ഐഫോൺ ഉപഭോക്താക്കളുടെ ശ്രദ്ധയ്ക്ക്..വളരെക്കാലമായി ഓപ്പറേറ്റിംഗ് സിസ്റ്റത്തിന്റെ പുതിയ പതിപ്പിലേക്ക് അപ്‌ഗ്രേഡു ചെയ്യാത്ത ഐഫോൺ ഉപയോക്താക്കൾക്ക് അടുത്ത വർഷം മുതൽ വാട്ട്സ്ആപ്പ് ഉപയോ​ഗിക്കാൻ സാധിക്കില്ല. നിങ്ങളുടേത് iOS 8 ഓപ്പറേറ്റിം​ഗ് സിസ്റ്റമുള്ള ഐഫോണാണെങ്കിൽ വാട്ട്സ്ആപ്പിൽ നിന്നുള്ള നിർദ്ദേശമനുസരിച്ച് 2020 ഫെബ്രുവരി 1 വരെ മാത്രമേ നിങ്ങളുടെ ഫോണിൽ വാട്ട്സ്ആപ്പ് ഉപോ​ഗിക്കാൻ കഴിയൂ.

iOS 8ൽ ഇനി പുതിയ അക്കൗണ്ടുകൾ സൃഷ്ടിക്കാനോ നിലവിലുള്ള അക്കൗണ്ടുകൾ സ്ഥിരീകരിക്കാനോ കഴിയില്ലെന്നാണ് അപ്‌ഡേറ്റ് വ്യക്തമാക്കുന്നത്. അതിനാൽ വാട്ട്‌സ്ആപ്പ് പ്രവർത്തിപ്പിക്കാൻ ഐഫോൺ ഉപയോക്താക്കൾക്ക് iOS 9 അല്ലെങ്കിൽ അതിനുശേഷമുള്ള പുതിയ
ഓപ്പറേറ്റിം​ഗ് സിസ്റ്റത്തിലേയ്ക്ക് അപ്​ഗ്രേ‍ഡ് ചെയ്യേണ്ടി വരും.

മികച്ച സേവനത്തിനായി നിങ്ങളുടെ ഫോണിൽ ലഭ്യമായ iOS- ന്റെ ഏറ്റവും പുതിയ പതിപ്പ് ഉപയോഗിക്കാനാണ് വാട്ട്സ്ആപ്പും ശുപാർശ ചെയ്യുന്നത്. അൺ‌ലോക്ക് ചെയ്ത ഉപകരണങ്ങളുടെ ഉപയോഗത്തിൽ നിയന്ത്രണങ്ങളില്ല. എന്നിരുന്നാലും, ഈ പരിഷ്‌ക്കരണങ്ങൾ ഉപകരണത്തിന്റെ പ്രവർത്തനത്തെ ബാധിച്ചേക്കാമെന്നതിനാൽ, ഐഫോണിന്റെ ഓപ്പറേറ്റിംഗ് സിസ്റ്റത്തിന്റെ പരിഷ്‌ക്കരിച്ച പതിപ്പുകൾ ഉപയോഗിക്കുന്ന ഉപകരണങ്ങൾക്കും വാട്ട്സ്ആപ്പ് സേവനം നൽകാൻ കഴിയില്ലെന്നും കമ്പനി കൂട്ടിച്ചേർത്തു.

ഐഫോണിൽ മാത്രമല്ല ആൻഡ്രോയിഡ് പതിപ്പുകൾ 2.3.7 നേക്കാൾ പഴയ ഓപ്പറേറ്റിം​ഗ് സിസ്റ്റമുള്ള മൊബൈൽ ഫോണുകളിലും ഇനി പുതിയ അക്കൗണ്ടുകൾ സൃഷ്ടിക്കാനോ നിലവിലുള്ള അക്കൗണ്ടുകൾ വേരിഫൈ ചെയ്യാനോ കഴിയില്ലെന്നും വാട്ട്‌സ്ആപ്പ് അറിയിച്ചു. എന്നിരുന്നാലും, 2020 ഫെബ്രുവരി 1 വരെ ഈ ഫോണുകൾ ഉപയോ​ഗിക്കുന്നവർക്ക് വാട്ട്‌സ്ആപ്പ് ഉപയോഗിക്കുന്നത് തുടരാനാകും.

malayalam.goodreturns.in