2019 ഒക്ടോബർ മാസത്തിൽ ബാങ്ക് അവധികളുടെ പൂരം. ഇത്തവണ രാജ്യത്തെ വിവിധ സംസ്ഥാനങ്ങളിലുള്ള ബാങ്കുകൾക്ക് മൊത്തത്തിൽ ലഭിക്കുന്നത് 11 ദിവസത്തെ അവധിയാണ്. എന്നാൽ ഓരോ സംസ്ഥാനത്തെയും ആഘോഷ ദിനങ്ങളും മറ്റും വ്യത്യസ്തമായതിനാൽ ചില വ്യത്യാസങ്ങളുമുണ്ട്. ഞായർ, രണ്ടാം ശനി, നാലാം ശനി ദസറ, ദീപാവലി തുടങ്ങി ഒക്ടോബർ 2 നും ഒക്ടോബർ 29 നും ഇടയിലാണ് 11 അവധി ദിനങ്ങളുള്ളത്.

അതിനാൽകാശിന് ആവശ്യങ്ങളുള്ളവർ ഒക്ടോബറിലെ ആ ബാങ്ക് അവധി ദിനങ്ങളുടെ പട്ടിക മനസ്സിൽ സൂക്ഷിക്കുന്നതും ആവശ്യത്തിന് പണം കൈയിൽ കരുതുന്നതും പ്രധാനമാണ്. ബാങ്ക് ജീവനക്കാർ അവധിയെടുക്കുന്നതിനാൽ ബാങ്ക് എടിഎം റീഫില്ലിംഗും താൽക്കാലികമായി തടസ്സപ്പെട്ടേയ്ക്കാം. നിലവിലെ റിസർവ് ബാങ്ക് നിയമങ്ങൾ അനുസരിച്ച്, ബാങ്കുകൾക്ക് മാസത്തിലെ രണ്ടാമത്തെയും നാലാമത്തെയും ശനിയാഴ്ചകളിൽ പൊതു അവധിയാണ്.

താഴെ പറയുന്നവയാണ് ഒക്ടോബറിലെ അവധി ദിനങ്ങൾ.

• ഒക്ടോബർ 2: ഗാന്ധി ജയന്തി
• ഒക്ടോബർ 6: ഞായർ
• ഒക്ടോബർ 7: നവമി
• ഒക്ടോബർ 8: ദസറ
• ഒക്ടോബർ 12: രണ്ടാം ശനി
• ഒക്ടോബർ 13: ഞായർ
• ഒക്ടോബർ 20: ഞായർ
• ഒക്ടോബർ 26: നാലാം ശനി
• ഒക്ടോബർ 27: ദീപാവലി
• ഒക്ടോബർ 28: ഗോവർദ്ധൻ പൂജ
• ഒക്ടോബർ 29: ഭായ് ഡൂജ്

കേരളത്തില്‍ ഒക്ടോബര്‍ രണ്ട്, ഏഴ്, എട്ട്, 12, 26 എന്നീ ദിവസങ്ങള്‍ പൊതു അവധി ആയിരിക്കും. കഴിഞ്ഞ മാസം ധനമന്ത്രി നിർമ്മല സീതാരാമൻ 10 പ്രമുഖ പൊതുമേഖലാ ബാങ്കുകളെ ലയിപ്പിച്ചതിൽ പ്രതിഷേധിച്ച് നാല് ബാങ്ക് യൂണിയനുകൾ സെപ്റ്റംബർ 25 അർദ്ധരാത്രി മുതൽ സെപ്റ്റംബർ 27 വരെ രണ്ട് ദിവസത്തെ പണിമുടക്ക് പ്രഖ്യാപിച്ചിരുന്നു. എന്നാൽ പിന്നീട് പണിമുടക്ക് മാറ്റി വച്ചു.

malayalam.goodreturns.in