ക്യൂആർ കോഡ്

മൊബൈലിൽ യുടിഎസ് ആപ്ലിക്കേഷൻ ഉപയോഗിച്ച് സ്റ്റേഷനുകളിൽ നൽകിയിട്ടുള്ള ക്യുആർ കോഡ് സ്കാൻ ചെയ്ത ശേഷം യാത്രക്കാർക്ക് എളുപ്പത്തിൽ ടിക്കറ്റ് ലഭിക്കുമെന്ന് നോർത്ത് വെസ്റ്റേൺ റെയിൽവേ, ചീഫ് പബ്ലിക് റിലേഷൻസ് ഓഫീസർ അഭയ് ശർമ പറഞ്ഞു. അവസാന നിമിഷം ടിക്കറ്റ് ബുക്ക് ചെയ്യാൻ തീരുമാനിക്കുന്ന യാത്രക്കാർക്ക് ഈ സേവനം സൗകര്യപ്രദമാകുമെന്നാണ് വിവരം.

സ്റ്റേഷനുകൾ

താഴെ പറയുന്ന സ്റ്റേഷനുകളിലാണ് ക്യൂആർ കോഡ് ടിക്കറ്റുകൾ ലഭിക്കുക.

• ജയ്പൂർ
• അജ്മീർ
• ജോധ്പൂർ
• ബിക്കാനീർ
• അബു റോഡ്
• ഉദയ്പൂർ സിറ്റി
• ദുർഗാപുര
• അൽവാർ
• റെവാരി
• സംഗനേർ
• ലാൽഗഡ്
• ‌ഗാന്ധിനഗർ ജയ്പൂർ

ക്യൂആർ കോഡ് വഴി എങ്ങനെ ടിക്കറ്റ് ബുക്ക് ചെയ്യാം?

• ക്യൂആർ കോഡുകൾ വഴി ടിക്കറ്റ് ബുക്ക് ചെയ്യുന്നതിന്, ഉപയോക്താവ് ഗൂഗിൾ പ്ലേ സ്റ്റോറിൽ നിന്ന് യുടിഎസ് ആപ്ലിക്കേഷൻ ഡൗൺലോഡ് ചെയ്യുക.
• 'രജിസ്ട്രേഷൻ', 'ലോഗിൻ' പ്രക്രിയ എന്നിവ പൂർത്തിയാക്കുക.
• ലോഗിൻ ചെയ്ത ശേഷം ഉപഭോക്താവ് 'ബുക്ക് ടിക്കറ്റ്' മെനുവിൽ QR ബുക്കിംഗ് തിരഞ്ഞെടുത്ത് സ്റ്റേഷൻ പരിസരത്ത് നൽകിയിരിക്കുന്ന QR കോഡ് സ്കാൻ ചെയ്യുക.
• പോകേണ്ട സ്ഥലവും മറ്റ് ആവശ്യമായ വിവരങ്ങളും തിരഞ്ഞെടുത്ത് ബുക്കിംഗ് പ്രക്രിയ പൂർത്തിയാക്കുക.

യാത്രക്കാർക്ക് എളുപ്പം

ക്യൂആർ കോഡ് സ്കാനിം​ഗിലൂടെയുള്ള ടിക്കറ്റ് ബുക്കിം​ഗ് വഴി യാത്രക്കാർക്ക് എളുപ്പത്തിൽ ടിക്കറ്റ് ബുക്ക് ചെയ്യാൻ സാധിക്കും. ഇത് ഉപയോഗിച്ച് പേപ്പർ‌ലെസ് റിസർവ് ചെയ്യാത്ത ടിക്കറ്റ് മൊബൈൽ‌ ഫോണിൽ‌ തന്നെ ലഭ്യമാകും.