സംസ്ഥാനത്ത് സ്വര്ണ വില കൂടി. പവന് 120 രൂപ വര്ദ്ധിച്ച് 27,800 രൂപയിലാണ് ഇന്ന് വ്യാപാരം നടക്കുന്നത്. ഗ്രാമിന് 3,475 രൂപയാണ് വില. 27,840 രൂപയായിരുന്നു ഇന്നലെ സ്വര്ണത്തിന്റെ വില. ഇന്നലെ വൈകീട്ടോടെ സ്വര്ണവില കുറഞ്ഞ് 27,680 രൂപയില് എത്തിയിരുന്നു. ഇതിന് ശേഷമാണ് ഇന്ന് സ്വര്ണ വില വീണ്ടും ഉയര്ന്നിരിക്കുന്നത്.
സെപ്റ്റംബര് നാലിന് സ്വര്ണ വില റെക്കോർഡ് വിലയായ 29,120 രൂപയിലെത്തിയിരുന്നു. ഈ മാസത്തെ ഏറ്റവും ഉയർന്ന വിലയും ഇത് തന്നെയായിരുന്നു. ആഗോള വിപണിയില് സ്വര്ണവില കുതിച്ചുയരുന്നതിനോടൊപ്പം ഡോളറിനെതിരെ രൂപയുടെ മൂല്യം ഇടിഞ്ഞതും ആഭ്യന്തരവിപണിയില് സ്വര്ണ്ണത്തിന്റെ വില കുതിക്കാന് കാരണമായിട്ടുണ്ട്.
യുഎസും ചൈനയും തമ്മിലുള്ള വ്യാപാര യുദ്ധം വളർച്ചയെ മന്ദഗതിയിലാക്കുമെന്ന ആശങ്കയെത്തുടർന്ന് സ്വർണ വില ഈ മാസം ആദ്യം ആറ് വർഷത്തെ ഏറ്റവും ഉയർന്ന നിരക്കിലേക്ക് ഉയർന്നിരുന്നു. എന്നാൽ യുഎസും ചൈനയും അടുത്ത മാസം നടക്കുന്ന ഉന്നതതല ചർച്ചകൾക്ക് മുന്നോടിയായി സ്വർണ വില കുത്തനെ കുറയുകയായിരുന്നു.
ഉയർന്ന വിലയെ തുടർന്ന് ഈ മാസം ആദ്യം ഇന്ത്യയിലേക്കുള്ള സ്വർണ്ണ ഇറക്കുമതി കുത്തനെ ഇടിഞ്ഞിരുന്നു. എന്നാൽ വില കുറയുന്നതോടെ വീണ്ടും ഇറക്കുമതി വർദ്ധിപ്പിക്കാനാകുമെന്നാണ് വ്യാപാരികളുടെ പ്രതീക്ഷ. വെള്ളിക്ക് എംസിഎക്സിൽ വില 0.81 ശതമാനം കുറഞ്ഞ് കിലോയ്ക്ക് 46,215 രൂപയിലെത്തി. ഈ മാസം ആദ്യം രേഖപ്പെടുത്തി കിലോയ്ക്ക് 51,489 രൂപയിൽ നിന്ന് 5,000 രൂപയുടെ കുറവിലാണ് ഇന്നലെ വ്യാപാരം നടന്നത്. ഈ മാസം ആദ്യം റെക്കോർഡ് ഉയരത്തിലെത്തിയതിനുശേഷമാണ് ഇന്ത്യയിൽ സ്വർണ്ണത്തിന്റെയും വെള്ളിയുടെയും വില കുത്തനെ താഴേയ്ക്ക് പോകുന്നത്.
malayalam.goodreturns.in