പെൻഷൻ പദ്ധതി

കിസാൻ മൻധൻ പദ്ധതി പ്രകാരം 60 വയസ്സിന് മുകളിലുള്ള കർഷകർക്ക് പ്രതിമാസം 3,000 രൂപ പെൻഷൻ ലഭിക്കും. പദ്ധതിയ്ക്കായി അടുത്ത മൂന്ന് വർഷത്തേക്ക് സർക്കാർ 10,774 കോടി രൂപ നീക്കിവച്ചിട്ടുണ്ട്. 18 നും 40 നും ഇടയിൽ പ്രായമുള്ള കർഷകർക്ക് അവരുടെ പ്രവേശന പ്രായം അനുസരിച്ച് വിരമിക്കൽ പ്രായം (60) വരെ പ്രതിമാസം 55 മുതൽ 200 രൂപ വരെ സംഭാവന നൽകാം.

3000 രൂപ പെൻഷൻ

60 വയസ്സിന് ശേഷം പദ്ധതിയിൽ അം​ഗങ്ങളായ കർഷകർക്ക് പ്രതിമാസം 3,000 രൂപ പെൻഷൻ ലഭിക്കും. പെൻഷൻ ഫണ്ട് മാനേജരായ ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ (എൽഐസി) ആണ് ഈ പെൻഷൻ വിതരണം ചെയ്യുക. രണ്ടേക്കർ വരെ ഭൂമി കൈവശമുള്ള കർഷകരാണു അപേക്ഷിക്കാൻ അർഹർ.

നിബന്ധനകൾ

സ്വന്തമായി കൃഷിഭൂമിയുണ്ടായിരിക്കണമെന്നതാണ് പദ്ധതിയുടെ പ്രധാന മാനദണ്ഡം. എന്നാല്‍ അഞ്ച് ഏക്കറിലധികം ഭൂമിയുണ്ടാകാന്‍ പാടില്ല. മിനിസ്ട്രി ഓഫ് ഇന്‍ഫോര്‍മേഷന്‍ ടെക്‌നോളജിയുടെ രജിസ്‌ട്രേഷനുള്ള കോമണ്‍ സര്‍വീസ് സെന്ററുകള്‍, അക്ഷയ കേന്ദ്രങ്ങള്‍ എന്നിവ വഴി രജിസ്റ്റര്‍ ചെയ്യാം. കര്‍ഷകന്റെ കാലശേഷം പങ്കാളിക്ക് കുടുംബ പെന്‍ഷനായ 1500 രൂപ ലഭിക്കും. മാസവിഹിതം അടയ്ക്കുന്നതിനിടെ കര്‍ഷകന്‍ മരിച്ചാല്‍ പങ്കാളിക്ക് വിഹിതം അടച്ച് പദ്ധതിയില്‍ തുടരാം. 60 വയസാകുമ്പോള്‍ 3000 രൂപ വീതം പെന്‍ഷന്‍ ലഭിക്കും.

അർഹത

• കേന്ദ്ര-സംസ്ഥാന സര്‍ക്കാര്‍ ജീവനക്കാര്‍ക്കും വിരമിച്ചവര്‍ക്കും അപേക്ഷിക്കാന്‍ പാടില്ല.
• സമാനമായ കേന്ദ്രസര്‍ക്കാരിന്റെ പെന്‍ഷന്‍ പദ്ധതികളില്‍ ഉള്‍പ്പെട്ടവര്‍ക്കും ഇഎസ്‌ഐ ഗുണഭോക്താക്കള്‍ക്കും അര്‍ഹതയുണ്ടാകില്ല
• ക്ലാസ് ഫോര്‍, ഗ്രൂപ്പ് ഡി ജീവനക്കാര്‍ക്കും പെന്‍ഷന്‍കാര്‍ക്കും അപേക്ഷ സമര്‍പ്പിക്കാം

പ്രധാനമന്ത്രി ശ്രാംയോഗി മന്‍ധന്‍ യോജന

അസംഘടിത മേഖലയിലെ തൊഴിലാളികള്‍ക്കായി കേന്ദ്ര സര്‍ക്കാര്‍ പ്രഖ്യാപിച്ച പെൻഷൻ പദ്ധതിയാണ് പ്രധാനമന്ത്രി ശ്രംയോഗി മന്‍ധന്‍ യോജനയുടെ (പി.എം.എസ്.വൈ.എം). കാര്‍ഷിക മേഖലയില്‍ തൊഴില്‍ ചെയ്യുന്നവര്‍, കൈത്തറി തൊഴിലാളികള്‍, നിര്‍മാണ തൊഴിലാളികള്‍, ചെറുകിട കച്ചവടക്കാര്‍, മോട്ടോര്‍ വാഹന തൊഴിലാളികള്‍, ചുമട്ടുതൊഴിലാളികള്‍ ആശ- അങ്കണവാടി പ്രവര്‍ത്തകര്‍ തുടങ്ങിയ നൂറിലേറെ അസംഘടിത മേഖലയിലെ തൊഴിലാളികൾക്കാണ് ഈ പദ്ധതിയില്‍ ചേരാവുന്നത്. അറുപത് വയസ്സിന് ശേഷം 3,000 രൂപ പെന്‍ഷന്‍ ഉറപ്പ് നല്‍കുന്ന പദ്ധതിയാണ് ഇതും.