പഴയ മോഡലുകൾ

പഴയ ഐഫോൺ മോഡലുകളുടെ വില 10 മുതൽ 30% വരെ കുറയ്ക്കാനാണ് കമ്പനി തീരുമാനിച്ചിരിക്കുന്നത്. പഴയ മോഡലുകളിൽ, കഴിഞ്ഞ വർഷം വിപണിയിലെത്തിയ ആപ്പിൾ ഐഫോൺ എക്സ്ആർ, ആപ്പിൾ ഐഫോൺ എക്സ്എസ്, ആപ്പിൾ ഐഫോൺ എക്സ്എസ് മാക്സ് എന്നിവയ്ക്ക് വൻ വിലക്കുറവുണ്ട്.

ആപ്പിൾ ഐഫോൺ എക്സ്ആർ

ആപ്പിൾ ഐഫോൺ എക്സ്ആറിന് ഇന്ത്യയിൽ 27,000 രൂപ കുറഞ്ഞു. ആപ്പിൾ ഐഫോൺ എക്സ്ആറിന്റെ 64 ജിബി പതിപ്പ് ഇപ്പോൾ, 49,900 രൂപയ്ക്ക് ലഭ്യമാണ്. കഴിഞ്ഞ വർഷം ഇന്ത്യയിൽ 76,900 രൂപയ്ക്കാണ് ഈ മോഡൽ വിപണിയിലെത്തിയത്. ആപ്പിൾ ഐഫോൺ എക്‌സ്‌ആറിന്റെ 128 ജിബി വേരിയന്റിന്,54,900 രൂപയാണ് വില. ആപ്പിൾ ഐഫോൺ എക്സ്ആർ 2018 ൽ പുറത്തിറക്കിയപ്പോൾ വില, 81,900 രൂപയായിരുന്നു.

ആപ്പിൾ ഐഫോൺ എക്സ്എസ്

ആപ്പിൾ ഐഫോൺ എക്സ്എസ് 64 ജിബിയുടെ അടിസ്ഥാന മോഡലിന് ഇന്ത്യയിൽ 11,000 രൂപ കുറഞ്ഞ് 89,900 രൂപയ്ക്ക് ലഭിക്കും. ആപ്പിൾ ഐഫോൺ എക്സ്എസ് 256 ജിബിയുടെ ഇപ്പോഴത്തെ കുറഞ്ഞ വില 1,03,900 രൂപയാണ്. പഴയ ഐഫോൺ മോഡലുകളായ ഐഫോൺ 8, ഐഫോൺ 8 പ്ലസ് എന്നിവയ്ക്കും ഇത്തവണ വിലക്കുറവ് ലഭിക്കും. ആപ്പിൾ ഐഫോൺ 8 64 ജിബി വേരിയന്റിന് 39,900 രൂപയും, ഐഫോൺ 8 പ്ലസ് 64 ജിബിക്ക് 49,900 രൂപയുമാണ് വില.

ഐഫോൺ 7

അതുപോലെ തന്നെ, ഐഫോൺ 7, ഐഫോൺ 7 പ്ലസ് എന്നിവയുടെ വ്യത്യസ്ത പതിപ്പുകളുടെ വിലയും ആപ്പിൾ കുറച്ചിട്ടുണ്ട്. ഐഫോൺ 7 32 ജിബിയുടെ വില, 29,900 രൂപയും ആപ്പിൾ ഐഫോൺ 7 128 ജിബിയുടെ വില 34,900 രൂപയുമാണ്. കൂടാതെ ആപ്പിൾ ഐഫോൺ 7 പ്ലസ് 32 ജിബിയുടെ വില 37,900 രൂപയും ആപ്പിൾ ഐഫോൺ 7 പ്ലസ് 128 ജിബിയുടെ വില 42,900 രൂപയുമാണ്. ആപ്പിൾ വാച്ച് സീരീസ് 3 ന്റെ വിലയും കുറച്ചിട്ടുണ്ട്. ഇത്,20,900 രൂപയ്ക്ക് ലഭ്യമാണ്.