പലിശ കുറയാൻ സാധ്യത

പലിശ നിരക്കിൽ പൊതുവായുള്ള ഇടിവ് കാരണം മിക്കവാറും ഇത്തവണ ചെറുകിട നിക്ഷേപ പദ്ധതികളുടെയും പലിശ കുറയ്ക്കാനാണ് സാധ്യതയെന്ന് സാമ്പത്തിക വിദ​ഗ്ധർ പറയുന്നു. എന്നിരുന്നാലും ചെറിയ സമ്പാദ്യ പദ്ധതികളുടെ പലിശ നിരക്കിൽ വലിയ കുറവുണ്ടാകുമെന്നും പ്രതീക്ഷിക്കുന്നില്ല.

ബോണ്ട് വരുമാനത്തെ ആശ്രയിച്ച്

ചെറുകിട സമ്പാദ്യ പദ്ധതികളുടെ പലിശ നിരക്ക് സർക്കാരിന്റെ ബോണ്ട് വരുമാനത്തെ ആശ്രയിച്ച് ഓരോ പാദത്തിലും പരിഷ്കരിക്കും. ജൂലൈ-സെപ്റ്റംബർ പാദത്തിൽ പിപിഎഫിന്റെയും മറ്റ് ചെറുകിട സമ്പാദ്യ പദ്ധതികളുടെയും പലിശ നിരക്ക് 10 ബേസിസ് പോയിൻറ് സർക്കാർ കുറച്ചിരുന്നു. ബാങ്കുകളും സ്ഥിര നിക്ഷേപ പലിശ നിരക്കുകൾ നിലവിൽ കുറയ്ക്കുകയാണ്.

നിലവിലെ പലിശ നിരക്ക്

നടപ്പ് പാദത്തിൽ (ജൂലൈ-സെപ്റ്റംബർ പാദത്തിൽ) പിപിഎഫ്, നാഷണൽ സേവിംഗ്സ് സർട്ടിഫിക്കറ്റ് (എൻ‌എസ്‌സി) എന്നിവയ്ക്ക് 7.9 ശതമാനവും
കിസാൻ വികാസ് പത്രയ്ക്ക് (കെവിപി) 7.6 ശതമാനവും സുകന്യ സമൃദ്ധി നിക്ഷേപത്തിന് 8.4 ശതമാനവും അഞ്ചുവർഷത്തെ സീനിയർ സിറ്റിസൺ സേവിംഗ്സ് സ്കീമിന് 8.6 ശതമാനവും പലിശയാണ് ലഭിച്ചിരുന്നുത്. സുകന്യ സമൃദ്ധി, സീനിയർ സിറ്റിസൺ സേവിംഗ്സ് സ്കീമുകൾ എന്നിവയാണ് മറ്റ് ചെറിയ സേവിംഗ്സ് സ്കീമുകളേക്കാൾ ഉയർന്ന വരുമാനം നൽകുന്നത്.

ആർബിഐ ധനനയം

റിസർവ് ബാങ്ക് ധനനയ തീരുമാനം വെള്ളിയാഴ്ച പ്രഖ്യാപിക്കും. കൂടാതെ ബെഞ്ച്മാർക്ക് റിപ്പോ നിരക്ക് ഇനിയും കുറയ്ക്കുമെന്നാണ് വ്യാപകമായി പ്രതീക്ഷിക്കുന്നത് ഈ വർഷം ഇതുവരെ റിസർവ് ബാങ്ക് 110 ബേസിസ് പോയിൻറ് കുറച്ചിട്ടുണ്ട്.