 11,259 കോടി ആയിരുന്നു.

malayalam.goodreturns.in